Yeremiya 26:17 - Mandinka Bible

¹⁷ Bankoo alifaa doolu naata wuli, ì loota ñaato, ì ko jamaa moo bee ye ko,

Yeremiya 26:17 Referans Kwoze

Kiilaalu 5:34

Bari Farisee kiliŋ loota ì teema, meŋ too mu Kamaliyel ti. A mu Luwaa karandirilaa baa le ti, moolu bee ye meŋ buuñaa. A ye ì yaamari ka kiilaalu fintindi banta foloo.

Mika 1:1

Yaawe* ye ñiŋ kiilaariyaa kumoo le lankenemayandi Mika Moresetinkoo ma Samariya la kuwo to, aniŋ Yerusalaamu. A keta Mansa Yotamu tiloo le la, Mansa Ahasi, aniŋ Mansa Hesekiya, Yahuuda bankoo kaŋ.

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’