Yeremiya 49:4 - Mandinka Bible

⁴ Muŋ ne ka i kibirindi i la wulumbaŋolu la, i la wulumbaŋ yiriwaariŋolu, ite diŋ muritiriŋo meŋ jikita i la naafuloo la, ka a fo ko, ‘Jumaa le si naa nte kele?’

Yeremiya 49:4 Referans Kwoze

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Yeremiya 21:13

A juubee, m be i kele la le, ite Yerusalaamu, wulumbaŋo santo siilaa, ite meŋ be tintindiŋ konko beroo kaŋ.” Yaawe le ye a fo. “I ka a fo ko, ‘Jumaa le si ntolu boyinkaŋ noo, waraŋ jumaa le si duŋ noo ntolu la buŋolu kono?’

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Yeremiya 48:7

Bayiri ali jikita ali la katoolu niŋ ali la naafuloolu le la, wo to ì be ali fanaa muta la le ka ali samba. Ì be ali la jalaŋo Kemosi samba la mutoo kono le, ka taa a la piriisoolu* niŋ a batubaalu.

Yeremiya 3:14

Yaawe ye ñiŋ ne fo ko, “Ali muru naŋ, alitolu diŋ muritiriŋolu, kaatu nte le mu ali Maarii ti. M be ali tomboŋ na le ka ali murundi naŋ ali janjanta daamennu to. M be kiliŋ bondi la naŋ saatee-wo-saatee le, ka fula bondi naŋ kaabiila-wo-kaabiila, ka ali naati Siyoni*.

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Jabuuroolu 52:7

“A juubee, kewo fele meŋ maŋ soŋ ka tankoo ñini Alla bulu, bari a jikita a la naafuloo la siyaa le la, ka fankoo ñini kuruŋyaa kono.”

Jabuuroolu 49:6

Ì be jikiriŋ ì la naafuloolu le la, ì ka kibiri ì la soto baa la.

Lankenemoo 18:7

Ali tooroo niŋ woosiyo jamaa dii a la ko a ye horomoo niŋ niidiyaa dii a faŋo la ñaameŋ. A ka a fo a sondomoo kono ko, ‘Nte be siiriŋ ne ko mansamusoo*. M maŋ ke furuyaamusoo ti, aduŋ n nene te woosii la!’

Hoseya 4:16

Tooñaa, Banisirayila kuŋo be jaariŋ ne, ko fali balannaa. Silaŋ n si a kanta noo kene fanuŋo to ñaadii le ko saajiiriŋo?

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Kuma Kotoomaalu 10:15

Fankamaalu la naafuloo le mu ì la tatoo ti, fuwaaroolu la fuwaareyaa le ka ì kasaara.

Yeremiya 31:22

Ite Dimmusuriŋ fisiriwallee, janniŋ muŋ tuma le i be tara la jenkeŋ-jenkeŋ na? Nte Yaawe be kuu kutoo le daa la duniyaa: Musoo le be muru la a keemaa kamma.”