Yeremiya 46:5 - Mandinka Bible

⁵ Ŋa muŋ ne je teŋ? Ì jikilateyita le, ì muruta ì koo la. Ì ye ì la kelejawaroolu noo le, ì borita tariyaake, ì buka hani kooma fele, kaatu maasiiboo le be karoo bee la.” Yaawe le ye a fo.

Yeremiya 46:5 Referans Kwoze

Yeremiya 49:29

Ì la tiriliisoolu* niŋ ì la beeyaŋolu si buusi ì la, ì la tiriliisi ridoolu niŋ ì la sotofeŋolu bee. Ì la ñonkomoolu si buusi ì la, moolu kali wuuri ì ma ko, ‘Maasiiboo be ali ye karoo bee la!’

Yeremiya 6:25

Moo kana taa kunkoolu to, waraŋ ka taama siloolu kaŋ, kaatu hawusaroolu le be ǹ jawoolu bulu, ka maasiiboo saabu karoo bee la.”

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Nahumu 2:8

Ninewe ka muluŋ ne ko jiidinkoo, meŋ jiyo ka bori. A moolu ka bori wo le ñaama, hani ì ko ì ye, “Ali loo, ali loo!” bari moo maŋ soto meŋ si loo ka muru.

Esekiyeli 32:10

Niŋ ŋa n na hawusaroo* finjaŋ moolu ñaalu koto, m be ì bee le jaakalindi la i la kuwo la, aduŋ silaŋ baa be duŋ na ì la mansoolu la. Silaŋo be ì futufaa la le, moo bee le be ì kunkedulaa ñini la luŋo meŋ na i be boyi la duuma.”

Yeremiya 46:15

Muŋ ne ye i la jalaŋo Apisi borindi? Muŋ ne ye a tinna i la wo tuuraa maŋ loo? Kaatu ko, Yaawe ye a busandi duuma le.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

1 Musa 19:17

Kabiriŋ ì ye ì samba naŋ banta, doo ko a ye ko, “Ali i bori ali niyolu la tankoo kaŋ. Ali kana kooma fele, aduŋ ali kana loo dulaa to wulumbaŋo kono. Ali i bori konkoolu to, niŋ wo nte, ali be faa la le.”

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yesaya 42:17

Bari mennu ye ì jikoo loo jalaŋolu kaŋ, mennu ka a fo ì ye ko, ‘Alitolu le mu ǹ na alloolu ti,’ ì niŋ maloo le be muru la ì koo la.”

Yeremiya 49:5

M be kijafaroo le naati la i kaŋ, ka bo i dandanna bankoolu bee kaŋ. Ì be ali bayi la le, ali ye ali kuŋo loo taariŋ, moo te soto la ka borilaalu kafu ñoo ma. Yaawe Alihawaa Maariyo* le ye a fo.

Esekiyeli 39:18

Ì si kelejawaroo suboo domo, ì ye duniyaa maramansoolu yeloo miŋ. Wolu bee be faa la le ko saakotoŋolu, saakotondiŋolu, baalu, ninsituuraalu, mennu bee be ke la ko Basani batundoolu.

Nahumu 2:9

Ali ì la kodiforoolu ñapinkaŋ, ali ì la sanoolu ñapinkaŋ, naafuloo kuu te jaŋ. Feŋ-wo-feŋ kummaayaata, a jurumoo le be jaŋ.

Sefaniya 1:14

Yaawe la ñiŋ luŋ baa be sutiyaa kaŋ naŋ ne, a ka naa le, a be sutiyaa kaŋ naŋ ne famfaŋ. Yaawe la ñiŋ luŋo la, kumboo kaŋo be moyi la le, a niikuyaa be wara la baake. Hani kelejawaroolu, ì be lemba la le.