Yeremiya 21:4 - Mandinka Bible

⁴ Yaawe Banisirayila la Alla ye ñiŋ ne fo ko: “A juubee, m be kelejooraŋolu murundi la ali faŋolu le kaŋ, mennu be ali bulu, ali ye mennu taa ka Babiloni mansakewo kele, meŋ niŋ a la kelediŋolu ye ali suki tata sansaŋo kono. M be ì samba la naŋ ñoo kaŋ ñiŋ saatewo teema le.

Yeremiya 21:4 Referans Kwoze

Yeremiya 33:5

ì niŋ Babiloninkoolu la keloo to: Wo buŋolu be faa la niŋ moolu furewo la le, m be mennu faa la n na jusukandoo niŋ n na kamfaa baa kono. M be n koo dii la ñiŋ saatewo moolu la le, ì la kuu kuruŋolu kamma la.

Yeremiya 32:5

A be a samba la Babiloni bankoo kaŋ ne, aduŋ a be tu la wo le to, fo janniŋ n niŋ a be janjuŋ na. Niŋ ali ye Babiloninkoolu kele fanaa, ali te nooroo ke la. Nte Yaawe le ye a fo.’ ”

Yesaya 13:4

Ali i lamoyi, maakaŋo le be konkoolu kaŋ, ko niŋ moo jamaalu le be jee. Ali i lamoyi, wuurikaŋo le ka kuma mansamarali bankoolu kaŋ, ko niŋ bankoolu le ka beŋ. Yaawe Alihawaa Maariyo* le be a la kelediŋ kafoolu parendi kaŋ keloo ye.

Yesaya 5:5

Saayiŋ, m be a fo la ali ye le, m be meŋ ke la n na kankaŋo la. M be a la sansaŋo bondi la a bala le, a ye kasaara. M be a la bere sansaŋolu bondi la a bala le, ì ye doriŋ-doriŋ a kono.

Jakariya 14:2

Kaatu m be bankoolu bee kumbeŋ na ñoo kaŋ ne ka Yerusalaamu kele. Ì si saatewo ñiŋ taa, ì ye a bunkono feŋolu ñapinkaŋ, ì ye ali la musoolu boyinkaŋ. Saatewo talantewo be taa la mutoo kono le, bari moo toomaalu, wolu be tu la saatewo ñiŋ kono le.

Niikuyaa Suukuwolu 2:7

Hee, Maariyo ñoorita a la sadaajanidulaa* la le, a ye a koo dii a Batudulaa Senuŋo la. A tata sansaŋolu, a ye ì duŋ jawoolu bulu. Ì wuurita Yaawe Batudulaa kono ì la ì noo kaŋ, komeŋ juurali maakaŋ baa.

Niikuyaa Suukuwolu 2:5

Ee, ayiwaalii nte! Maariyo keta le ko jawoo, a ye Banisirayila kunuŋ. A ye a maralilaalu la buŋolu kasaara, a ye a tatoolu tumbuŋ. Saŋakumboo niŋ woosiyo, a ye wo le juruma Yahuuda moolu ye.

Yeremiya 39:3

Bituŋ Babiloni kelediŋ kuntiyolu bee dunta Yerusalaamu kono, ì ye ì la daakaa ke Teema Dundaŋ Daa to. Wolu le mu ñinnu ti: Nerikali-Sarese, Samuka-Nebo, Sarisekimu, aniŋ Nerikali-Sarese, mansa yaamarilaa baa, ka taa Babiloni mansakewo la mansakundaa dookuulaa kummaalu bee.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Hoseya 9:12

Hani niŋ a ye a tara ì ye diŋolu soto, fo ì menta, n si ì bee taa ì koto fo ì ye baŋ kewu. Kooroo si boyi ì kaŋ, niŋ ŋa ì bula.

Yeremiya 52:18

Ì ye jaawali jooraŋolu bee le samba, dookuwo ka ke mennu la Yaawe Batudulaa Buŋo kono. Wolu le mu kaleeroolu ti, peeloolu, lampu meesi kunturaŋolu, junjundirilaŋ booloolu, aniŋ cuuraayi keraŋolu.

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

Yeremiya 20:4

Kaatu Yaawe ye ñiŋ ne fo ko, a be i ke la maasiiba moo le ti i faŋo ye, aniŋ i teerimaalu bee ye. Ì jawoolu be ì faa la niŋ hawusaroo* le la keloo kono, i faŋo ñaa ye tara a la. A be Yahuuda moolu bee duŋ na Babiloni bankoo mansakewo bulu le. A be ì samba la mutamoolu le ti Babiloni bankoo kaŋ, aduŋ a be ì faa la niŋ hawusaroo le la.

Yeremiya 21:3

Bari ŋa ì jaabi le ko, ì si a fo Sedekiya ye,

Yeremiya 32:3

Ate Yahuuda mansakewo Sedekiya le ye m muta jee, a ko n ye ko, “Muŋ ne ye a tinna ite ye ñiŋ kiilaariyaa kumoo fo? I ko Yaawe ye ñiŋ ne fo ko: ‘A juubee, m be ñiŋ saatewo duŋ na Babiloni mansakewo bulu le, a ye a taa.

Yeremiya 32:24

A juubee baŋ, Babiloninkoolu ye seleraŋolu loo le ka saatewo suki, fo ì si a muta. Hawusari keloo, konkoo, aniŋ alibalaa kuuraŋo be a tinna le ñiŋ saatewo ye duŋ ì bulu, mennu be a kele kaŋ. I ye meŋ fo, a keta le, aduŋ a fele, i faŋo ñaa be a kaŋ ne.

Yeremiya 35:17

Wo kamma la nte Yaawe Alihawaa Maariyo, Banisirayila la Alla ye ñiŋ ne fo ko: M be kasaara kuwolu bee naati la Yahuuda moolu niŋ Yerusalaamu moolu kaŋ ne, ŋa mennu fo ì ma. Bayiri n diyaamuta ì ye le, ì maŋ i lamoyi n na, n kumata ì ye, ì maŋ n danku.”

Niikuyaa Suukuwolu 2:3

Biriŋ ì jawoolu naata ì kele, a ye a bulubaa buloo bo a la moolu koto. A la kamfaa saŋaroo kaŋ, a ye Banisirayila binoo bee kati. A la kamfaa malata Yaakuba kaŋ ne ko dimbaa wuleŋo, a ye feŋo bee kasaara taariŋ.

Esekiyeli 39:3

Wo to le m be i maraa buloo fadi la, i la kaloo ye joloŋ. I la kalabeñoo be joloŋ na le ka bo i bulubaa buloo kono.