Yeremiya 4:31 - Mandinka Bible

³¹ Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 4:31 Referans Kwoze

Niikuyaa Suukuwolu 1:17

Pirikit, jawoolu wututa naŋ Yaakuba kamma, Yaawe le ye ì yaamari a la. Yerusalaamu keta kosoo le ti a dandanna banku moolu kono. Siyoni ye a buloolu laa maakoyiri ñiniŋo la, bari a maŋ hani sabarindilaa soto. A ko,

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Yeremiya 13:21

I be muŋ ne fo la, niŋ ì ye moolu marandi i kunna, ite faŋo ye mennu muta i teeroolu ti? Fo dimiŋo te duŋ na i la baŋ, ko dimiŋo ka musoo muta tiŋo to ñaameŋ?

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

1 Korintinkoolu 9:16

Niŋ n ka kibaari betoo kawandi, wo te ke la kibiri kuwo ti n ye, kaatu a mu ñantoo le ti n kaŋ. Kooroo be n ye, niŋ m maŋ kibaari betoo kawandi!

Matiyu 21:5

“A fo Dimmusuriŋ* Siyoni* ye ko, a juubee, i la mansakewo be naa kaŋ i kaŋ ne! A fammajiiriŋo be seleriŋ faloo le kaŋ, aduŋ falindiŋo, falimusoo diŋo.”

Mika 7:1

Nte la kuwo be balafaa le daa to! N na kuwo ka muluŋ ne ko moo meŋ, a be lafiriŋ yiridiŋ katoo la, a be lafiriŋ wayini* karaŋo la wayini kankaŋo to, bari hani feŋ maŋ tu jee, a be meŋ faŋo domo la, sooto kumfoloolu to hani feŋ te jee, a si lafi meŋ na.

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Niikuyaa Suukuwolu 2:21

Woyi muna! Dindiŋolu niŋ keebaalu furewolu be laariŋ bankoo le to, mbeedoolu kaŋ taariŋ. N na sunkutoolu niŋ fondinkewolu, ì ye ì faa niŋ hawusaroo* la. I la kamfaa waatoo la, i ye ì faa niŋ balafaabaliyaa le la.

Niikuyaa Suukuwolu 1:20

“Hawusaroo* be faaroo la mbeedoolu kaŋ, buŋolu fanaa kono niŋ saayaa. Hee Yaawe, a juubee m be mantooroo meŋ kono, fo n niyo bee dewunta, n kijoo kuntuta, kaatu ŋa balambaatooyaa le tiliŋ i la.

Yeremiya 50:43

Yaawe ko: “Babiloni mansakewo ye ì kibaaroo moyi le, a buloolu tuta yondiŋ. Kijafaroo le ye a muta, aniŋ dimiŋo ko tiŋ ye musu maa.

Yeremiya 49:24

Damasiku sembentaŋyaata le, a muruta a koo la ka bori, kijafaroo ye a muta, niikuyaa niŋ dimiŋo dunta a la, ko tiŋ ye musu maa.

Yeremiya 49:22

A juubee, jawoo le tariyaariŋo be tii la naŋ ko sontiŋo, a ye a dampaŋolu waree Bosira kamma. Wo luŋo la, Edomu kelediŋ fatiŋolu kijoo be ì fara la le, ko tiŋ ye musu maa.”

Yeremiya 48:41

Ì be saatewolu taa la le, ì ye tatoolu muta. Wo luŋo la, kijafaroo be Mowabi kelediŋ fatiŋolu muta la le, ko tiŋ ye musu maa.

Yeremiya 45:2

Yaawe* Banisirayila la Alla ye ñiŋ ne fo ite Baruku ye ko:

Yeremiya 30:6

Ali ñininkaaroo ke, ali ye a juubee baŋ, muna kewo si deenaanoo wuluu noo? Wo to muŋ ne ye a tinna ŋa kee kanaŋ-wo-kee kanaŋ je, a buloo be a konoo to, ko tiŋ ye musu maa? Muŋ ne ye moo bee ñaadaa yelemandi, ko saata kuurantoo?

