Yeremiya 7:33 - Mandinka Bible

³³ Duwoolu niŋ wulakono daafeŋolu le be kali moo furewolu domo la jee, aduŋ moo te soto la meŋ be ì silandi la, ka ì bayi.

Yeremiya 7:33 Referans Kwoze

Yeremiya 12:9

N na tomboŋ moolu keta le komeŋ duwoo, duwa doolu ye meŋ kuru ka a ñapinkaŋ. Ali taa wulakono daafeŋolu bee kafu naŋ ñoo ma ka ì naati, ì ye a domo.

5 Musa 28:26

Kunoolu niŋ wulakono daafeŋolu le be ali furewolu domo la, moo te soto la ka ì bayi.

Esekiyeli 39:4

Ite niŋ i la kelediŋ kafu baa aniŋ i deŋñoolu bee be faa la wo konkoolu le kaŋ, ali ye naa ke duwoolu niŋ wulakono daafeŋolu ye domoroo ti.

Yeremiya 34:20

M be ì duŋ na ì jawoolu bulu le mennu be ì niyolu nooma. Ì furewolu be ke la duwoolu niŋ suluwolu le ye domoroo ti.

Yeremiya 25:33

Wo luŋo la, Yaawe be moolu mennu faa la, ì furewolu be tara la fatafatariŋ ne ka bo duniyaa tonkoŋ, fo a tonkoŋ. Moo te ì saŋakumboo la, waraŋ ka ì kafu ñoo ma, waraŋ ka ì baadee. Ì jambandimaa le be tara la bankoo to.

Yeremiya 22:19

Fali la baadee le be ke la a la, ka a kuruntu ka taa a fayi Yerusalaamu banta.”

Yeremiya 19:7

“M be Yerusalaamu niŋ Yahuuda moolu bee la feeroolu buruka la ñiŋ dulaa le to. M be a tinna le ì jawoolu ye ì faa niŋ hawusaroo* la, ka ì bula moolu bulu mennu ka ì ñini ka ì faa. M be ì furewolu dii la duwoolu le la domoroo ti, aniŋ wulakono daafeŋolu.

Yeremiya 16:4

alibalaa kuuraŋo le be ì faa la. Moo te soto la ka ì la saŋo kumboo, sako moo si soto ka ì baadee. Ì jambandimaa le be tara la bankoo to. Ì be faa la hawusaroo* niŋ konkoo le la, ì furewolu ye ke duwoolu la domoroo ti, aniŋ wulakono daafeŋolu.

Yeremiya 9:22

Yaawe ko n si ñiŋ ne fo ko: “Moo furewolu be tara la fayiriŋ ne, ì jambandimaa kene fanuŋolu kono. Ì be ke la le ko niŋ katirilaalu ye siimaŋo kati, ì ye a bulumaalu tu fatafatariŋ kooma, moo maŋ soto ka ì sika.”

Yesaya 18:6

Ì be kasaara la wo le ñaama, Ì be tu la duwoolu le ye aniŋ suluwolu. Duwoolu le be baluu la ì la samaa kono, suluwolu, tilikandoo kono.”

Yeremiya 14:16

Ì ka kiilaariyaa kumoolu fo moolu mennu ye, wolu furewolu le be tara la fayiriŋ Yerusalaamu mbeedoolu kaŋ, ka bo niŋ konkoo la, aniŋ hawusari keloo. Moo te soto la meŋ be ì baadee la, ì niŋ ì la musoolu, ì dinkewolu, aniŋ ì dimmusoolu. M be ì la kuu kuruŋolu denkuŋ na ì faŋolu kaŋ ne.”

Yeremiya 15:3

Yaawe le ye ñiŋ bankee ko: “M be kasaara kuu naani le naati la ì kaŋ. Wolu le mu ka ì faa hawusaroo la, wuloolu ye ì furewolu kuruntu, duwoolu ye ì domo, wulakono daafeŋolu ye ì too labaŋ.

Esekiyeli 29:5

ŋa naa i fayi keñewuloo* kono, i niŋ wo ñewolu bee mennu be baa kono jee, i ye tara fayiriŋ kene baa to. Aduŋ moo te soto la meŋ be naa i sika la wo keñewuloo kono jee ka i baadee. M be i dii la wulakono daafeŋolu le la, aniŋ kunoolu, i ye ke ì ye domoroo ti.

5 Musa 8:20

Niŋ ali balanta ka Yaawe la yaamaroolu muta, a be ali kasaara la le, ko a be naa ñiŋ bankoo moolu kasaara la ñaameŋ, mennu be ali ñaato.

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”