Yeremiya 11:21 - Mandinka Bible

²¹ Wo kamma la Yaawe diyaamuta kewolu la kuwo to le, mennu bota Anatoti, ì be siloo ñiniŋ kaŋ ka m faa. Ì ka a fo n ye le ko, “Kana kiilaariyaa kuma fo niŋ Yaawe tooyaa la, niŋ wo nte m̀ be i faa la le.”

Yeremiya 11:21 Referans Kwoze

Amosi 2:12

“Bari ali ye nasira moolu mindi doloo la le, ali balanta annabiyomoolu ma ka ì la kiilaariyaa kumoo bankee.

Yeremiya 20:10

N ka moo jamaa le moyi ŋunuŋunu la ko, “Maasiiboo le be karoo bee la! Ali taa a la kuwo dantee! Ali ŋà a la kuwo dantee maralilaalu ye!” Hani n teerimaalu bee le be koroosiroo la ka n na boyoo je. Ì ka a fo le ko, “Tumandoo a be a faŋ dundi la le, wo to le m̀ be n kutu la a la, ŋà ǹ na juloo joo a to.”

Yesaya 30:10

Ì ka a fo jerilaalu ye le ko, “Ali kana jeroo ke kotenke!” Ì ka a fo annabiyomoolu fanaa ye le ko, “Ali kana tooñaa fo ntolu ye! Ali kuma diimaalu fo ǹ ye, ali ka neeneeri kumoo bankee ǹ ye!

Luka 4:24

A ko, “Tooñaa, m be a fo la ali ye, annabiyomoo buka horomoo soto a fansuŋ saatewo kono.

Matiyu 22:6

Doolu ye a la dookuulaalu muta, ì ye ì ŋayibe aniŋ ì ye ì faa.

Matiyu 21:35

Bari luwaasilaalu ye a la dookuulaalu muta. Ì ye doo buutee, ì ye doo faa, aniŋ ì ye doo buŋ beroolu la, fo a faata.

Matiyu 10:21

“Baadiŋo be a baadiŋo jamfaa la le ka a faa, faamaa fanaa be a diŋo ke la wo le ñaama. Dindiŋolu be muriti la ì wuluulaalu ma le ka a tinna, ì ye ì faa.

Mika 7:6

Dinkewo si malubaliyaa a faa la, dimmusoo ye i loo a baa fee, bitammusoo ye i loo a keemaa baa fee. Ali jawoolu mu ali faŋolu bunkononkañoolu le ti.

Yeremiya 26:8

Kabiriŋ ŋa kuwolu bee baŋ fo la, Yaawe ye n yaamari ka mennu fo moolu bee ye, bituŋ piriisoolu, annabiyomoolu, ka taa jamaa moolu bee ye m muta, ì ko n ye ko, “I ñanta le ka faa!

Yeremiya 1:1

Ñinnu mu Yeremiya la kumoolu le ti, Hilikiya dinkewo. A bota piriisoolu* le kono, mennu tarata Anatoti saatewo to, Benjamini tundoo kaŋ.

Yeremiya 32:7

“A juubee, Hanameli be naa i yaa le, i bariŋ Sallumu dinkewo. A be a fo la i ye le ko, i ye a la kenoo saŋ, meŋ be Anatoti saatewo to, kaatu ite le mu baadiŋ sutuŋo ti meŋ ye siloo soto ka a saŋ.”

Yeremiya 34:20

M be ì duŋ na ì jawoolu bulu le mennu be ì niyolu nooma. Ì furewolu be ke la duwoolu niŋ suluwolu le ye domoroo ti.

Yeremiya 1:19

Ì be i kele la le, bari ì te kuu noo la i ma, kaatu m be tara la i fee le, ka i tanka.” Yaawe le ye a fo.