Yankuba 2:5 - Mandinka Bible

⁵ M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Yankuba 2:5 Referans Kwoze

Matiyu 5:3

“Barakoo be moolu ye, mennu maŋ wasa Nooroo la, ì ye meŋ soto, kaatu ì taa le mu Arijana mansabaayaa ti.

Luka 6:20

Wo to le Yeesu ye a kuŋo wuli, a ye a la saayiboolu juubee. Bituŋ a ko: “Barakoo be alitolu fuwaaroolu ye, kaatu alitolu le taa mu Alla la mansabaayaa ti.

Lankenemoo 2:9

“Ŋa ite la tooroo loŋ ne, aniŋ i la fuwaareyaa, bari tooñaa, ite fankata le. Ŋa nendiri kumoolu loŋ ne, moo doolu ye mennu fo i ma. Wo moolu ka ì faŋ kumandi Yahuudoolu le la, bari ì maŋ ke wolu ti. Ì mu Seetaanoo* la kafoo le ti.

2 Korintinkoolu 8:9

Ali ye m̀ Maarii Yeesu Kiristu* la hiinoo loŋ ne ko, a mu fankamaa le ti, bari hani wo, a naata ke fuwaaroo ti ali la kuwo kamma la fo ka bo niŋ a la fuwaareyaa la, alitolu si ke fankamaalu ti.

Luka 12:21

A be wo le ñaama moo ye, meŋ ka naafuloo maabo a faŋo ye, bari a maŋ fanka Alla la kuwo to.”

1 Pita 1:4

Ǹ naata keetaa fanaa soto le, meŋ te kasaara la, sako ka kosondi, waraŋ ka yeemaŋ. A be maaboriŋ alitolu le ye Arijana kono.

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Hiburunkoolu 11:26

A laata le ko, malundiroo Alimasiihu* la kuwo kamma la, wo le nafaa warata ka tambi Misira bankoo la naafuloolu la, kaatu a ñaa be joo le kaŋ, meŋ ka naa.

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

1 Korintinkoolu 2:9

Bari ko a be safeeriŋ ñaameŋ: “Ñaa nene maŋ meŋ je, tuloo nene maŋ a moyi, aduŋ hadamadiŋ hakiloo nene maŋ a miira, Alla ye wo le parendi moolu ye, mennu ye a kanu.”

Matiyu 25:34

Wo koolaa Mansa si naa a fo a bulubaalankoolu ye ko, ‘Ali naa, m Faamaa neemata mennu ma! Ali ye mansabaayaa keetaa, Alla ye meŋ parendi ali ye kabiriŋ duniyaa foloodulaa to.

Lankenemoo 21:7

Moo meŋ ye nooroo ke, a be ñiŋ kuwolu bee le soto la. Aduŋ nte be ke la a la Alla le ti, ate ye ke n diŋo ti.

Yankuba 1:9

Baadiŋ fuwaaroo meŋ na kuwo dooyaata, wo si seewoo fanka tooñaa la, meŋ be a ye.

2 Timoti 4:8

Saayiŋ, kañeerinaafoo meŋ mu moo tilindiŋolu taa ti, a be pareeriŋ nte ye le Maariyo fee, meŋ mu kiitindirilaa tilindiŋo ti. Wo maŋ ke n dammaa ye, bari moolu bee mennu ye Kiristu la fintinaŋo kanu.

2 Korintinkoolu 6:10

Ì ka m̀ muta moo sunuriŋolu ti, bari ǹ na seewoo buka baŋ, waraŋ ko fuwaaroolu, bari ǹ ka moo jamaa ke fankamaa ti, waraŋ ko fentaŋolu, bari feŋolu bee mu ntolu le taa ti.

Lankenemoo 3:18

Wo kamma la, ŋa i yaamari ka sanoo saŋ nte bulu, meŋ kuloorita dimbaa la, fo i si ke fankamaa ti. Waramba koyoo saŋ nte bulu ka i faŋ sutura, fo moolu kana i ŋayiboo je, meŋ mu malu kuwo ti. Booroo saŋ ì ñaalu ye, i ye a moosi ì bala, fo i si jeroo ke noo.

1 Timoti 6:18

Fankamaalu wakiilindi baara bete kewo la: Ì ye diiroo ke kendeke ì fansuŋ lafoo kaŋ,

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Matiyu 11:5

Finkintewolu ñaalu yeleta, namatoolu taamata, balajawutoolu kendeyaata, tulu sukiriŋolu ye moyiroo ke, furewolu wulita, aniŋ kibaari betoo kawandita fuwaaroolu ye.

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.

2 Pita 1:11

aduŋ siloo si fanu ali ye ka duŋ m̀ Maariyo aniŋ ǹ na Kiisandirilaa Yeesu Kiristu la badaa-badaa mansabaayaa to.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

2 Tesalonikankoolu 1:5

Wo le ye a yitandi koyirinke ko, Alla ka a la kiitiyo kuntu tiliŋo le kono fo ali si jari ka duŋ Alla la mansabaayaa kono, ali be toora kaŋ meŋ kamma.

Efesusinkoolu 3:8

Hani nte le la kuwo dooyaata moo senuŋolu bee ti, Alla ye ñiŋ hiinoo dii n na le ka moolu kawandi, mennu maŋ ke Yahuudoolu ti, fo ì si Kiristu la fankoo loŋ, meŋ maŋ dandulaa soto.

