Yankuba 4:8 - Mandinka Bible

⁸ Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!

Yankuba 4:8 Referans Kwoze

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

Hiburunkoolu 10:22

wo to ali ŋà sutiyaa Alla la niŋ sondome betoo la, meŋ be faariŋ lannoo la, dankeneyaa kono. A yeloo sariŋ-sariŋo si ǹ sondomoolu seneyandi fo ì kana ǹ tuumi noo feŋ na, aduŋ m̀ balajaatoolu si kuu niŋ jii senuŋo la.

Malaki 3:7

Yaawe Alihawaa Maariyo ye ñiŋ ne fo ko, “Ko ali la alifaa foloolu keta ñaameŋ, ali keta wo le ñaama, ali ye ali ñaa kaasi n na yaamaroolu la le, aduŋ ali maŋ ì nooma. Ali muru naŋ n kaŋ, m fanaa si muru ali kaŋ! “Bari ali ye ñiŋ ne fo ko, ‘M̀ be muru la i kaŋ ñaadii?’

Jakariya 1:3

Wo kamma la, a fo moolu ye ko, Yaawe Alihawaa Maariyo* ye ñiŋ ne fo ko: Ali muru naŋ n kaŋ, m fanaa si muru ali kaŋ.

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Yeremiya 4:14

Muna Yerusalaamu, i sondomoo seneyandi kuu jawoo to, fo i si kiisa. Janniŋ muŋ tuma le kuu kuruŋo be tu la sosoriŋ i kono?

1 Yohana 3:3

Aduŋ moo-wo-moo meŋ ye ñiŋ jikoo soto a kono, wo ye a faŋ seneyandi le ko ate seneyaata ñaameŋ.

Jabuuroolu 51:10

Hee Alla, sondome senuŋo daa n kono, i ye n saayindi kuu ka soŋ i ma.

Hiburunkoolu 7:19

Musa la Luwaa* maŋ feŋ ne timmandi, bari a ye siloo le parendi jikoo ye, meŋ si ǹ sutiyandi noo Alla la.

2 Korintinkoolu 7:1

N kanuntewolu, baawo ŋà ñiŋ laahidoolu soto le, wo to ǹ si m faŋolu seneyandi feŋ-wo-feŋ to, meŋ ka baloo niŋ sondomoo nondi. Ali ŋà ǹ na seneyaa timmandi Alla ñaasilaŋo kono.

Esekiyeli 18:31

Ali fata kuu jawoolu la ali ka mennu bee ke. Ali ye i miira kutake, aniŋ ali ye ali sondomoolu faliŋ. Hee Banisirayilankoolu! Muŋ ne ye a tinna ali lafita ka faa?

Jabuuroolu 73:28

Bari nte fee de, ka tara sutiyaariŋ Alla la, wo mu n ye kuu kende le ti. Ŋa Maarii Yaawe* le ke n jikiraŋo ti, ñiŋ kamma la n si kuwolu fo moolu ye a ye mennu bee ke.

1 Taarika 28:9

“Aduŋ ite Sulemani n dinkewo, i si i faamaa la Alla muta, i ye a batu i hakiloo niŋ i sondomoo bee la, kaatu Yaawe ka moo sondomoo le kisikisi, aduŋ a ka a la miiroolu bee loŋ ne. Niŋ i ye a ñiniŋ, i be a je la le, bari niŋ i ye i koo dii a la, a be i bula la le fo fawu.

1 Pita 3:21

Ñiŋ mu taamanseeroo le ti batisewo* la kuwo to, meŋ ka ali kiisa saayiŋ, ka bo niŋ Yeesu Kiristu la saayaakoolaa wulindiroo la. Batisewo maŋ ke ka noo bondi baloo bala, bari ka Alla daani ka ali sondomoolu kuu, fo ali sondomoolu kana ali tuumi feŋ na.

Yuuba 17:9

Bari moo meŋ tilinta, wo be tu la a la siloo le kaŋ, aduŋ moo meŋ buloolu seneyaata, semboo be tu la wara la le doroŋ.

Matiyu 12:33

“Niŋ yiroo beteyaata, a diŋo be beteyaa la le, bari niŋ yiroo maŋ beteyaa, a diŋo te beteyaa la. Bayiri yiroo ka loŋ a diŋo le la.

