Yeremiya 5:2 - Mandinka Bible

² Ì ka ñiŋ meŋ fo ko, ‘A be koyiriŋ ñaameŋ ko Yaawe be baluuriŋ ne,’ hani wo ì ka kali faniyaa kaŋ.”

Yeremiya 5:2 Referans Kwoze

Titus 1:16

Ì ka a fo le ko, ì ye Alla loŋ ne, bari ì ka balaŋ a ma niŋ ì la kebaaroolu le la. Ì mu jutunnamoolu le ti, aniŋ yaamari mutabaloolu mennu nene buka kuu betoo ke noo.

Yeremiya 4:2

Niŋ i ka kali tooñaa, tiliŋo, aniŋ foroyaa le kaŋ, ì ka kali meŋ na ko, ‘A be koyiriŋ ñaameŋ ko Yaawe be baluuriŋ ne,’ wo to bankoolu be neemoo duwaa la ì faŋolu ye nte too le la, n na kuwo ye ke ì ye ŋaañaaraŋo ti.”

2 Timoti 3:5

Ì ka munta le ko Alla ñaasilannaalu, bari ì maŋ soŋ a la semboo ma. Fata wo moo siifaalu ma!

Hoseya 10:4

Mansoolu ka kuma kenseŋo doroŋ ne fo, ì ka i kali laahidoo kaŋ kensenke, ì niŋ banku koteŋolu ka kambeŋolu siti. Tilimbaliyaa ka wuli kiitiidulaa to, ko ñaamoo ka wuli kunkoo kono ñaameŋ.

Yeremiya 7:9

“Ali ka suuñaaroo ke le, moofaa, aniŋ jeenoo, ka kali faniyaa kaŋ, ali ka cuuraayoo siisindi Baali* jalaŋo ye, aniŋ ka jalaŋ doolu batu, ali nene maŋ mennu loŋ.

Yesaya 48:1

Yaawe* ko: “Hee Yaakuba koomalankoolu, ì ka ali kumandi Banisirayila fanaa la le, ali i lamoyi, m be naa meŋ fo la ali ye. Ali bota Yahuuda lasiloo le kono, ali kalita Yaawe too la le, ali ko, ali ka Banisirayila la Alla le batu, bari ali buka a ke tooñaa niŋ tiliŋo siloo la.

3 Musa 19:12

Ali kana kali n too la faniyaa kaŋ, kaatu wo mu ñiŋ ne ti ka jutu n too la. Nte le mu Yaawe ali la Alla ti.

1 Timoti 1:10

laañooyaa tulunnaalu, luutikankewolu, moo suuñaalaalu, faniyaa folaalu, aniŋ moolu mennu ka i kali faniyaa kaŋ, aniŋ mennu ka kuu-wo-kuu ke, meŋ niŋ karandiri tooñaa maŋ taa ñoo la.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Hoseya 4:15

“Ite Banisirayila, i si cakayaa ke ñaa-wo-ñaa, kana Yahuuda duŋ ñiŋ junuboo to. Ite Yahuuda, i dahaa baturoo la Kilikali, kana taa baturoo la Beti-Aweni, i kana i kali nte Yaawe too la.

Yeremiya 44:26

Bari ali nte Yaawe la kumoo moyi baŋ, alitolu Yahuuda moolu bee mennu be Misira, ko: Ŋa n kali n too la waroo kaŋ ne ko, Yahuuda moo kiliŋ te n too kumandi la a daa la Misira bankoo muumewo kaŋ, ka kali ko, ‘A be koyiriŋ ñaameŋ ko Yaawe be baluuriŋ ne.’ Nte Yaawe le ye a fo.

Sefaniya 1:5

M be moolu fanaa kasaara la le, mennu ka sujudi saŋo santo malafeŋolu ye, ì la buŋolu kaŋ santo, moolu fanaa mennu ka sujudi n ye, ì ka kali n na, ì ka naa muru ì ka kali Moleki jalaŋo fanaa la.

Yeremiya 9:2

M be lafiriŋ ne ŋa jiyaa dulaa soto keñewuloo* kono, komeŋ jamfajaŋ taamalaa. Fo n si n na moolu bula, ŋa taa ka bo ì kono, kaatu ì bee jeenelaa, aduŋ ì mu fisiriwallee kafoo le ti.