Yeremiya 48:25 - Mandinka Bible

²⁵ Mowabi binoo katita le, a semboo tiñaata.” Yaawe le ye a fo.

Yeremiya 48:25 Referans Kwoze

Jabuuroolu 75:10

A be moo kuruŋolu semboo bee buruka la le, bari a be moo tilindiŋolu semboo warandi la le.

Jabuuroolu 10:15

Moo kuruŋolu niŋ moo jawoolu semboo tiñaa. Ì jarabi ì la kuu kuruŋolu la fo a bee ye baŋ ì bala.

Yuuba 22:9

I ka furuyaamusoolu bayi ì bulu kenseŋo, i ka aliyatiimoolu la jikiraŋo tiñaa.

Daniyeli 8:21

Baakotoŋo wo mu Jirisinkoolu la mansamarali bankoo le misaaloo ti, aduŋ bina faramansariŋo meŋ be a ñaalu teema, wo le mu a mansakee foloo ti.

Daniyeli 7:8

N tarata binoolu koroosi kaŋ ne, wo le to ŋa a je binandiŋo be finti kaŋ doolu teema. A ye bina saba le wutundi ì noo to, mennu foloo tarata jee. Ñiŋ binoo ye hadamadiŋ ñaalu le soto, aniŋ daa meŋ ka kuma baalu fo.

Niikuyaa Suukuwolu 2:3

Biriŋ ì jawoolu naata ì kele, a ye a bulubaa buloo bo a la moolu koto. A la kamfaa saŋaroo kaŋ, a ye Banisirayila binoo bee kati. A la kamfaa malata Yaakuba kaŋ ne ko dimbaa wuleŋo, a ye feŋo bee kasaara taariŋ.

Jabuuroolu 37:17

Kaatu Yaawe be moo jawoolu fankoo baŋ na le, bari a be moo tilindiŋolu kanta la le.

4 Musa 32:37

Rubeni lasiloo moolu ye Hesiboni lookuu, ì ye Eleyale lookuu aniŋ Kiriyatayimu,

Jakariya 2:1

Ŋa n kuŋo wuli kotenke, ŋa fondinkewo je n ñaatiliŋo la, sumandirilaŋ juloo be a buloo kono.