Yeremiya 22:23

Ite ye i la ñaŋo dadaa Libanooni sedari* yiroolu le la. Bari i be ŋuntaŋ na ñaameŋ, niŋ dimiŋo laata i kaŋ luŋo meŋ na, dimiŋo, ko niŋ tiŋo ye musoo maa!

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 14:18

Niŋ m fintita kenoo kono, n ka furewolu le je, ì ye mennu faa hawusaroo la. Niŋ n dunta saatewo kono, n ka konkoo maasiiboo le je. Annabiyomoolu niŋ piriisoolu* ka tara ì la dookuwo la bankoo kaŋ ne taariŋ, bari ì maŋ a loŋ ì ka meŋ ke.”

Yeremiya 10:19

Yerusalaamu ko, “Kooroo boyita n kaŋ ne, dimiŋo meŋ laata n kaŋ. N na baramoo diminjawuta le. Bari ŋa ñiŋ miira le ko, tooñaa-tooñaa, ñiŋ mu n ye yankankatoo le ti, m be a muña noo la le.

Yeremiya 6:2

Dimmusuriŋ* Siyoni* niŋ a la ñiiñaa niŋ a la kekuwo, m be a kasaara la le.

Yesaya 42:14

Yaawe ko: “M meeta deyiriŋ baake le, ŋa m faŋ muta le, m buka feŋ fo. Bari saayiŋ n ka munta le ko niŋ musoo be tiŋo to. N ka sari le, ŋa n niijii kendeke, ŋa ŋuntaŋ.

Yesaya 21:3

Ñiŋ jeroo le ye a tinna dimiŋo dunta m balajaatoo la, dimiŋo ye m muta ko niŋ musoo be tiŋo to. Ŋa meŋ moyi, a ye m bondi n noo to le, ŋa meŋ je, a ye n jaakalindi.

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

Yesaya 6:5

N wuurita ko, “Kooroo boyita n kaŋ ne. N kasaarata le. Kaatu nte mu moo le ti, meŋ ka junube kumoo fo, aduŋ n niŋ moolu le be siiriŋ mennu buka tooñaa kumoo fo, aduŋ n ñaa ye Mansoo je le, Yaawe Alihawaa Maariyo.”

Jabuuroolu 120:5

Kooroo boyita n kaŋ ne, a ka munta le m be siiriŋ Meseki moolu le kono, waraŋ Kedari moolu.

Yuuba 10:1

N ñewunta n na baluwo faŋo le la. Wo kamma la, n te n deyi la n na bataa kuwo saatoo la. Meŋ ye a tinna n na baluwo be kuniyaa la m bulu, a ñanta finti la le.

1 Musa 27:46

Bituŋ Rebeka ko Isiyaaka ye ko, “M bataata Esawu la Hitinka musoolu la kuwo la le. Niŋ Yaakuba fanaa ye musoo ñini ñiŋ Hitinka sunkutoolu kono, wo to saayaa le be fisiyaa la n ye wo ti.”

Yesaya 26:17

Hee Yaawe, ko musukonomaa meŋ pareeta wuluu la, ka ŋaara ñaameŋ, ka dimoo kumboo, ntolu be wo le ñaama i ñaatiliŋo la.

Mika 4:9

“Wo to saayiŋ, muŋ kumboo kuu le laata i kaŋ? Fo i maŋ mansakewo le soto baŋ? Fo i la yaamarilaalu le banta baŋ, wo kuwo seleta i la, ko niŋ tiŋo be musoo la?

Mika 4:10

Dimmusuriŋ Siyoni, tu biiña la, tu ŋuntaŋ na, ko niŋ tiŋo be musoo la. Saayiŋ, i si finti ka bo i la saatewo kono, i ye taa, ka daakaa kene kenseŋo kono. I be taa le fo Babiloni. M be tankoo dii la i la jee le, nte Yaawe be i kiisa la i jawoolu ma jee le.”