Yeremiya 12:11 - Mandinka Bible

¹¹ Ì ye a kenseŋyandi le, a kensemmaa be woosii kaŋ n ye. Bankoo bee le kenseŋyaata, moo maŋ a muta kuu ti.

Yeremiya 12:11 Referans Kwoze

Yeremiya 23:10

Bankoo kaŋ be faariŋ jeenelaalu le la, ì ye a tinna bankoo dankata, fo bankoo faŋo ka woosii, aduŋ a beeyaŋ daañini dulaalu jaata. Ì taañaa jawuyaata le, aduŋ ì ka ì semboo taamandi tilimbaliyaa le kono.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Jakariya 7:5

“A fo bankoo moolu bee ye, aniŋ piriisoolu ko, ‘Ñiŋ sanji taŋ woorowuloo meŋ tambita, ali ka suŋo meŋ ke saŋo kari luulunjaŋo niŋ woorowulanjaŋo kono, ali niŋ niikuyaa, fo ali ka wo suŋo ke nte le ye baŋ?

Yeremiya 19:8

M be ñiŋ saatewo ke la kijabo saatewo le ti, ka a ke moolu ye jutunna feŋo ti. Niŋ moo-wo-moo be tambi la jee la, a kijoo si bo, aduŋ a be ciipuroo ke la le ñiŋ kamma la kasaara kuwolu mennu boyita jee kaŋ.

Yeremiya 10:25

I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

Yeremiya 10:22

I lamoyi baŋ, kibaaroo le ka naa! A fele, a naata le, maakaŋ baa ka bo naŋ maraa kara maafaŋ bankoo kaŋ. Wo bankoo be Yahuuda saatewolu tumbuŋ na le, ka a ke kunkuwuloolu la daakaa ti.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Yeremiya 6:8

Muna Yerusalaamu, dandalaaroo muta, niŋ wo nte, m be n koo dii la i la le, ŋa i la bankoo kenseŋyandi, moo te tara la siiriŋ jee.”

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Kawandilaa 7:2

Saŋa bunkono duŋo, wo le ye fisa bidaŋ bunkono duŋo ti. Hadamadiŋo bee labaŋo mu saayaa le ti, moo-wo-moo be baluwo to, wo si tara i sondomoo kono.

Roomankoolu 8:22

Ŋà a loŋ ne ko, daaroo bee be ŋuntaŋ kaŋ waatoo ñiŋ na le ko tiŋo be musoo meŋ na.

3 Musa 26:32

M be ali la bankoo kasaara la le, hani fo ali jawoolu mennu be naa sii la jee, ye kaawa ali la kuwo la.

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Yeremiya 4:27

Yaawe ye ñiŋ ne fo ko: “Bankoo bee be kenseŋyaa la le, bari n te a muumewo buruka la fereŋ.

Yeremiya 4:28

Fo duniyaa si kumboo ñiŋ na, saŋ fatoolu ye fiŋ santo, bayiri ŋa a fo le, m pareeta a la le. N te sabari la, sako ka yelema.”

Yeremiya 25:11

Ñiŋ bankoo muumewo be ke la tumbuŋo le ti ka kenseŋyaa. A niŋ a dandanna bankoolu be tara la Babiloni mansakewo la kaŋo koto le fo sanji taŋ woorowula.

Yoweli 1:10

Kunkoolu tiñaata, senebankoo kumboota, siimaŋ kesoolu tiñaata, wayini yiridiŋolu jaata, olifu* tuloo ye ǹ tu kooma.

Yeremiya 9:9

Fo m maŋ ñaŋ na ì jarabi la ñiŋ kuwolu la baŋ? Fo m maŋ ñaŋ na juloo joo la ñiŋ banku siifaa to baŋ?” Yaawe le ye a fo.

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.