Yeremiya 9:4 - Mandinka Bible

⁴ Wo to moo-wo-moo si i kekuu a siiñoo to, moo kana laa hani a baadiŋ kiliŋ na, kaatu baadiŋo bee, baadiŋ neeneerilaa, moo-wo-moo ka tara a siiñoo tiñaa la taariŋ.

Yeremiya 9:4 Referans Kwoze

Yeremiya 6:28

Ì bee mu balannaa jusu jaaroolu le ti, mennu be ko jaawaloo aniŋ newo. Ì ka tara koomakumaroo le la taariŋ, aduŋ ì ka taama kuruŋyaa le la.

Matiyu 10:21

“Baadiŋo be a baadiŋo jamfaa la le ka a faa, faamaa fanaa be a diŋo ke la wo le ñaama. Dindiŋolu be muriti la ì wuluulaalu ma le ka a tinna, ì ye ì faa.

3 Musa 19:16

Ali kana tara ñoo koomakumoo la taariŋ. Ali kana seedenduriyaa ke ali siiñoo kamma, kuwo to meŋ si ke a la saayaa ti. Nte le mu Yaawe ti.

Yeremiya 12:6

Hani i baadiŋolu niŋ i faa suwo moolu ye jamfaa taamandi i kaŋ ne. Ì ka maakaŋ baa le wulindi i kamma. Kana laa ì la, hani ì si kuma diimaalu fo i ye.”

Kuma Kotoomaalu 25:18

Komeŋ doko kuliŋo, hawusaroo*, waraŋ kalabeñe daa melundiŋo, wo le mu moo ti, meŋ ka seedenduriyaa ke a siiñoo la kuwo to.

Kuma Kotoomaalu 10:18

Moo meŋ lafita ka a la konnanteeyaa maabo, a ka faniyaa le fo, aduŋ meŋ ka koomakumaroo ke, wo mu toolewo le ti.

Jabuuroolu 15:3

A buka moo tiñaa a neŋo la, aduŋ a buka kuu jawu ke a teeri la, waraŋ ka jutunnayaa kuma fo a siiñoo ma.

1 Musa 32:28

Bituŋ kewo ñiŋ ko a ye ko, “I too te ke la Yaakuba ti kotenke, i too be ke la Isirayila le ti, kaatu i niŋ Alla ye keloo ke le, i niŋ hadamadiŋolu fanaalu keleta, aduŋ i ye i kutu ì la le.”

1 Tesalonikankoolu 4:6

Alla lafita le fanaa ko, moo-wo-moo kana landatamboo ke ka a mooñoo nakari ñiŋ kuwo la. Maariyo be i joo la wo moo siifaalu to le wo kuwolu bee la. Ŋà ñiŋ fo ali ye le nuŋ, ka ali dandalaa kendeke.

Luka 21:16

Ì be ali jamfaa la le ka bo niŋ hani ali la wuluulaalu la, baadinkewolu, baadiŋolu aniŋ ali teeroolu. Ì be doolu faa la ali kono le.

Matiyu 10:17

Ali ali hakiloo tu moolu to, kaatu ì be ali samba la kiitiyolu to le, aniŋ ì be ali karawaasi la ì la diina bendulaalu* kono le.

Esekiyeli 22:9

Moolu le be sabatiriŋ i kono, mennu ka kaŋo laa doolu la fo luwaa si wolu muta noo ka ì faa, doolu ka sadaalu* domo, ì ye mennu bo jalaŋolu ye, konkoolu santo, doolu ka cakayaa ke.

Kuma Kotoomaalu 6:19

moo meŋ ka seedenduriyaa ke, aniŋ moo meŋ ka tu naafikiyaa la baadiŋolu teema.

Kuma Kotoomaalu 6:16

Feŋ woorowula le be jee, Yaawe* ye mennu koŋ, wolu mu a tanoo le ti:

Jabuuroolu 101:5

Moo meŋ ka a ñoŋ moo too kullootoo tiñaa, m be wo kasaara la le. N niŋ kufannaa niŋ faŋ waralaa te sii noo la.

Yesaya 59:13

Ŋà balaŋo niŋ jamfaa le ke Yaawe la karoo la, ka ǹ koo dii ǹ na Alla la, ka tilimbaliyaa kuwolu wulindi, aniŋ ka muriti, ka feeroo siti ka faniyaa fo.

Yeremiya 9:8

Ì neŋ kolomoo be saŋarariŋ ne ko kalabeñoo, a ka neeneeri kumoo doroŋ ne fo. Moo-wo-moo ka kayiroo le fo a siiñoo ye a daa to, bari a sondomoo kono, a ka ñapinkaŋo le feere a kamma.

Malaki 2:10

Fo ntolu bee maŋ faa kiliŋ ne soto baŋ? Fo Alla kiliŋo le maŋ m̀ bee daa baŋ? Wo to muŋ ne ye a saabu m̀ buka tiliŋ ñoo ye? Muŋ ne ye a tinna m̀ buka kambeŋo muta, Alla niŋ ǹ na alifaa foloolu ye meŋ siti?

Kuma Kotoomaalu 4:16

Kaatu ì buka siinoo noo, fo niŋ ì ye kuu kuruŋo ke. Siinoo ka ì korindi le, bari fo ì ye moo toorandi foloo.

Kuma Kotoomaalu 4:17

Bayiri jawuyaa ka munta ì fee le ko domoroo, fitinoo ko miŋ feŋo.

Yesaya 9:16

Mennu ye ñiŋ moolu ñaatonkayaa, ye ì filindi le, aduŋ ì ka mennu ñaatonkayaa, caawuta le.