Yeremiya 48:26 - Mandinka Bible

²⁶ A ko: “Mowabi ye a faŋ wara Yaawe le kaŋ. A mindi fo a ye siira, a si busandi a faŋo la foonoo kono, fo a si ke jelefeŋo ti.

Yeremiya 48:26 Referans Kwoze

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Yeremiya 48:42

Mowabi la bankuyaa be kasaara la le, kaatu a ye a faŋ wara nte Yaawe le kaŋ.

Yesaya 29:9

Ali ali faŋolu hakilintaŋyandi doroŋ, ali ye hakilintaŋyaa. Ali ali faŋolu finkindi, ali ye finki. Ali ye siira, bari a te ke la doloo ti. Ali ye timili-tamali, wayini* te a saabu la.

Yesaya 19:14

Yaawe ye Misirankoolu jakasindi le, a ye a ke, ì tafal-tafalita ì kekuwolu to, ko siiratoolu ka timili-tamali ì la foonoolu kono ñaameŋ.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yeremiya 51:7

Babiloni tarata nte buloo kono le ko sani mindaŋo, duniyaa bee ye a miŋ fo ì keta tamaji. Bankoolu ye a la wayinoo* miŋ ne, a ye ì ñaamandi.

Yeremiya 48:39

“Ayiwaalii, Mowabi teyita! A kumboo kaŋo moyi baŋ! A maluta le, a muruta a koo la! Saayiŋ Mowabi keta jelefeŋo le ti, aniŋ kooroo bankoo, a dandanna bankoolu ye.”

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Lankenemoo 16:19

Bituŋ wo saatee baa farata talaadaa saba ti, duniyaa nasiyoŋolu la saatewolu tiñaata. Ñiŋ keta le, kaatu Alla hakiloo bulata Babiloni saatee baa la le. A ye kamfaa mindaŋo dii a la le ka i miŋ, aduŋ wo be faariŋ niŋ a la kamfaa doloo le la.

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.

Habakuki 2:16

Ali be duŋ na maloo le kono, ali te buuñaa soto la muk. Ali fanaalu taa le siita, ka muluŋ ko siiratoo, ali kenseŋo ye loo, ka ali la sunnabaliyaa yitandi. Mindaŋ pootoo meŋ be Yaawe bulubaa buloo kono, ka naa alitolu le kaŋ, ka jaraboo yelema naŋ ali kaŋ. Horomoo meŋ be ali kaŋ, be yelema la ali ye maloo le ti.

Nahumu 3:11

Ite Ninewe, i fanaa be ke la le ko siiratoo, i ye bori ka taa maabo, ka tankoo ñini i jawoolu ma.

Daniyeli 11:36

“Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Niikuyaa Suukuwolu 3:15

Ee nte! A ye n na baluwo kuniyandi le harak, a ye a kuniyandi le ko jalafatoo.

Niikuyaa Suukuwolu 1:21

“Woyi Yaawe, n na ŋuntaŋo moyi, m maŋ sabarindilaa soto. N jawoolu bee ye n na maasiiboo moyi le, ì seewoota ko, ite le ye a ke n na. I ye n laahidi luŋo meŋ na, a sindi, i ye n jawoolu ke ko m be ñaameŋ.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yesaya 63:6

N na jusuboo kono, ŋa n tuu bankoolu kaŋ. N na kamfaa ye a ke le, fo ì ka timili-tamali, ŋa ì yeloo boŋ bankoo to.”

Yesaya 51:17

Wuli! Wuli! Hee Yerusalaamu, i ñaa yele! I ye i miŋ Yaawe la kamfaa mindaŋo le la, i ye mindaŋ faa bee miŋ ne, fo i ka timili-tamali.

Yesaya 10:15

Bari, fo teeraŋo si a faŋo sikandi noo a maarii bulu, meŋ ka a sawundi, waraŋ seeroo ye a faŋo kibirindi a maarii ye, meŋ ka dookuwo ke a la? Fo dokoo si moo firifiri meŋ ye a sika, waraŋ babara kuntoo ye moo finjaŋ-finjaŋ?

Jabuuroolu 75:8

Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.

Jabuuroolu 59:8

Bari ite Yaawe ka jele ì la le. Ì jututa banku koteŋ moolu la le.

Jabuuroolu 2:4

Ate meŋ be siiriŋ mansasiiraŋo kaŋ Arijana, a jeleta le. Maariyo ye ì muta jelefeŋo le ti.

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

2 Musa 9:17

Hani saayiŋ, i ye i faŋ wara, i be balandiŋ ka n na moolu bula ì ye taa.

Yesaya 28:8

Taabuloo bee ka ke foonoo le ti, dulaa senuŋ te jee.

Daniyeli 8:10

A semboo la waroo futata Arijana kafoo moolu ma le, fo a ye kafoo moo doolu boyindi, ka taa looloo doolu, a dorita ì kaŋ.

Yuuba 15:25

Hadamadiŋo la kuwo be laariŋ teŋ ne, meŋ ye kurupeñoo dadaa Alla Tallaa kamma, ka haañi i loo laa Alla fee.

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.