Yeremiya 14:3 - Mandinka Bible

³ A fankamaalu ye ì la dookuulaalu kii jiibiyo la, ì taata koloŋolu to, bari ì maŋ jii soto, ì niŋ ì la keraŋ kenseŋolu muruta naŋ. Ì maluta le fo ì keñaa bota ì kono, ì ye ì kuŋolu biti.

Yeremiya 14:3 Referans Kwoze

2 Samuweli 15:30

Dawuda taata Olifu Konkoo kaŋ. A be kumboo kaŋ, a siŋ kenseŋo le mu, a ye a kuŋo muuri. Mennu be a nooma, ì bee ye ì kuŋolu muuri le, ì be kumboo kaŋ.

Jabuuroolu 40:14

Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

2 Mansoolu 18:31

Ali kana i lamoyi Hesekiya la. Asiriya mansa ko ali ye soŋ kayiroo la ali niŋ ate teema, aduŋ ali si finti naŋ saatewo kono ka ali faŋ seyi a ma. Niŋ wo keta, moo-wo-moo be a fansuŋ wayini* yiridiŋolu niŋ sooto yiridiŋolu domo la le, aduŋ a be i miŋ na a fansuŋ koloŋo le to.

Amosi 4:8

Moolu timili-tamalita saatee niŋ saatee teema jiiñinoo la, bari ì buka jiyo soto ka i miŋ ì sawoo la. Bari hani wo bee, ali maŋ soŋ muru la n kaŋ.” Yaawe le ye a fo.

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

Yoweli 1:20

Hani wulakono daafeŋolu be ñaaniriŋ ite Yaawe la le, kaatu jii siloolu jaata le, dimbaa ye beeyaŋ daañini dulaa bee jani.

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Yeremiya 14:4

Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Jabuuroolu 109:29

Allamaa jutunnayaa ye feenee n tuumilaalu kaŋ. Allamaa ì faŋolu la maloo ye ke ì bala ko dendikoo.

Yuuba 6:20

Ì niŋ jiki baa le ka a waliŋ, bari niŋ ì futata jee, ì si jaakali, ì ye jikilateyi.

Esita 6:12

Kabiriŋ wo keta, Moridekayi muruta mansa la koridaa daa to. Bari Hamani tariyaatoo seyita, a ye a kuŋo biti niikuyaa kamma la.

1 Mansoolu 17:7

Kabiriŋ waati bota a la, bolondiŋo ñiŋ naata jaa, kaatu sanji maŋ ke nuŋ bankoo kaŋ.

2 Samuweli 19:4

Mansa ye a ñaa muuri, a ye a kaŋo bula santo kumboo la. “Hee! N diŋo Abusalomu! Hee Abusalomu! N diŋo, n diŋo!”

Yeremiya 2:37

I be bo la wo to fanaa le, i buloo ye tara laariŋ i kunto, kaatu i jikita mennu la, nte Yaawe ye wolu koŋ ne. I te ñaatotaa soto la wolu la maakoyiroo kaŋ.”

Yeremiya 3:3

Wo le ye samaa foloo jiyo bali naa la, aniŋ samaa labaŋ jiyo. Bari hani wo, cakoo la ñaajaa le be i la, i buka malu fereŋ.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Niikuyaa Suukuwolu 4:4

Deenaanoolu neŋo ka kara ì naaliŋo bala, feŋ te fo mindoo. Dindiŋolu ka tara domori daanoo la, bari moo buka ì so hani feŋ na.

Hoseya 2:3

Niŋ wo nte, n si a wura, a kenseŋo ye loo, a kenseŋo si loo, ko a wuluuta ñaameŋ. N si a ke ko keñewuloo*, ŋa a ke ko banku jaaroo, ŋa a faa mindoo la.

Jakariya 14:17

Ñiŋ duniyaa kono niŋ sii meŋ maŋ taa Yerusalaamu ka Mansa batu, Yaawe Alihawaa Maariyo, wolu te sanji soto la.

Amosi 4:7

Ŋa ali bali samaa fanaa la, biriŋ sanjaanoo dasata kari saba. N ka samaa ke saatee doo to, ŋa saatee doo bali. Samaa ka ke kunku doo to, doo buka a soto, a ye jaa.