Ali ye bankoolu mennu taa, ì ye meŋ dookuu ali ye, ì ye ì faŋ batandi kensenke le, a keta ko loo, dimbaa ye meŋ domo. Kaatu Yaawe Alihawaa Maariyo* le ye a saabu.
Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.
Yaawe* ko: “Ì neŋ kolomoolu be jenkeriŋ ne ko kalandiŋo, aduŋ ì maŋ tara tooñaa ye, ì be faniyaa le ye bankoo kaŋ. Ì ka tu kuruŋyaa le laa la kuruŋyaa kaŋ, ì maŋ nte Yaawe horoma fereŋ.
Wo to i si ñiŋ fo ì ye ko, itolu le mu bankoo ti meŋ balanta Yaawe ì la Alla la kumoo muta la, aduŋ ì maŋ soŋ a la kuluuroo la. Tooñaa yeemanta ì kono le fereŋ. Daa le faŋo buka a fo.
Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”
Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”
Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.
Yaawe Alihawaa Maariyo ye ñiŋ ne fo ko: “Babiloni tata sansaŋo niŋ a la bambaŋo, a be boyi la le fo a niŋ bankoo ye tembe. Dimbaa le be duŋ na a la, moolu la dookuwo be ke la kenseŋ ne ti, bankoolu la dookuwo be ke la dimbaa le taa ti.”
Bituŋ i si naa a fo ko, ‘Babiloni be tuuneŋ na teŋ ne, a te wuli la kotenke, ñiŋ kamma la Yaawe be kasaaroolu mennu boyi la a kaŋ. A niŋ a moolu be boyi la le.’ ” Yeremiya la kiilaariyaa kumoolu kumfaata jaŋ ne.
Fo ntolu bee maŋ faa kiliŋ ne soto baŋ? Fo Alla kiliŋo le maŋ m̀ bee daa baŋ? Wo to muŋ ne ye a saabu m̀ buka tiliŋ ñoo ye? Muŋ ne ye a tinna m̀ buka kambeŋo muta, Alla niŋ ǹ na alifaa foloolu ye meŋ siti?
Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”