Yeremiya 51:16 - Mandinka Bible

¹⁶ Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee le to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yeremiya 51:16 Referans Kwoze

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Yunusa 1:4

Bituŋ Yaawe ye foño baa wulindi Baa Baa* ñiŋ kono, turubaadoo wulita, fo kuluŋo lafita ka teyi.

Jabuuroolu 18:13

Yaawe sarita naŋ ka bo Arijana, Mansa Tallaa kaŋo moyita.

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Amosi 9:7

Yaawe ye ñiŋ ne fo a ko, “Alitolu Banisirayilankoolu, fo ali ye ñiŋ ne miira baŋ ko alitolu le kummaayaata n ñaa koto ka tambi Kusinkoolu* la? Nte le ye ali bondi naŋ Misira kono. Nte le fanaa ye Filisitinkoolu bondi naŋ Kireti jooyoo kono, aniŋ Aramunkoolu ka bo Kiri bankoo kaŋ.

Esekiyeli 10:5

Wo malaayikoolu dampaŋo ka kuma le ko Mansa Tallaa diyaamukaŋo ka ke ñaameŋ. Hani meŋ be Batudulaa banta luwo to, a si ì dampaŋolu kumakaŋo moyi.

Jabuuroolu 147:18

A ka kumoo fo le, a bee ye yooyi, a ye foñoo boyindi, jiyo ye bori kotenke.

Jabuuroolu 104:7

I naata kuma jiyo ye, a borita. Biriŋ i bumbunta a kaŋ, a kidita ka taa.

Jabuuroolu 78:26

A ye foñoo le boyindi ka bo saŋo santo, tilibo kara maafaŋo la. Ka bo niŋ a la semboo la, a ye foñoo bondi naŋ bulubaa kara maafaŋo la le.

Jabuuroolu 68:33

Ali a laa ate ye, meŋ ka taama saŋ fatoolu kaŋ, mennu daata biriŋ foloodulaa to. A moyi baŋ, a ye a kumakaŋo bumbundi le, a la kumakaŋ sembemaa.

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

Yuuba 40:9

Fo i ye semboo soto le baŋ ko nte Alla, fo i si diyaamu noo baŋ ko nte Alla, komeŋ saŋ feteŋo?

Yuuba 38:22

Fo i nene ka duŋ dulaa to le baŋ, n ka kalaasi dunkuliŋ feemaa maabo daameŋ, waraŋ fo i nene ka dulaa je le baŋ, n ka saŋ beroolu maabo daameŋ?

Yuuba 37:13

Alla le ka samaajiyo jindi naŋ duniyaa kono, tumandoo a si ke moolu ye jaraboo ti, tumandoo a ye ke ì ye neemoo ti.

2 Musa 14:21

Wo to le Musa ye a buloo coodi baa kunto, aduŋ wo suutoo muumee Yaawe ye foño baa wulindi tiliboo la, a ye baa yelemandi banku jaaroo ti. Jiyo talaata fula ti,

2 Musa 10:19

Bituŋ Yaawe ye foño baa kataŋo naati, ka bo naŋ tilijii karoo la, meŋ ye kuntiŋolu bee samba Kulunjumbe Baa kono. Hani kuntiŋ kiliŋ ne maŋ tu Misira bankoo dulaalu bee to.

2 Musa 10:13

Bituŋ Musa ye a la dokoo wulindi Misira bankoo kunto, aduŋ Yaawe ye a ke, foñoo bota bankoo tilibo karoo la, a feeta wo tiloo muumee aniŋ suutoo. Soomandaa foñoo ye kuntiŋolu samba naŋ.

1 Musa 8:1

Alla ye kalamutari ke Nuha la kuwo la le, wulakono daafeŋolu aniŋ beeyaŋolu, mennu bee be a fee kuluŋo kono. Alla ye foñoo bula naŋ duniyaa kono, bituŋ jiyo talaata.