Yeremiya 50:6 - Mandinka Bible

⁶ “N na moolu keta saajii filiriŋolu le ti, ì kantarilaalu ye ì filindi, ì ye ì caawundi konkoolu kaŋ taariŋ, ì tarata yaayi la ka bo konko ka taa konko, ì ñinata ì la koorewo be daameŋ.

Yeremiya 50:6 Referans Kwoze

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Matiyu 9:36

Kabiriŋ a ye kafoo je, a balafaata ì ye, kaatu ì be bataariŋ ne aniŋ ì jikilateyita. Ì ka munta le ko saajiyolu, mennu maŋ kantarilaa soto.

Matiyu 10:6

bari ali si taa Banisirayilankoolu yaa, mennu ka munta ko saajii filiriŋolu.

Esekiyeli 34:14

M be ì balundi la daañini dulaa betoo le to. Banisirayila konkoolu kaŋ santo le be ke la ì la daañini dulaa ti. Jee to ì be tara la laariŋ kayiroo le kono, ka baluu Banisirayila konkoolu kaŋ, mennu mu daañini dulaa kendiŋolu ti.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Jabuuroolu 119:176

N taata le taariŋ komeŋ saajii filiriŋo. N ñini, nte mu i la dookuulaa le ti, aduŋ m maŋ ñina i la yaamaroolu la.

Yeremiya 50:19

Bari m be Banisirayila murundi la a la bankoo kaŋ ne, a be i daañini la Karimeli Konkoo kaŋ ne, aniŋ Basani tundoo, ka taa Efurayimu* konkotundoo*, aniŋ Kileyadi konkotundoo kaŋ, a ye wasa ko a lafita a la ñaameŋ.

Yeremiya 3:6

Mansa Yosiya la maraloo waatoo kono, Yaawe diyaamuta nte Yeremiya ye le ko, “Fo i ye a je le, Banisirayila ye meŋ ke baŋ, komeŋ futuumusu muritiriŋo? A seleta konko-wo-konko kaŋ ne, aniŋ yirisuŋ biireeriŋo meŋ-wo-meŋ koto, ka cakayaa maañaa ke jee.

Jabuuroolu 116:7

Silaŋ n sondomoo si tenkuŋ, kaatu Yaawe ye beteyaa doroŋ ne yitandi n na.

Jabuuroolu 91:1

Moo-wo-moo be sabatiriŋ Alla Sembetii Baa la suturoo kono, aduŋ a tarata Alla Tallaa la tankoo kono,

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

Matiyu 15:24

A ye ì jaabi ko, “Alla ye n kii Banisirayilankoolu doroŋ ne kaŋ, mennu ka munta ko saajii filiriŋolu.”

Yeremiya 10:21

Kantarilaalu ǹ na moolu kunna mu hakilintaŋolu le ti, ì buka Yaawe la kuwo hati, wo le ye a tinna ì buka ñaatotaa soto, ǹ na moolu bee janjanta.

Yeremiya 3:23

Tooñaa-tooñaa, jalambatoo maakaŋo konkoolu kaŋ taariŋ, wo mu ǹ ye neeneeroo le ti. Tooñaa-tooñaa, Yaawe ǹ na Alla le mu Banisirayila la kiisoo ti.

Yeremiya 2:32

Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Yesaya 30:15

Maarii Yaawe, Banisirayila la Senuŋ Baa ye ñiŋ ne fo ko, “Niŋ ali tuubita ali ye tenkuŋ, wo le mu ali la kiisoo ti. Niŋ ali naata n kaŋ tenkuŋo kono, ali ye lannoo soto, wo le be ke la ali la semboo ti.” Bari ali maŋ soŋ.

Jabuuroolu 90:1

Maariyo, ntolu tankadulaa be ite le fee, jamaanoolu bee la.

Jabuuroolu 32:7

I mu n ye maabodulaa le ti. I be n tankandi la mantooroo ma le, aduŋ suukuulaa le be tara la m fee karoo bee la, i la n tankandoo kaŋ. S

Jabuuroolu 23:2

A ka n sabatindi dulaa neemariŋo le to. A ka n samba jii tenkeyaariŋo le to.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 23:1

Yaawe* ko: “Kooroo be maralilaalu ye le, mennu ka n na saajii koorewo janjandi ka a kasaara, aduŋ itolu le mu kantarilaalu ti ì kunna.”

Yeremiya 33:12

Yaawe Alihawaa Maariyo ye ñiŋ ne fo ko: “Ñiŋ dulaa meŋ kenseŋyaata saayiŋ, aduŋ moo te jee sako beeyaŋ, beeyaŋ daañini kenoolu be tara la jee le, aduŋ kantarilaalu be ì la beeyaŋolu daañini la jee le.

Esekiyeli 13:10

“Ñiŋ annabiyomoolu le ka n na moolu filindi, ka a fo ì ye ko, ‘Kayira doroŋ,’ wo ye a tara kayira te keriŋ. A mulunta le ko niŋ moolu mennu ye tata sansaŋo loo kutukatoolu la, annabiyomoolu naata a muu lasoo la ka a ñiiñandi, a ye a tara a maŋ bambaŋ.

Esekiyeli 34:15

Nte faŋo le be ke la n na saajiyolu ye kantarilaa ti, aduŋ m be a ke la le, ì ye tara laariŋ kayira kono.” Maarii Yaawe le ye a fo.

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”