Yeremiya 9:16 - Mandinka Bible

¹⁶ M be ì janjandi la banku koteŋolu kaŋ ne taariŋ, itolu niŋ ì mumuñolu nene maŋ mennu loŋ. M be keloo le naati la ì kaŋ niŋ hawusaroo* la, fo ŋa ì baŋ kasaara la.”

Yeremiya 9:16 Referans Kwoze

Esekiyeli 5:12

Ali be talaa la kafu saba le ti. Kafu foloo, alibalaa kuuraŋo niŋ konko jawoo le be wolu faa la Yerusalaamu. Kafu fulanjaŋo, hawusaroo le be wolu faa la, ali la saatee tata sansaŋo banta la. M be kafu sabanjaŋo moolu caarindi la le, ì ye tara foñoo bulu, n niŋ hawusaroo ye bula ì nooma ka ì faa taariŋ.

Esekiyeli 5:2

Niŋ luŋo meŋ na Yerusalaamu saatee sukoo kumfaata, i si wo kuntiñoolu talaadaa doo landi wo birikoo kaŋ, Yerusalaamu be nuuneeriŋ meŋ kaŋ, i ye a jani. I si talaadaa doo sepuŋ-sepuŋ hawusaroo* la, i ye a janjaŋ wo birikoo dandaŋo bee la. I ye talaadaa doo fayi santo ka janjaŋ foñoo kono. Nte faŋo le be hawusaroo buusi la a laa kono, ka bula ì nooma.

5 Musa 28:64

Bituŋ a si naa ali janjandi bankoolu bee kaŋ taariŋ, biriŋ duniyaa tonkoŋ fo tonkoŋ, aduŋ ali si alla koteŋolu batu jee, ì ye mennu dadaa yiroo niŋ beroo la, ali niŋ ali mumuñolu nene maŋ alloolu mennu loŋ nuŋ.

3 Musa 26:33

M be ali janjandi la banku koteŋolu kaŋ ne taariŋ, ka keloo naati ali kaŋ niŋ hawusaroo la. Ali la bankoo be ke la tumbuŋo le ti, ali la saatewolu ye kenseŋyaa.

Yeremiya 44:27

A juubee, m be ì koroosi kaŋ ka kasaaroo le naati ì kaŋ, a te ke la kuu betoo ti. Yahuuda moolu mennu bee be Misira, hawusaroo niŋ konkoo le be ì kasaara la, fo ì ye baŋ.

Yeremiya 13:24

Yaawe ko: “M be i janjaŋ na le ko fuufulewo, keñewula* foñoo ka meŋ tindi taariŋ.

Yankuba 1:1

Nte Yankuba, meŋ mu Alla niŋ Maarii Yeesu Kiristu* la dookuulaa ti, m be alitolu lasili taŋ niŋ fuloo kontoŋ na, alitolu mennu be janjandiŋ manee.

Jakariya 7:14

Ko foñoo ka feŋo tindi ñaameŋ, ŋa ì janjandi bankoolu kaŋ wo le ñaama, ka ke tumarankewolu ti jee. Ì la bankoo kensemmaa tuta laariŋ, moo buka taa niŋ naa jee. Ñiŋ banku diimaa keta tumbuŋo ti.”

Esekiyeli 20:23

Wo to le, ŋa n kali ì ye keñewuloo kono ko, m be ì janjandi la bantala bankoolu kaŋ ne taariŋ, ì ye tara duniyaa kono wo ñaama,

Esekiyeli 14:17

“Niŋ a ye a tara, ŋa keloo le naati ì la wo bankoo kaŋ naŋ, ŋa ì jawoolu yaamari ka hadamadiŋolu niŋ beeyaŋolu bee faa jee,

Esekiyeli 12:15

Niŋ ŋa ì janjandi, ì ye tara bantala bankoolu kaŋ taariŋ, wo to le, ì be a loŋ na ko, nte le mu Yaawe ti.

Esekiyeli 11:17

“Wo kamma la, a fo i baadiŋ mutamoolu ye, nte Yaawe, ì Maariyo ye ñiŋ ne fo ko: M be ali bondi la bantala bankoolu kaŋ ne, ŋa ali janjandi daamennu to, ka ali kafu ñoo ma, ka Banisirayila bankoo murundi ali kaŋ.

