Yankuba 1:26 - Mandinka Bible

²⁶ Niŋ moo-wo-moo ye a faŋo muta diina moo ti, bari a buka a neŋo mara noo, a ka a faŋo le neenee, aduŋ a la Alla batoo maŋ jari feŋ na.

Yankuba 1:26 Referans Kwoze

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

Jabuuroolu 141:3

Yaawe, m maakoyi ka n daa mara, aniŋ ka n kekuu m fokumoolu to.

1 Pita 3:10

Kaatu a be safeeriŋ ne ko: “Jumaa le ye baluwo kanu ali kono? Jumaa le ka tara ñaaniriŋ baluu diimaa la? Wo maarii si a neŋo fatandi kuma jawoo ma, a ye fata faniyaa foo ma.

Efesusinkoolu 5:4

Kuma nooriŋo, diyaamu kalantaŋo aniŋ sanaari jawoo kana bo ali daa kono. Ñiŋ kuwolu maŋ beteyaa, bari ì noo to, ali si Alla tentu.

Kuma Kotoomaalu 19:1

Ka ke fuwaaroo ti, i ye ke moo tilindiŋo ti, le fisiyaata, ka ke toolewo ti meŋ ka tu faniyaa fo la.

Jabuuroolu 34:13

Wo to i maarii si i neŋo fata kuma jawoo ma, i ye fata faniyaa foo ma.

Kuma Kotoomaalu 10:31

Moo tilindiŋolu ka ñaameŋ kumoolu le fo, bari moo meŋ neŋo ka tu kuma jawu fo la, wo te baluu la.

Kuma Kotoomaalu 10:19

Niŋ i daa siyaata, junuboo buka foo i la kumoo kono, bari moo meŋ ka a neŋo mara, wo ñaamenta le.

Kolosankoolu 4:6

Ali la diyaamoo si tu sooneeyaariŋ. Kuma betoolu si a diyandi ko koo ka domoroo diyandi ñaameŋ. Aduŋ ali si a loŋ, ali ñanta moo-wo-moo jaabi la ñaameŋ.

Yankuba 1:22

Ali kana ke kumoo moyilaalu doroŋ ti, meŋ mu faŋ neenewo ti, bari ali si ke a baaralaalu ti.

Yankuba 1:19

M baadiŋ kanuntewolu, ali ñiŋ loŋ ko, ali moo-wo-moo ñanta tariyaa la le ka lamoyiroo ke, bari ali si naafa ka diyaamu. Ali jusoo kana sutiyaa,

Kuma Kotoomaalu 16:25

Sila le ka tara jee meŋ tilinta moo fee, bari labaŋo la, a ka a samba saayaa le kaŋ.

Luka 8:18

Wo to ali ali hakiloo tu, ali ka i lamoyi ñaameŋ. Moo meŋ ye feŋ soto, doo be dii la wo le la. Bari moo meŋ maŋ feŋ soto, hani a ye meŋ muta a taa ti, wo faŋo be buusi la a la le.”

Kalatiyankoolu 6:3

Niŋ moo ye a faŋo muta moo baa ti, a ye a tara, a maŋ ke feŋ ti, a ka a faŋo le neenee.

Kuma Kotoomaalu 14:12

Sila le ka tara jee, meŋ ka tiliŋ moo fee, bari labaŋo la, a ka a samba saayaa le kaŋ.

5 Musa 11:16

Ali ali hakiloo tu, ali kana marisa ka ali koo dii Yaawe la, ka alla koteŋolu batu waraŋ ka sujudi ì ye.

Kalatiyankoolu 2:6

Hani ñaatonkoo doolu mennu be Yeesu la kafoo kono Yerusalaamu, moolu ka mennu muta horoma moolu ti, fo ì jarita horomoo la le, waraŋ fo ì maŋ jari a la, wo maŋ ke nte la haaji ti, kaatu Alla buka moo kiitindi a la maañaa la meŋ ka je, wo ñaatonkoolu maŋ feŋ kafu nte ma.

