Yeremiya 2:10 - Mandinka Bible

¹⁰ Niŋ i teyita ka taa Kitimu baajooyoo to, waraŋ i ye moo kii Kedari bankoo kaŋ ka koroosiroo ke kendeke, i be a je la le fo ñiŋ kuu siifaa nene ka ke le.

Yeremiya 2:10 Referans Kwoze

Jabuuroolu 120:5

Kooroo boyita n kaŋ ne, a ka munta le m be siiriŋ Meseki moolu le kono, waraŋ Kedari moolu.

1 Korintinkoolu 5:1

Ŋa haraamu kuu kewo le moyi ali la kuwo to ko, kee doo ka a faamaa la musoo futuu le, hani jaahiloolu buka maañaa meŋ ke.

Daniyeli 11:30

Kuluŋolu mennu bota naŋ Kitimu be naa le ka a kele, aduŋ a be sila la le, a ye muru a koo la. A kamfaariŋo le be muru la, aduŋ a be Alla la moolu la diinoo kele la le, ka a tiñaa. A be bula la moolu le la kumoo nooma, mennu ye ì koo dii wo diinoo la.

Esekiyeli 27:6

Ì ye ooki yiroo le bondi naŋ Basani, ì ye a lese jiboolu ti. Ì ye i teroo dadaa niŋ junipa yiroo le la meŋ bota Sipurusi jooyoo baa daala, ì ye i ñarandi niŋ samañiŋolu la.

Yesaya 21:16

Maariyo ko n ye le ko: “M be luŋolu konti la le, ko lebereesoo ka a la luŋolu konti ñaameŋ. Sanji kiliŋ bandulaa, Kedari la jikiraŋ semboo bee be daŋ na le.

1 Taarika 23:12

Kohati ye dinkee naani le soto, wolu le mu: Amuramu, Isari, Heburoni aniŋ Usiyeli.

1 Taarika 23:1

Kabiriŋ Dawuda kotoota baake, a ye Sulemani a dinkewo le ke mansa ti Banisirayila.

1 Taarika 1:7

Yawani dinkewolu, wolu le mu: Elisa, Tarisi, Kitimu aniŋ Rodanimu.

Kiitindirilaalu 19:30

Moo-wo-moo ye a je, wo ka a fo le ko, “Moo nene maŋ ñiŋ kuu siifaa je. A nene maŋ ke, kabiriŋ Banisirayilankoolu bota Misira ka naa bula fo bii tiloo la. Ali i miira ñiŋ kuwo la, ali ye beŋ ka kuma fo ñiŋ kuwo to.”

4 Musa 24:24

Kuluŋolu si bo naŋ Kitimu jooyoo to, ì ye Asuri niŋ Eberi koomalankoolu mara. Bari itolu fanaa be labaŋ na kasaaroo le kono.”

1 Musa 25:13

Isimayila dinkewolu toolu ka bo meŋ foloo wuluuta ka taa fo labaŋo: Nebayoti, Kedari, Adibeeli, Mibusamu,

1 Mansoolu 9:9

Moolu si a fo ko, “Kaatu ì ye ì koo dii Yaawe la le ì la Alla, meŋ ye ì mumuñolu bondi naŋ Misira kono, aduŋ ì ye feŋ koteŋolu le muta ì la Alla ti, ka ì batu aniŋ ka dookuwo ke ì ye. Wo le ye a tinna Yaawe ye ñiŋ kasaaroo bee samba naŋ ì kaŋ.”

Yesaya 23:12

A ko, “Ite Sunkutundiŋ Sidoni bataariŋ, i te seewoo la kotenke. Wuli, i ye baa teyi ka taa Kitimu, hani jee faŋo, i te dahaa soto la.”

Yeremiya 49:28

Ñiŋ kiilaariyaa kumoo le fota Kedari aniŋ Hasori mansamarali bankoolu ma, Babiloni mansakewo Nebukanesa ye mennu kele: Yaawe ye ñiŋ ne fo ko: “Wuli, i ye taa Kedari kele! Wo tilibo maafankoolu kasaara!

Esekiyeli 5:7

Wo kamma la, Maarii Yaawe ye ñiŋ ne fo ko: “Alitolu Yerusalaamunkoolu le balanta n na ka tambi banku koteŋolu moolu la mennu be ali daala, aduŋ ali maŋ naa taama n na luwaalu niŋ yaamaroolu la, ali maŋ hani bula bantala bankoolu la luwaalu faŋolu nooma.”

Daniyeli 11:18

Wo koolaa le mu a be naa a ñaa tiliŋ na bankoolu la, mennu be baa dandaŋo la, aduŋ a be jamaa le muta la ì kono. Bari kelediŋ kuntiyo doo le be a noo la keloo to, wo be a la faŋ waroo daŋ na le. A be a la faŋ waroo murundi la a faŋo kuŋo le kaŋ.

Yesaya 23:1

Kiilaariyaa kumoo fele Tire la kuwo to. Hee Tarisi kulunkononkoolu, ali lemba, kaatu Tire kasaarata le. Hani buŋ ne maŋ tu jee sako tendaa. Ì ye a kibaaroo soto Kitimu le.

Esekiyeli 16:16

I ye i la duŋ feŋolu le faŋo taa ka wo jalaŋ batudulaa tintiŋolu* ñarandi ì la, i ka i la cakayaa kuwolu taamandi daamennu to. Ñiŋ kuu siifaa maŋ ñaŋ na ke la muumeeke.

Esekiyeli 27:21

“Araabuduunkoolu aniŋ ñaatonkoolu mennu bee be Kedari mu i la kiliyaanoolu le ti mennu ka saajiiriŋolu, saakotoŋolu, niŋ baalu saŋ, i niŋ ì ka ñinnu waafi ñoo ma le.