Yeremiya 48:7 - Mandinka Bible

⁷ Bayiri ali jikita ali la katoolu niŋ ali la naafuloolu le la, wo to ì be ali fanaa muta la le ka ali samba. Ì be ali la jalaŋo Kemosi samba la mutoo kono le, ka taa a la piriisoolu* niŋ a batubaalu.

Yeremiya 48:7 Referans Kwoze

4 Musa 21:29

Kooroo be alitolu Mowabi moolu ye! Alitolu Kemosi jalaŋo batulaalu, ali kasaarata le. Kemosi ye a dinkewolu ke borijoŋolu ti, a ye a dimmusoolu kenkeŋ mutoo kono, Amorinkoolu la mansa, Sihoni bulu.

Yeremiya 49:3

“Ite Hesiboni saatewo, wuuri, kaatu Ayi keta tumbuŋo le ti! Alitolu Raba musoolu, ali kumboo! Ali booto funtoolu duŋ ka ali la niikuyaa yitandi, ali ye saŋakumboo ke ka boriŋ-boriŋ, ka i maabo fitoolu koto, kaatu ali la jalaŋo Moleki be taa mutoo kono le, a niŋ a la piriisoolu* niŋ a batubaalu.

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Jabuuroolu 52:7

“A juubee, kewo fele meŋ maŋ soŋ ka tankoo ñini Alla bulu, bari a jikita a la naafuloo la siyaa le la, ka fankoo ñini kuruŋyaa kono.”

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

Hoseya 10:13

“Bari ali ye kuu kuruŋolu le fii, tilimbaliyaa falinta ali ye jee, ali ye faniyaa le diŋo domo, bayiri ali be jikiriŋ ali semboo le la, aniŋ ali la kelediŋ jamaa,

Yeremiya 48:46

Kooroo be ite Mowabi ye le! Jalaŋ Kemosi la moolu kasaarata, kaatu ali dinkewolu taata mutoo kono le, ì ye ali dimmusoolu fanaa samba mutoo kono.

Yeremiya 48:13

Wo to le Mowabinkoolu la jalaŋo Kemosi be ke la ì ye malu kuwo ti, ko Banisirayila la Beteli jalambatoo keta ì ye ñaameŋ, ì jikita nuŋ meŋ na.

1 Mansoolu 11:33

M be ñiŋ ke la le kaatu Sulemani ye a koo dii n na le, aduŋ a ye Sidoninkoolu la jalammusoo Asitoreti batu, Kemosi Mowabinkoolu la jalaŋo, aniŋ Moleki Ammoninkoolu la jalaŋo. A maŋ taama n na siloolu la, sako ka kuu tilindiŋo ke n ñaalu koto, waraŋ ka n na yaamaroolu niŋ n na luwaalu muta, komeŋ a faamaa Dawuda ye a ke ñaameŋ.

Lankenemoo 18:7

Ali tooroo niŋ woosiyo jamaa dii a la ko a ye horomoo niŋ niidiyaa dii a faŋo la ñaameŋ. A ka a fo a sondomoo kono ko, ‘Nte be siiriŋ ne ko mansamusoo*. M maŋ ke furuyaamusoo ti, aduŋ n nene te woosii la!’

Yeremiya 43:12

A be dimbaa mala la Misira bankoo jalaŋ batudulaalu kono le. Nebukanesa si naa ì la jalaŋ doolu jani, a ye doolu taa ka ì samba ñoo la. A be Misira bankoo seneyandi la le, ko kantarilaa ka karankoolu seneyandi a la duŋ feŋolu bala ñaameŋ, aduŋ a be bo la jee le a ye taa kayira kono.

Yeremiya 13:25

Wo le be ke la i la dunoo ti, ŋa meŋ sumaŋ ka a ke i niyo ti, kaatu i ñinata n na le, i laata faniyaalu la.” Yaawe le ye a fo.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

1 Mansoolu 11:7

Konkoo kaŋ Yerusalaamu tiliboo la, Sulemani ye batudulaa tintiŋo* loo Kemosi ye jee, Mowabinkoolu la jalaŋ haraamuriŋo, aniŋ Moleki ye, Ammoninkoolu la jalaŋ haraamuriŋo.

Kiitindirilaalu 11:24

Niŋ Kemosi, meŋ mu i la alla ti ye bankoo moo doolu bayi i ye, fo i te wo bankoo taa la baŋ? Wo ñaa kiliŋo la, ntolu ye wo moolu la bankoo fanaa taa le, Yaawe ǹ na Alla ye mennu bayi ǹ ye.

2 Samuweli 5:21

Kabiriŋ Filisitinkoolu borita, ì ye ì la jalaŋolu tu kooma le, bituŋ Dawuda niŋ a la kewolu ye ì samba.

Yeremiya 49:4

Muŋ ne ka i kibirindi i la wulumbaŋolu la, i la wulumbaŋ yiriwaariŋolu, ite diŋ muritiriŋo meŋ jikita i la naafuloo la, ka a fo ko, ‘Jumaa le si naa nte kele?’