Maaka 7:7

Ì ka m batu kensenke le, kaatu ì la karandiroo mu yaamaroolu le ti, hadamadiŋolu ye mennu dadaa.’

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Kuma Kotoomaalu 21:26

Tiloo muumewo a ka lafi le ka jamaa soto, bari moo tilindiŋo buloo buka jaa.

1 Korintinkoolu 15:2

Ali la kiisoo be jee le to, niŋ ali ye kibaari betoo muta ali bulu fuloo la, ŋa meŋ kawandi ali ye. Niŋ wo nte, ali la lannoo maŋ nafaa soto ali ye.

Matiyu 15:9

Ì ka m batu kensenke le, kaatu ì la karandiroo mu yaamaroolu le ti, hadamadiŋolu ye mennu dadaa.’ ”

Malaki 3:14

“Ali ye ñiŋ ne fo ko, ‘Alla batoo maŋ nafaa soto. Muŋ nafaa le be ǹ ye jee, ka tara bulariŋ a la yaamaroolu nooma, aniŋ ka tara taa kaŋ Yaawe Alihawaa Maariyo ñaatiliŋo la ko saŋawoosiilaalu?

Yesaya 1:13

Ali i foño ka sadaa kuntaŋo naati. Ali la cuuraayi siisiyo mu n tanoo le ti. Ali la ñiŋ kuruŋyaa beŋolu, ali la Kari Kuta Juuraloo*, Loobula Luŋo, aniŋ diina beŋ koteŋolu, n te ì muña noo la.

1 Korintinkoolu 15:15

Aduŋ niŋ wo mu tooñaa le ti ko, furewolu buka wulindi ka bo saayaa kono, ǹ si tuumi noo hani seedenduriyaa la Alla la kuwo to le, kaatu ŋà seedeyaa ke a la kuwo to le ko, a ye Yeesu wulindi le.

Kuma Kotoomaalu 16:10

Mansa daakumoo ka ke moolu fee kuma kummaa le ti, wo to a la kumoo ñanta tiliŋ na tooñaa le la.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Jabuuroolu 32:9

Kana ke ko suwoo waraŋ bahalewo*, hakili te meŋ na. Karafewo niŋ juloo le ka a manankuŋ noo, niŋ wo nte, a te soŋ na i ye.”

Yankuba 2:20

Ite moo kalantaŋo! Fo n ñanta a yitandi la i la le ko, lannoo meŋ maŋ kebaaroolu soto, nafaa te wo la?

Kalatiyankoolu 3:4

Ali dunta kuu jamaa meŋ bee kono fokabaŋ, fo ì bee keta kensenke le baŋ? Fo ali maŋ ì la kummaayaa fahaamu?

Kalatiyankoolu 2:9

Biriŋ Yankuba, Kefas aniŋ Yohana mennu mu samasiŋolu ti Yeesu la kafoo kono, ye hiinoo je, Alla ye meŋ dii n na ka n ke kiilaa* ti, ì naata ì buloo dii n niŋ Barinabas la. Ñiŋ ye ǹ na kafuñooyaa le yitandi ko, ntolu si taa moolu yaa, mennu maŋ ke Yahuudoolu ti, itolu ye taa Yahuudoolu yaa.

1 Korintinkoolu 3:18

Ali kana ali faŋolu neenee: Moo meŋ ñaamenta a faŋ fee ñiŋ duniyaa kono, wo maarii ñanta ke la toolewo le ti fo a si naa ke noo ñaamendiŋo ti.

Yuuba 15:13

Muŋ ne ye a tinna i be kamfaa la Alla kamma, ka ñiŋ kuma siifaalu bondi i daa kono?

Yuuba 30:11

Alla le ye n na semboo taa m bulu, a ye m mondiŋyandi. Wo le ye a saabu ñinnu ka balafiriŋo tiliŋ n na.