Yesaya 1:15 - Mandinka Bible

¹⁵ Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Yesaya 1:15 Referans Kwoze

Mika 3:4

Ali si naa kumboo Yaawe* ye, bari a te ali danku la wo waatoo. A si a ñaa kaasi ali la ali la ñiŋ kuu kuruŋ kewo kamma la.

Kuma Kotoomaalu 1:28

Wo to le ali be n kumandi la, bari n te ali danku la, ali be n ñini la le, bari ali te n je la.

Jakariya 7:13

“A keta teŋ ne: Biriŋ n diyaamuta ì ye, ì maŋ n danku, ì fanaa ye n kili, m maŋ ì danku.

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Jabuuroolu 66:18

Niŋ ŋa n ñaa laa n na junuboolu kaŋ nuŋ, tennuŋ Maariyo te i lamoyi la n na.

1 Mansoolu 8:22

Bituŋ Sulemani loota Yaawe la sadaajanidulaa* ñaatiliŋo la Banisirayila kafoo bee ñaato, aduŋ a ye a buloolu wulindi ka ì tiliŋ santo.

Yesaya 58:7

Ali niŋ konkotoolu ye ali la domoroolu talaa, ali ye ali la koridaalu yele fuwaaroolu ye, mennu maŋ yaa soto. Ali dendikoolu dii moolu la, mennu maŋ feŋ soto ì be meŋ duŋ na, aduŋ ali kana balaŋ ka ali fansuŋ baadiŋolu maakoyi.

Jabuuroolu 55:1

Hee Alla, i lamoyi n na duwaa la, kana i tuloo faa n na daaniroo ma.

Yuuba 27:20

Kijafaroo si a taki ko waamoo. Suuto foño baa le be a tindi la jana.

1 Mansoolu 8:54

Kabiriŋ Sulemani pareeta ñiŋ duwaalu niŋ daaniroolu la Yaawe bulu, a wulita ka bo Yaawe la sadaajanidulaa ñaatiliŋo la, a tarata sujudiriŋ nuŋ daameŋ to a ye a buloolu wulindi ka ì tiliŋ santo.

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Matiyu 6:7

Aduŋ duwaa kono ali kana kuma kenseŋolu fo ko Alla lombaloolu ka a ke ñaameŋ. Wolu ye a miira le ko, ì la duwaalu be jaabi la niŋ ì la kuma jamaalu le la.

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

Yesaya 8:17

Yaawe ye a ñaa kaasi Yaakuba koomalankoolu la le. Bari m be a batu la le. M be n jikoo sembe la a la le.

Jabuuroolu 134:2

Ali ali buloolu wulindi dulaa senuŋo to ka duwaa, aniŋ ka Yaawe tentu.

Esira 9:5

Kabiriŋ wulaara sadaaboo waatoo siita, n wulita ka bo n sunuriŋo be siiriŋ daameŋ. N na duŋ feŋolu farariŋo le tarata n na. Bituŋ ŋa m boyi n kumbaliŋolu kaŋ ka duwaa, ŋa m buloolu wulindi Yaawe* ye, n na Alla.

Yohana 9:31

Ŋà a loŋ ne ko, Alla buka junubekelaa lamoyi. Bari a ka moo le lamoyi, meŋ ye Alla ñaasilaŋo soto, aniŋ meŋ ka a la lafoo ke.

2 Musa 9:29

Musa ye a jaabi ko, “Niŋ m fintita saatewo kono, m be m buloolu wulindi la le, ŋa Yaawe daani. Sankumoo be i foño la le, aduŋ sambere te boyi la kotenke. Bituŋ i si a loŋ ko, duniyaa mu Yaawe le taa ti.

Yuuba 35:13

Tooñaa-tooñaa, Alla Tallaa te i danku la a la woosii kuma kenseŋo la, a te i lamoyi la a la.

Yesaya 4:4

Maariyo be Yerusalaamunkoolu kiitindi la a la nooroo dimbaamaa le la, ka Yerusalaamu la boyidaa seneyandi, aniŋ yele noolu mennu be jee.

Yesaya 45:15

Hee Alla Banisirayila Kiisandirilaa, tooñaa, ite mu Alla le ti, meŋ buka a faŋo yitandi.

Yesaya 58:4

Ali la suŋo ka labaŋ sonkoo niŋ fitinoo le la, aniŋ ñoo kurupeñe jawoo. Niŋ ali sunta wo kaŋ, fo ali ye a miira ali la duwaa be futa la nte la le baŋ?

Yesaya 64:7

Moo buka i too kumandi waraŋ ka a fo i ye a maakoyi, kaatu i ye i koo dii ǹ na le. I ye m̀ bula fo ǹ na junuboolu ye ǹ kasaara.

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 11:11

Wo kamma la Yaawe ye ñiŋ ne fo ko, “A juubee, m be kuu jawoo le naati la ì kaŋ ì te kana noo la meŋ ma. Hani ì si kumboo n ye, n te n lamoyi la ì la.

Esekiyeli 11:6

Ali ye moo jamaa le faa, mennu furewolu be fatafatariŋ ñiŋ saatee mbeedoolu bee kaŋ.”

Esekiyeli 14:3

“Ite hadamadiŋo, ñiŋ moolu sondomoolu be looriŋ ì la jalaŋolu le kaŋ, ì ka mennu batu, meŋ ka a tinna ì ka tilimbaliyaa kuwolu ke. Wo to, fo ì ye a miira, niŋ ì ye n ñininkaa feŋ na, m be ì danku la le baŋ?

Esekiyeli 39:23

Wo kamma la bantala bankoolu si a loŋ ko, Banisirayila la kuu jawu kewo le ye a tinna ŋa ì samba mutoo kono. Ì la foroyaabaliyaa le ye a tinna ŋa n koo dii ì la, ŋa ì duŋ ì jawoolu bulu, ì bee faata keloo kono.

Hoseya 5:6

Ì niŋ beeyaŋolu si Yaawe waliŋ sadaa* ti, bari a te i danku la ì ma, a ye a koo dii ì la le.

Kuma Kotoomaalu 6:17

ka i faŋ wara, ka faniyaa fo, aniŋ ka moolu faa kensenke,