Roomankoolu 8:17

Niŋ m̀ mu a diŋolu ti, wo to m̀ mu a keetaalaalu fanaa le ti. M̀ mu Alla keetaalaalu le ti, aniŋ Kiristu keetaañoolu: Niŋ a ye a tara, ǹ toorata a fee, m̀ be tara la a fee le fanaa kallankeeyaa* kono.

Luka 16:22

“Wo fuwaaroo naata faa, malaayikoolu ye a samba Iburayima fee. Fankamaa fanaa faata, ì ye a baadee.

Jakariya 11:7

N keta saajii waafilaalu ye saajiyolu kantalaa ti, ì ka taa mennu kanateyi. Ŋa kantarilaŋ doko fula taa, ŋa kiliŋo toolaa Hiinoo la, kiliŋ doo Baadiŋyaa.

Yesaya 29:19

Yaawe be moo toorariŋolu kontaanindi la le kotenke, aduŋ fentaŋolu be seewoo la Banisirayila la Senuŋ Baa la kuwo to le.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Yuuba 34:19

A buka maralilaa faasaa, aduŋ a buka fankamaa la kuu selendi fuwaare kaŋ, kaatu ate le ye ì bee daa.

Yuuba 34:10

Wo to, alitolu hakilimaalu, ali i lamoyi m ma. Alla Tallaa nene te kuu jawoo ke la, ka kuu ke meŋ maŋ ke tiliŋo kono.

2 Musa 20:6

Bari n ka kanu bambaloo yitandi jamaani wuliwuloolu moolu la le, mennu ye n kanu, aduŋ ì ye n na yaamaroolu muta.

Yankuba 1:16

M baadiŋ kanuntewolu, ali kana soŋ, ì ye ali neenee!

1 Tesalonikankoolu 2:12

Ŋà ali wakiilindi aniŋ ŋà ali dandalaa, fo ali si baluuñaa betoo soto Alla ñaatiliŋo la, meŋ ye ali kumandi a la mansabaayaa niŋ kallankeeyaa* kono.

Efesusinkoolu 1:18

Allamaa ali sondomeñaalu ye maloo soto, fo ali si jikoo loŋ, a ye ali kumandi meŋ kaŋ, aniŋ ali si a la keetaafeŋ kallankeeyaariŋo la waroo loŋ, a ye meŋ soto moo senuŋolu ye.

2 Korintinkoolu 4:15

Kaatu ñinnu bee ka ke ali la nafaa le kamma, fo Alla la hiinoo si futa moo jamaa ma, ka tenturoo lafaa, ka horomoo dii Alla la.

Yohana 7:48

Fo hani ñaatonka kiliŋ, waraŋ Farisee kiliŋ, laata a la le baŋ?

Luka 22:29

Wo to m fanaa ye mansabaayaa londi ali ye le, ko m Faamaa ye a londi n ye ñaameŋ,

Maaka 7:14

Wo to le Yeesu ye moolu kumandi a faŋ kaŋ kotenke, a ko ì ye ko, “Ali bee ye i lamoyi n na, aniŋ ali si n na kumoo fahaamu.

Jakariya 11:11

Wo luŋo faŋo le mu, kambeŋo tiñaata. Saajii waafilaalu mennu be n koroosi kaŋ, ye a kalamuta ko, ñiŋ mu Yaawe la kumakaŋo le ti.

Sefaniya 3:12

M be moolu mennu tu la ali kono Yerusalaamu, wolu mu fammajiilaalu le ti, aniŋ moo bataariŋolu. Ì be kali tankoo ñini la niŋ nte Yaawe too le la.

Kuma Kotoomaalu 8:32

“Wo to saayiŋ, n diŋolu, ali i lamoyi n na, seewoo be moolu le ye, mennu bulata n na siloolu nooma.

Kuma Kotoomaalu 7:24

Wo to saayiŋ, n diŋolu, ali i lamoyi n na, ali ye ali hakiloo tu n na kumakaŋolu to.

Yuuba 38:14

Soomandaa la maloo ka duniyaa faramansandi le komeŋ tampuraŋo ka faramansa potoo bala ñaameŋ, konkoolu finifinoolu ye finti naŋ komeŋ waramboo lampiri kuloolu.

1 Mansoolu 22:28

Bari Mikaya ko, “Niŋ i muruta naŋ kayira kono, wo to Yaawe maŋ diyaamu ka bo niŋ nte la.” Aduŋ fanaa a ko, “Ali ali hakilitu n na ñiŋ kumoolu to, alitolu moolu bee!”

Kiilaalu 7:2

Bituŋ Stifeni ko: “M baadiŋolu* niŋ alifaalu, ali i lamoyi! Alla, Mansa Kallankewo* fintita m̀ mumu Iburayima kaŋ ne, biriŋ a be Mesopotamiya, janniŋ a be taa sabati la Harani saatewo to.

Kiitindirilaalu 9:7

Kabiriŋ ì ye ñiŋ fo Yotamu ye, a seleta santo Kerisimu Konkoo kaŋ, a sarita, a ko ì ye ko, “Ali i lamoyi n na, alitolu Sekemunkoolu, i si a je, Alla si i lamoyi ali fanaa la.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.

Kuma Kotoomaalu 13:7

Doo ka a faŋo ke naafulutiyo ti le, a ye a tara a maŋ feŋ soto, doo ka a faŋo fuwaareyandi, a ye a tara fankamaa baa le mu.

Yankuba 1:19

M baadiŋ kanuntewolu, ali ñiŋ loŋ ko, ali moo-wo-moo ñanta tariyaa la le ka lamoyiroo ke, bari ali si naafa ka diyaamu. Ali jusoo kana sutiyaa,