Yeremiya 6:29 - Mandinka Bible

²⁹ Dimbaa ka hilihili nee yelundiraŋ fuuroo kono le, a ka neebuwo bondi newo bala, a ye seneyaa. Hani niŋ itolu keta wo ñaama, kenseŋ ne mu, kaatu wo te ì la kuruŋyaa bondi la.

Yeremiya 6:29 Referans Kwoze

1 Pita 4:12

N kanuntewolu, ali kana jaakali toora koleŋo la, meŋ be ali kotobo kaŋ ko dimbaa. A kana ke feŋ ti ali fee, meŋ maneeta.

Jakariya 13:9

Talaadaa sabanjaŋo, m be wolu seneyandi la dimbaa le la, ko ì ka kodiforoo seneyandi ñaameŋ. M be ì kotobo la le, ko ì ka sanoo kotobo ñaameŋ. Ì be n too kumandi la le, aduŋ m be n danku la ì ma le. N si a fo ko, ‘Ì mu n na moolu le ti.’ Ì fanaa si a fo ko, ‘Yaawe le mu ǹ na Alla ti.’ ”

Hoseya 11:7

N na moolu ka tenteŋ ne ka balaŋ m ma, bari hani niŋ ì ye ì la Baali jalaŋo kili, a te ì la yookoo sika noo la ì kaŋ.

Esekiyeli 24:13

“Ite Yerusalaamu, wo fintoŋo le mu i la malubaliyaa ti. Baawo n lafita i seneyandi la le nuŋ, bari i te seneyaa noo la ka bo i la wo kosoo kono. I te seneyaa noo la kotenke, fo niŋ ŋa n na kamfaa bee jindi i kaŋ tuma meŋ na fo n wasata.

Yeremiya 9:7

Yaawe Alihawaa Maariyo* ye ñiŋ ne fo ko: “A juubee, m be ì jarabi la le ka ì kotobo, wo koolaa m be muŋ ne ke la, n na moolu kekuwo kamma la?

Yesaya 49:4

Bari n ko, “N na dookuwo maŋ nafaa soto. Ŋa n semboo bee baŋ kensenke le. Bari n na kuwo be Yaawe le bulu, Alla le ye a loŋ, a ñanta n joo la meŋ na.”

Kuma Kotoomaalu 17:3

Komeŋ dimbaa ka sanoo niŋ kodiforoo foroyandi ñaameŋ, Yaawe* ka moo sondomoo la kuwo kotobo wo le ñaama.

1 Pita 1:7

Ka bo niŋ wo kotoboroo le la, ali la lannoo la foroyaa be je la ko, a nafaa warata ka tambi sanoo la, meŋ na foroyaa fanaa ka loŋ niŋ dimbaa la. Wo to le, ali la kuwo be ke la tenturoo, jayiroo, aniŋ horomoo sababoo ti, Yeesu Kiristu be muru la naŋ waatoo meŋ na.

Kiitindirilaalu 17:4

Bituŋ a baamaa ye kodiforo kuntu keme fula bondi kodiforo kuntoolu kono, a ye mennu murundi a kaŋ. A ye ì dii numoo la. Numoo ñiŋ ye jalaŋ leseriŋo taa, a ye a baloo muu niŋ kodiforoo la. Bituŋ ì taata a ke Mika la buŋo kono.

Yeremiya 15:19

Wo le to Yaawe ye ñiŋ fo ko: “Niŋ i tuubiseyita, m be i seyindi la i ñaama le, aduŋ i be dookuwo ke la n ye le. Niŋ i ka kuma kesoo le fo, a maŋ ke kuma kenseŋo ti, i be ke la n na diyaamulaa le ti. Moolu le be muru la ite kaŋ, bari ite te muru la itolu kaŋ.

Esekiyeli 24:12

Hani wo, ŋa m faŋ batandi kensenke le, kaatu a wo fintoŋo landatambita le, hani dimbaa faŋo te a bondi noo la.