Yeremiya 17:6 - Mandinka Bible

⁶ A maarii ka munta le ko fitoo meŋ be keñewuloo* kono, niŋ yiriwaa naata, ate te a je la. A be tara la sabatiriŋ keñewuloo dulaa jaaroo le to, koo bankoo kaŋ, moo te siiriŋ daameŋ.

Yeremiya 17:6 Referans Kwoze

Yuuba 20:17

Ì te baluu la ka Alla la neemoo diyaa loŋ, liyo niŋ keekewo dalamaa, meŋ ka bori ko baajiyo.

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

5 Musa 29:23

Solifa munkoo* niŋ koo si senebankoo bee tiñaa, feŋ te fii la jee, hani ñaamoo te faliŋ na jee. Ali la bankoo si ke ko Sodomu niŋ Komora, aniŋ Aduma niŋ Seboyimu, Yaawe ye mennu kasaara a la kamfaa saŋaroo tumoo la.

Yeremiya 48:6

Ì ko, ‘Ali bori, ka ali niyolu kanandi, ali ye biti ko keñewulakono fitoo.’

Yuuba 39:6

Nte le ye wula kenseŋo bula a ye, ka ke a yaa ti, aniŋ lewolu kono ka sabati jee.

Sefaniya 2:9

Wo kamma la nte Yaawe Alihawaa Maariyo*, Banisirayila la Alla ye ñiŋ ne fo ko: A be koyiriŋ ñaameŋ ko nte be baluuriŋ ne, Mowabi be ke la le ko Sodomu, Ammoninkoolu ye ke ko Komora. Jeelu si ke ñaamoolu falindulaa ti, aniŋ koo lewo, jeelu ye kenseŋyaa fo fawu. N na moolu mennu tuta baluuriŋ, wolu le be ì ñapinkaŋ na, n na moolu mennu tuta baluwo to, wolu le be ì la bankoo keetaa la.”

Kiitindirilaalu 9:45

Abimeleki ye saatewo ñiŋ kele wo luŋ tiloo bee la, a ye saatewo taa, a ye a moolu bee faa, mennu be jee. A ye saatewo bee tiñaŋ-tiñaŋ, a ye koo janjaŋ a bee to.

Esekiyeli 47:11

Bari jiyo meŋ be lewo kono baa daala, te yelema la jiisewo ti. Wo be tu la a la koojiiyaa le to, fo moolu si koo soto noo jee.

Yesaya 1:30

Ali be ke la le ko yiri baa meŋ jamboo norota, aniŋ naakoo meŋ maŋ jii soto.

Jabuuroolu 92:7

Moo kuruŋolu ka jambandi le komeŋ ñaamoo, kuu jawu kelaalu ka firiŋ, hani wo ì be kasaara la le fereŋ.

2 Mansoolu 7:2

Wo to le mansa dandanna kelediŋ kuntiyo ko Alla la moo ye ko, “Hani niŋ a ye a tara Yaawe ye saŋ fatoolu le yele ka siimaŋ kesoo jindi naŋ, ñiŋ kuwo si ke noo baŋ?” Elisa ko a ye ko, “Ite be a je la i ñaa le la, bari i te a domo la.”

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Yeremiya 29:32

nte Yaawe ye ñiŋ ne fo ko: A juubee, m be Semaya Nehelaminkoo kuluu la le, aniŋ a koomalankoolu. Moo te tu la baluuriŋ a ye ñiŋ moolu kono, sako a si kuu kendoolu je a ñaa la, m be mennu ke la n na moolu ye, kaatu a la kumoo le ye a tinna ali balanta nte Yaawe ma.” Yaawe le ye a fo.