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

Jabuuroolu 24:4

Wo le mu moo ti meŋ sondomoo seneyaata, aniŋ a la baaroo, meŋ buka a faŋo duŋ fulaŋ kafuñooyaa kuwo to, aduŋ a buka i kali faniyaa kaŋ.

1 Pita 1:22

Baawo ali ye tooñaa yaamaroo muta baadiŋ kanoo la kuwo to le, aduŋ wo ye ali sondomoolu seneyandi le, wo to ali ñoo kanu ali sondomoo bee la.

Jabuuroolu 18:20

Yaawe, i ye n kiitindi n na tiliŋo le kaŋ, n na sootaaribaliyaa be ñaameŋ, i ye n joo wo le ñaama.

Yankuba 1:8

Wo maarii mu hakilifulatiyo le ti, a maŋ bambaŋ a la sila-wo-sila kaŋ.

Jabuuroolu 26:6

Yaawe, ŋa m buloo kuu le ka n na sootaaribaliyaa yitandi. Niŋ m be baturoo la, n ka i la sadaajanidulaa* muruŋ-muruŋ ne,

Kiilaalu 15:9

A maŋ fataŋ-fansoo ke ntolu niŋ itolu teema, bari a ye ì sondomoolu seneyandi le ka bo niŋ lannoo la.

1 Musa 18:23

Bituŋ Iburayima sutiyaata naŋ a la, a ko a ye ko, “Fo tooñaa-tooñaa, i be moo kendoolu niŋ moo kuruŋolu bee kasaara la ñoo la le baŋ?

Yuuba 16:17

M maŋ fitina kuu-wo-kuu le ke, aduŋ n na Alla batoo seneyaata le.

Matiyu 15:2

“Muŋ ne ye a tinna ite la saayiboolu ka alifaalu la aadoo tiñaa? Ì buka ì buloolu kuu, janniŋ ì be domoroo ke la.”

Yeremiya 4:11

Wo luŋo le Yaawe be a fo la ñiŋ moolu niŋ Yerusalaamu ye ko, “Foño kandi jawoo le be fee la n na kanu moolu kamma, ka bo keñewula* jaaroo kono. A te ke la fuufulee bondoo ti, waraŋ seneyandiroo.

Yuuba 9:30

Hani niŋ ŋa m baloo joosi saafunoo le la, ŋa m buloo kuu sooda la,

Yesaya 13:15

Ì ye moo-wo-moo muta, ì be a soo la niŋ sooroo le la, ì ye mennu bee muta, hawusaroo* le be ì faa la.

Jabuuroolu 73:13

Nte ŋa n sondomoo loo kuu senuŋo kaŋ ne kensenke, aduŋ m maŋ baara junuboo la.

Matiyu 27:24

Kabiriŋ Payileti ye a je ko, a maŋ feŋ ke noo ñiŋ kuwo to, aduŋ jakasoo le be dati kaŋ, a ye jiyo taa, a ye a buloolu kuu moolu ñaatiliŋo la, aduŋ a ko ì ye ko, “M maŋ mara ñiŋ kewo la saayaa la, wo mu ali la haajoo le ti.”

1 Samuweli 14:35

Bituŋ Sawulu ye sadaabodulaa* loo Yaawe ye. Aduŋ wo le keta sadaabodulaa foloo ti, a ye meŋ loo Yaawe ye.

Jabuuroolu 119:113

Ŋa moolu koŋ ne, mennu ka hakili fula soto i la kuwo to, bari ŋa i la karandiroo kanu le.

Yesaya 58:2

Ì be tara la n ñini la le luŋ-wo-luŋ, ka lafi ka n taañaalu karaŋ. Ì ka ì faŋo ke le ko moo tilindiŋolu, aduŋ ì ko, ì ka ì la Alla la yaamaroolu muta le. Ì ko, ŋa kiitiyo kuntu ì ye a ñaama. Ì lafita le ŋa sutiyaa ì la.

Yankuba 3:17

Bari ñaameŋo meŋ bota Alla yaa, foloo-foloo a seneyaata le. Ate ñaameŋo mu kayiroo le ti, mooyaa aniŋ ŋaniya betoo. A be faariŋ balafaa le la, a ka kebaara betoolu diŋ, aduŋ faasaaroo niŋ bunaafayiyaa te jee.

Niikuyaa Suukuwolu 3:57

Silaŋ, i sutiyaata n na le, biriŋ ŋa i kili, i ko n ye le ko, “Kana sila!”