Yeremiya 2:32 - Mandinka Bible

³² Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

Yeremiya 2:32 Referans Kwoze

Jabuuroolu 106:21

Ì ñinata Alla la le, ì la kiisandirilaa, meŋ ye kuu baalu ke Misira,

Yeremiya 13:25

Wo le be ke la i la dunoo ti, ŋa meŋ sumaŋ ka a ke i niyo ti, kaatu i ñinata n na le, i laata faniyaalu la.” Yaawe le ye a fo.

Yeremiya 3:21

Wuurikaŋo bota naŋ konkoolu kaŋ, Banisirayilankoolu le kumboo kaŋo mu, aniŋ ì woosiikaŋo, kaatu ì ye kuruŋyaa le ke ì taaraŋ siloo ti, ì ñinata Yaawe ì la Alla la.

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Yesaya 17:10

Kaatu ali ñinata Alla la le, ali Kiisandirilaa, ali hakiloo maŋ bula ali la semberaŋ beroo la, ali la tatoo. Ali ye fiifeŋ ñiimaalu tutu, ka bantala jalaŋo batu.

Hoseya 8:14

“Banisirayila ñinata a Daamansoo la le, a ye buŋ ñiimaalu loo. Yahuuda ye saatee jamaa tata, bari m be dimbaa le jindi la naŋ ì kaŋ, ka ì la tatoolu jani.”

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Jabuuroolu 9:17

Moo kuruŋolu be taa kaburoo kono le, banku koteŋ moolu mennu bee ñinata Alla la.

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 13:10

Ñiŋ moo kuruŋolu balanta nte la kumoolu muta la le. Ì kanjaaramaalu ka bula ì fansuŋ lafoo le nooma. Ì bulata jalaŋolu le nooma ka ì batu, aniŋ ka sujudi ì ye. Wo kamma la ì be ke la le ko ñiŋ fatari kulembeŋo, meŋ te feŋ nafaa la.

Lankenemoo 21:2

Wo to le ŋa saatee senuŋo je, meŋ mu Yerusalaamu kutoo ti. A be jii kaŋ ka bo Alla yaa, Arijana kono. A parendita ko maañoo, meŋ ñarandita a keemaa ye.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

1 Musa 24:22

Kabiriŋ ñonkomoolu pareeta miŋo la, Iburayima la dookuulaa ñiŋ ye sani nuntokonnaa daa jawu baa dii a la, aniŋ sani bulutotaa kulimaa fula.

2 Samuweli 1:24

Hee, Banisirayila dimmusoolu, ali Sawulu kumboo, meŋ ye ali feetoofata niŋ dendika wuleŋ daa jawoolu la, mennu ye sanoolu soto ì bala.

1 Musa 24:53

Bituŋ a ye sani ñaroolu niŋ kodiforo ñaroolu bondi naŋ, aniŋ duŋ feŋ ñiimaalu, a ye ì dii Rebeka la. A ye soorifeŋ bete le fanaa dii Rebeka baarinkewo la aniŋ a baamaa.

Yesaya 57:11

“I silata jumaa le la, fo i ka faniyaa fo n ye? I ñinata n na le, i hakiloo faŋo maŋ m maa. M meeta deyiriŋ baake le, fo wo le ye a tinna i maŋ sila n na baŋ?

Yeremiya 2:33

I ka i la feeroolu taamandi kuu le ka kanuñoolu ñini, hani musoolu bee kuruŋo, a si kuruŋyaa karaŋ noo i bulu le.

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

Kiitindirilaalu 8:34

Banisirayilankoolu ñinata Yaawe la, ì la Alla, meŋ ye ì tankandi ka bo ì jawoolu buloo kono karoo bee la.

Yeremiya 23:27

Ì ye a miira le ì kiliŋ-kiliŋ naa ka ì la siiboolu mennu fo ñoo ye, wo le be a tinna n na moolu ye ñina n too la, ko ì la alifaa foloolu ñinata n too la ñaameŋ ka bo niŋ Baali jalambatoo la.