Yeremiya 14:16 - Mandinka Bible

¹⁶ Ì ka kiilaariyaa kumoolu fo moolu mennu ye, wolu furewolu le be tara la fayiriŋ Yerusalaamu mbeedoolu kaŋ, ka bo niŋ konkoo la, aniŋ hawusari keloo. Moo te soto la meŋ be ì baadee la, ì niŋ ì la musoolu, ì dinkewolu, aniŋ ì dimmusoolu. M be ì la kuu kuruŋolu denkuŋ na ì faŋolu kaŋ ne.”

Yeremiya 14:16 Referans Kwoze

Yeremiya 7:33

Duwoolu niŋ wulakono daafeŋolu le be kali moo furewolu domo la jee, aduŋ moo te soto la meŋ be ì silandi la, ka ì bayi.

Kuma Kotoomaalu 1:31

wo to ali ye meŋ fii, wo le be faliŋ na ali ye, ali faŋo daajikoo, wo le be ali toora la.

Yeremiya 18:21

Yaawe, wo to silaŋ, konko jawoo boyi ì diŋolu kaŋ. Ì bula ì ye faa niŋ hawusaroo* la, ì la musoolu ye ke dintaŋolu ti, aniŋ furuyaamusoolu. Allamaa alibalaa kuuraŋo ye ì la kewolu faa, ì ye ì la fondinkewolu faa hawusaroo la keloo to.

Yeremiya 16:4

alibalaa kuuraŋo le be ì faa la. Moo te soto la ka ì la saŋo kumboo, sako moo si soto ka ì baadee. Ì jambandimaa le be tara la bankoo to. Ì be faa la hawusaroo* niŋ konkoo le la, ì furewolu ye ke duwoolu la domoroo ti, aniŋ wulakono daafeŋolu.

Lankenemoo 16:1

Bituŋ ŋa sari baa moyi naŋ Alla Batudulaa Buŋo* kono, meŋ ko malaayika woorowuloo ye ko, “Ali taa, ali ye Alla la kamfaa baa booli woorowuloo boŋ duniyaa kaŋ.”

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Yeremiya 9:22

Yaawe ko n si ñiŋ ne fo ko: “Moo furewolu be tara la fayiriŋ ne, ì jambandimaa kene fanuŋolu kono. Ì be ke la le ko niŋ katirilaalu ye siimaŋo kati, ì ye a bulumaalu tu fatafatariŋ kooma, moo maŋ soto ka ì sika.”

Yeremiya 5:31

Annabiyomoolu ka faniyaa kumoolu le fo, piriisoolu* ka ì fansuŋ kaŋo le taamandi, aduŋ n na moolu ye wo le kanu. Bari ali be ke la ñaadii le kuwo labandulaa to?”

Yeremiya 4:18

“Ali taañaalu niŋ ali kekuwolu, wo le ye ñiŋ laa ali kaŋ, aduŋ a yankankatoo diminta le, a dunta ali la, hani fo ali jusoo to.”

Yesaya 9:16

Mennu ye ñiŋ moolu ñaatonkayaa, ye ì filindi le, aduŋ ì ka mennu ñaatonkayaa, caawuta le.

Yesaya 51:20

I diŋolu ketuta le, ì be laariŋ mbeedi kuŋolu to ko minaŋo meŋ be jaloo daa. Yaawe la kamfaa ye ì futufaa le, i la Alla la jalayiroo.

Yeremiya 8:1

Yaawe* ko, “Wo waatoo la, ì be Yahuuda mansoolu niŋ maralilaalu kuloolu bondi la ì la kaburoolu kono le, ka taa piriisoolu*, annabiyomoolu, aniŋ Yerusalaamu moo koteŋolu kuloolu.

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Yeremiya 27:15

Yaawe ye ñiŋ ne fo ko, a maŋ ì kii. Ì ka faniyaa kumoolu le fo niŋ a tooyaa la. Wo le be naa a saabu la a ye ì bayi ka bo bankoo kaŋ, ali ye kasaara, ali niŋ annabiyomoolu kafuriŋo, mennu ka wo kumoolu fo ali ye.”

Esekiyeli 39:14

A ko: “Ì be moolu tomboŋ na le ka taa bankoo bee kaŋ, ka wo furewolu ñini mennu tuta laariŋ bankoo kaŋ jee ka ì baadee, fo ì si dulaa bee seneyandi. Ì be tara la furewolu ñini kaŋ ne fo kari woorowula.

Amosi 7:17

A ko, i la musoo be ke la cakoo le ti ñiŋ saatewo kono. I diŋolu be faa la keloo le kono. Moo koteŋolu le be i la bankoo kenoo sumaŋ na ñoo teema, aduŋ ite faŋo be faa la wandi bankoo le kaŋ. Banisirayilankoolu be bo la ì fansuŋ bankoo kaŋ ne, ì ye tara mutoo kono.”

Yeremiya 9:20

Yeremiya ko: “Silaŋ, alitolu musoolu, ali ali tuloo loo Yaawe la kumoo la, ali tuloo ye a la kumakaŋo moyi. Ali ali dimmusoolu karandi saŋa lembañaa la, moo-wo-moo si a siiñoo karandi saŋawoosiyo la.

Yeremiya 20:6

Ite Pasihuri, aniŋ i la suukononkoolu bee le be taa mutoo kono Babiloni bankoo kaŋ. I be faa la jee le to, ì ye i baadee, i niŋ i teerimaalu bee, i ye faniyaa kumoolu fo mennu ye.”