Yeremiya 29:17

“Nte Yaawe Alihawaa Maariyo ye ñiŋ ne fo ko: A juubee, m be keloo le naati la ì kaŋ niŋ hawusaroo* la, konkoo, aniŋ alibalaa kuuraŋo. M be ì ke la le ko sooto diŋolu mennu fiinata, ka tiñaa fo ì te domo noo la.

Yeremiya 25:27

Yaawe ko: “A fo ì ye ko, nte Yaawe Alihawaa Maariyo, Banisirayila la Alla ye ñiŋ ne fo ko: Ali i miŋ, ali ye siira ka foonoo. Ali boyi, ali te wuli la kotenke, ñiŋ kamma m be keloo meŋ naati la ali kaŋ niŋ hawusaroo la.”

Yeremiya 24:10

M be hawusaroo* le naati la ì kamma, konkoo, aniŋ ka alibalaa kuuraŋo naati ì kaŋ, fo ŋa ì baŋ kasaara la ka bo bankoo kaŋ, ŋa meŋ dii ì niŋ ì la alifaa foloolu la.”

Jabuuroolu 106:27

aduŋ a be ì koomalankoolu janjandi la bantala bankoolu* kaŋ ne, ka ì bula ì ye faa bankoolu kaŋ taariŋ.

Nehemiya 1:8

I hakiloo ye bula i ye meŋ fo i la dookuulaa Musa ye, kabiriŋ i ko, ‘Niŋ ali maŋ tiliŋ, m be ali janjandi la bankoolu kaŋ ne.

5 Musa 32:26

N si ñiŋ noo le, ka ali janjandi dulaa jaŋolu to, moo hakili kana bula ali la kotenke.

5 Musa 28:36

Yaawe si naa ali niŋ ali la mansa taa, ali faŋo ye meŋ tomboŋ ka ali mara, a ye ali niŋ a samba mutoo kono wandi bankoo kaŋ, ali niŋ ali mumuñolu nene maŋ daameŋ loŋ. Ali si alla koteŋolu batu jee, ì ye mennu dadaa yiroo niŋ beroo la.

5 Musa 28:25

Yaawe be a ke la le ali jawoolu ye ali noo. Ali be naa la ì kaŋ sila kiliŋ ne la, bari ali boritoo be janjaŋ na le. Ali la kuwo si ke duniyaa mansamarali bankoolu bee ye masilaŋo ti.

5 Musa 4:27

Aduŋ Yaawe be ali janjandi la bankoolu kaŋ ne taariŋ, aduŋ ali moo dantaŋ doroŋ ne be tu la baluuriŋ wo bankoo moolu kono, ali be taa daameŋ.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Kawandilaa 12:5

I hakiloo ye bula a la, janniŋ waatoo ka sii, waatoo meŋ, moo ka sila seloo la, aduŋ siloo kaŋ fanaa, sondome silaŋ kuwolu le be tara la jee, waatoo meŋ, alimondi* yiroo be tara la faariŋ firoolu la, jatatoŋo be kuruntu la, hame kuwolu bee si yomfa. Hadamadiŋo fele, a ka taa a la suu labaŋo to, saŋakumboolaalu ye tara mbeedoolu kaŋ taariŋ.

Yeremiya 7:29

“Yerusalaamunkoolu, ali ali kuntiñoo lii ka a fayi, saŋakumboo kamma la. Ali saŋawoosiyo ke konkoolu santo. Kaatu Yaawe ye alitolu ñiŋ jamaanoo moolu bula le, a ye a koo dii ali la, aduŋ a be kamfaariŋ ali kamma le.”

Esekiyeli 27:2

“Saayiŋ, ite hadamadiŋo, niikuyaa kumoo fo Tire saatewo ma,

Amosi 5:16

Yaawe Alihawaa Maariyo ye ñiŋ ne fo ko: “Jamaa bendulaa daa-wo-daa, lemboo le be tara la jee. Mbeedi-wo-mbeedi kaŋ, saŋakumboo le be tara la jee. Hani samaadoolaalu, ì si ì kili ka naa saŋakumboo la, aniŋ saŋawoosiilaa baalu ka lemba.

Mika 2:4

Ñiŋ luŋo la, moolu si ali ke jelefeŋo ti. Ì si ñiŋ teelindiri denkiloo laa, ì ye ì faŋ ke woosiilaalu ti ko, ‘Ntolu kasaarata le fereŋ. Yaawe ye ǹ na moolu la keetaabankoo duŋ bulu koteŋolu bulu, a buusita ǹ na. A ye ǹ na kunkoolu talaa ǹ jawoolu teema.’ ”