Yeremiya 21:12 - Mandinka Bible

¹² Nte Yaawe ye ñiŋ ne fo ko: Alitolu Mansa Dawuda koomalankoolu, ali kiitii tilindiŋo taamandi fanikee-wo-fanikee, ka moo-wo-moo bondi a toorandilaa bulu, ì ye meŋ nakari, niŋ wo nte, n na kamfaa si mala ko dimbaa. A si mala, moo te soto noo la ka a faa, ali la kuu jawu kewolu kamma la.

Yeremiya 21:12 Referans Kwoze

Yesaya 1:17

Ali kuu kendoo baara. Ali a je ko tiliŋo ye taama, ali ye moolu maakoyi mennu be mantooroo kono. Ali aliyatiimoolu la hakoo dii ì la, ali ye furuyaamusoolu la boloo dii ì la.”

Yeremiya 4:4

Alitolu Yahuuda niŋ Yerusalaamu moolu, ali ali sondomoo faŋo le sunna nte Yaawe ye. Niŋ wo nte, n na kamfaa si wuli ko dimbaa, a ye mala, moo te soto noo la ka a faa, ali la kuu jawu kewolu kamma la.”

Yesaya 1:31

Sembemaalu be ke la le ko ñaama jaaroo, ì la dookuwo ye ke ko dimbaa feremetoo, ì niŋ ì la dookuu kuruŋo bee be jani la ñoo la le, aduŋ moo te ì maakoyi noo la ka dimbaa faa.

Sefaniya 3:5

Bari Yaawe meŋ ka tara Yerusalaamu saatewo kono, wo tilinta le, tilimbaliyaa, a buka wo ke. A ka a la kiitiyo siloo yitandi le soomandaa-wo-soomandaa, luŋ buka baayi. Bari moo kuruŋo maŋ a loŋ meŋ mu malu kuwo ti.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Yeremiya 36:7

A si ke, ì ye woosii Yaawe ye ka a daani, moo-wo-moo ye yelema ka bo a la sila kuruŋo kaŋ, ka daaniri ke Yaawe la balafaa la. Kaatu ko, Yaawe ye jusukandoo niŋ kamfaa meŋ ke ñiŋ moolu kamma, a warabaata le.”

Yeremiya 17:4

Ali faŋolu le be a tinna ali ye foo ali la keetaabankoo la, ŋa meŋ dii ali la. M be ali joŋyandi la ali jawoolu ye banku le kaŋ ali maŋ daameŋ to loŋ, kaatu ali ye n na kamfaa dimbaa le mala. A be tu la mala la le fo fawu.”

Yeremiya 7:20

“Wo kamma la, nte Yaawe Alla ye ñiŋ ne fo ko: A juubee, m be n na kamfaa niŋ jusukandoo jindi la ñiŋ batudulaa kaŋ ne, ka taa moolu niŋ beeyaŋolu kaŋ, yiroolu, aniŋ senebankoo fiifeŋolu. A dimbaamaa le be mala la, aduŋ moo te a faa noo la.”

Yeremiya 5:28

Ì nunkuta le ka malamala, ì maŋ naanee loŋ kuu kuruŋ kewo to. Ì buka kiitiyo teyi aliyatiimoolu ye, ka ì la kuwo yiriwandi, sako ka loo fentaŋolu boloo ye.

Roomankoolu 13:4

Wo kantiyo mu Alla la dookuulaa le ti kuwolu to, mennu beteyaata i to. Bari niŋ i ye kuu jawoo ke, i si sila, kaatu a maŋ a la hawusaroo* muta kensenke. A mu Alla la dookuulaa le ti, meŋ ka Alla la kuluuroo laa kuu jawu kelaalu kaŋ.

Luka 1:69

A ye Kiisandirilaa sembemaa baa le dii ǹ na, ka bo a la dookuulaa Dawuda la lasiloo kono,

Esekiyeli 22:31

Wo kamma la, n na kamfaa baa be jii la naŋ ì kaŋ ne ko dimbaa, ka ì jani. Ì ye meŋ juloo duŋ, m be ì joo la wo le la.” Maarii Yaawe le ye a fo.

