Yeremiya 20:7 - Mandinka Bible

⁷ Hee Yaawe, i ye n sondi le, aduŋ n sonta le. Ite le bambanta n ti, i ye n noo le. Ì ka n ke jelefeŋo le ti tiloo muumewo, moo bee ka n ñaawali.

Yeremiya 20:7 Referans Kwoze

Hoseya 9:7

Yankankati luŋolu ka naa le, ka Banisirayila jarabi a la junuboolu la. Niŋ wo keta, ali be a loŋ na le. Ali la junuboo la siyaa kaŋ, ali la konnanteeyaa la waroo kaŋ, ali ka a fo ko, “Annabiyomoo mu toolewo le ti, ñaamaatoo le mu a ti.”

Niikuyaa Suukuwolu 3:14

Ee nte wo! N keta moolu bee ye jelefeŋo le ti, ì ka n ke ì la teelindiri denkiloo ti waati-wo-waati.

Esekiyeli 3:14

Bituŋ Yaawe la Nooroo ye n samba, kamfaa niŋ niikuyaa naata duŋ n na. Yaawe sembe baa jiita n kaŋ ka m mara.

Yeremiya 20:9

Bari niŋ n kumata ko, n te i la kuma fo la kotenke, waraŋ ka diyaamu i tooyaa la, i la kumoo ka ke n jusoo kono le ko dimbaa, ko dimbaa meŋ be fo n jusoo kono. M bataata n deyi la a kaŋ ne, n te wo noo la faŋ.

Hiburunkoolu 11:36

Moo doolu be jee, ì ye wolu ñaawali le, aniŋ ì ye ì karawaasi. Ì ye hani neejoloo bula ì doolu la le, aduŋ ì ye doolu soroŋ bunjawoo kono.

1 Korintinkoolu 9:6

Fo nte niŋ Barinabas doroŋ ne maŋ ñantoo soto ka i dahaa dookuwo la ǹ na baluwo to?

Kiilaalu 17:32

Kabiriŋ ì ye saayaakoolaa wulindiroo la kuwo moyi, doolu ye a ñaawali. Bari doolu ko, “M̀ be i lamoyi la le kotenke ñiŋ kuwo to.”

Kiilaalu 17:18

Epikureyani niŋ Stoyiki yinkarilaa doolu ye Pawulu soosoo. Doolu ko, “Fo ñiŋ moo daasiyaariŋo ye a miira le ko, a ye feŋ loŋ ne baŋ?” Doolu ko, “A mulunta kawandilaa le la, meŋ ka wandi alloolu la kuwo kawandi.” Ì ye ñiŋ fo le, kaatu Pawulu ka Yeesu la kuwo le kawandi, a niŋ a la wulindiroo saayaa kono.

Luka 23:11

Wo to le Herodi niŋ a la kelediŋolu ye jutunnayaa kuwo ke a la, aduŋ ì ye a ñaawali fanaa. Labaŋo la ì ye waramba ñiimaa duŋ a la. Bituŋ ì ye a murundi Payileti yaa.

Luka 16:14

Farisewolu* mennu ye kodoo kanu, kabiriŋ ì ye ñiŋ moyi, ì ye Yeesu ñaawali.

Mika 3:8

Bari nte wo de, Yaawe le ye nte bambandi. A ye a la Nooroo le duŋ n na, a ye tooñaa hakiloo dii n na, aniŋ fatiyaa, ka tooñaa yitandi Banisirayila la, Yaakuba koomalankoolu, ì la muritoo niŋ ì la junube kuu kewo to.

Yeremiya 29:26

Sefaniya, Yaawe ye ite le ke piriisoo ti Yehoyada noo to, ka tara marariŋ Batudulaa Buŋo* ma. Ñiŋ ñaamaatoo meŋ ye a faŋ ke annabiyomoo ti, i ñanta le ka a bula kutiŋo la, ka newo soroŋ a kaŋo la.

Yeremiya 17:16

Nte maŋ bori ka bo ke la i la kantarilaa ti ì kunna, aduŋ i ye a loŋ ne m maŋ luŋ jawu ŋaniya ì ye. Kumoo meŋ bota n daa, a bee be laariŋ i ñaa koto le.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yeremiya 15:10

Hee, nte Yeremiya, m baa la n wuluwo keta n ye bataa le ti! N keta moo le ti, ì ka tu meŋ na kuwo ñoosaba la, aniŋ ka n kele bankoo bee kaŋ. M maŋ moo donto, moo maŋ n donto, hani wo, moo bee ka n danka.

2 Mansoolu 2:23

Elisa naata bo jee ka taa Beteli saatewo to. Kabiriŋ a be siloo kaŋ ka taa, kambaanendiŋo doolu le fintita naŋ saatewo kono, ì ka a tooñee ka a fo a ye ko, “Bo jaŋ, kuŋ lawulawu! Bo jaŋ, kuŋ lawulawu!”

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

Jabuuroolu 119:51

Faŋ waralaalu ka n ñaawali baake le, bari m maŋ n koo dii i la yaamaroo la.

Yeremiya 38:19

Wo le to Mansa Sedekiya ko, “N silata Yahuuda moolu le la, mennu ye jamfaa ke ka taa Babiloninkoolu yaa. A si ke Babiloninkoolu ye n dii ì la, ì ye n tilimbaliyaa.”

Yunusa 4:2

A ye Yaawe* daani ko, “Yaawe, fo m maŋ ñiŋ ne fo nuŋ, kabiriŋ m be nuŋ suwo kono? Ñiŋ ne ye a tinna n tariyaata ka bori ka taa Tarisi. Ŋa a loŋ ne ko, i hiinanteeyaata le, aduŋ i ye balafaa soto le, i la kamfaa maŋ tariyaa, bari i la kanoo semboo ka tu warariŋ ne, Alla meŋ ka tariyaa yamfa la.

Yuuba 30:9

Saayiŋ wolu le diŋolu ka n teeliŋ denkiloolu la, ka tara n ñaawali kaŋ. Nte le naata ke ì fee jelefeŋo ti.

Yesaya 8:11

Bituŋ Yaawe diyaamuta n ye, aduŋ a bulu sembemaa tarata n koto le, a ye n niŋ n noomalankoolu dandalaa ko, ǹ kana bula ñiŋ moolu la siloo nooma. A ko,