Niikuyaa Suukuwolu 4:11

Maarii Yaawe* ye a la kamfaa fijoo bee le jii, a ye a la jusukandoo kupi naŋ, a ye dimbaa mala Siyoni kono, a ye a jani fo a fondamaŋolu to.

Yeremiya 23:19

A juubee, Yaawe la kamfaa turubaadimaa le mu, a saafoñotomaa le mu. A be feteŋ na moo kuruŋolu le kuŋo kaŋ.

Yeremiya 5:14

Wo kamma la Yaawe Alihawaa Maariyo* ye ñiŋ ne fo ko: “Bayiri ì ka ñiŋ kumoo le fo, wo to m be n na kumoo ke la ite Yeremiya daa kono dimbaa le ti, ñiŋ moolu ye ke loo ti, a dimbaa ye ì domo.”

Yesaya 7:13

Wo to le Yesaya ko, “Dawuda koomalankoolu, ali i lamoyi n na. Nte pasita ali la balambaatooyaa la le, saayiŋ ali lafita wo le tiliŋ na Alla fanaa la.

Yesaya 7:2

Ì ye a fo Ahasi niŋ a la moolu ye le ko, “Aramu niŋ Efurayimu be kuu kiliŋ ne.” Wo ye Ahasi niŋ a la moolu kijoo fara le, ì keta le ko niŋ foñoo ka yiroolu jiijaa yiri sutoo kono.

Jabuuroolu 101:8

Luŋ-wo-luŋ m be kali kuu jawu kelaalu buruka la bankoo kaŋ ne. M be moo jawoolu bee bayi la le ka bo Yaawe la saatewo kono.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Yeremiya 23:5

Yaawe le ye ñiŋ fo ko: “A juubee, luŋolu be naa le, m be yiribulu tilindiŋo sorondi la Mansa Dawuda koomalankoolu ye. A be ke la mansakewo le ti meŋ be maraloo ke la niŋ fahaamuroo la, aduŋ a be tooñaa kiitiiteyoo niŋ tiliŋo le taamandi la bankoo kaŋ.

Yeremiya 21:5

Nte faŋo le be ali kele la niŋ m bulu sembemaa baa la, aniŋ n na kamfaa, jusukandoo, aniŋ diminnaa fijoo la.

Yuuba 29:17

Nte le ye moo jawoolu ŋaaŋaa kuloolu kati, ŋa feŋolu tanka, ì ñiŋolu be sorondiŋ mennu fee.

2 Samuweli 8:15

Dawuda ye Banisirayila bee mara tiliŋo kono, aduŋ a ye moolu bee kaañandi a la maraloo koto le.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.

3 Musa 26:28

wo to nte fanaa la kamfaa baa kaŋ, m be wo ñoŋ ne taamandi la ali kaŋ ko siiñaa woorowula, ali la junuboolu kamma la.

2 Musa 18:13

A saamoo Musa ye a la siiraŋo taa, ka ke moolu ye kiitindirilaa ti. Ì loota le ka a muru kabiriŋ soomandaa fo wulaaroo.

Yeremiya 7:5

Ali ñanta le ka ali taañaalu faliŋ, aniŋ ali kekuwolu. Ali tiliŋo taamandi ñoo teema.

Yeremiya 23:2

Wo kamma la Yaawe, Banisirayila la Alla ye ñiŋ ne fo kantarilaalu la kuwo to, mennu ñanta ka a la moolu topatoo ko: “Alitolu ye n na saajii koorewo, meŋ mu n na moolu ti, janjandi le ka ì bayi, ali maŋ ì hati. Wo to silaŋ, nte be alitolu hati la ali la kuu jawoolu kaŋ ne.” Yaawe le ye a fo.

Yeremiya 44:22

Yaawe maŋ ali la kuu jawu baaroolu niŋ ali la kuu ñewundiŋ kewo muña noo. Wo le ye a tinna ali la bankoo keta tumbuŋo ti ka kenseŋyaa, aniŋ ka ke danka feŋo ti, aduŋ moo te siiriŋ jee, ko a be ñaameŋ bii.