Suukuwo 8:2 - Mandinka Bible

² N si i samba noo, ŋa i dundi m baa la buŋo kono, m faŋo wuluuta daameŋ. N si i mindi wayini* betoo la, m faŋo la roomaani* yiridiŋ jiyo.

Suukuwo 8:2 Referans Kwoze

Suukuwo 3:4

N tambita itolu la doroŋ, ŋa n kanuntewo je, n niyo ye meŋ kanu. Ŋa m miniŋ a la, m maŋ soŋ a ye taa, fo janniŋ m be a samba la m baa la buŋo kono, ka a dundi buŋo kono, m faŋo wuluuta daameŋ.

Suukuwo 7:12

Ŋà sori juuna yiri kankaŋo to, ka a juubee, fo wayini yiroolu be sorondiŋ ne, fo a firoolu be yele kaŋ ne, fo roomaani* yiroolu ye a dati le ka firi. Jee to, m be n na kanoo dii la i la le.

Suukuwo 4:10

M baarimmusu, i la kanoo diyaata ñaameŋ! N na maañoo, i la kanoo le diyaata wayinoo* ti. I la tuloo seeroo le diyaata seerandi feŋ koteŋolu bee ti.

Kalatiyankoolu 4:26

Bari wo Yerusalaamu meŋ be Alla yaa, wo mu foroo le ti, aduŋ ate le mu ntolu baamaa ti.

2 Timoti 3:15

Biriŋ i la dindiŋyaa waatoo la, i ye Kitaabu Senuŋolu loŋ ne. Wolu le ka ñaameŋo dii i la, ka i taamandi noo ka kiisoo soto, ka bo niŋ lannoo la Kiristu Yeesu kono.

Yohana 5:39

“Ali ka Kitaabu Senuŋolu kisikisi le, kaatu ali ye a miira le ko, ali ye badaa-badaa baluwo soto wolu le kono. Wolu faŋo le ye n na kuwo seedeyaa.

Suukuwo 7:9

i la sumburoo ye ke ko wayini diimaa. Musoo ko: Ñiŋ wayinoo ye futa n kanuntewo ma, a ye bori naŋ a ñiŋo niŋ a daafaroo la.

Kuma Kotoomaalu 9:2

A ye a la beeyaŋolu kanateyi le, a ye ì tabi, a ye a la wayinoo* dadaa, a ye taabuloo bee parendi.

Lankenemoo 19:10

Wo to le n sujudita malaayikoo siŋolu to ka a batu, bari a ko n ye ko, “Wuli, kana wo ke! Nte mu i dookuuñoo le ti, aniŋ i baadiŋolu* dookuuñoo mennu ka Yeesu Kiristu* la kuwo seedeyaa. Alla batu! Mennu ka Yeesu la kuwo seedeyaa, ì ka kiilaariyaa kumoo fo ka bo niŋ Alla la Nooroo le la.”

2 Pita 1:19

Wo ye annabiyomoolu la kumoo le bambandi, ì ye meŋ fo a la kuwo to. Niŋ ali ye wo kumoo muta, wo mu kuu kendoo le ti ali ye. A si ke ali ye lampoo ti, meŋ si tu siloo bitaa la ali ye, diboo kono fo subaa waatoo, Subaalooloo be finti la waatoo meŋ na ka maloo dii ali sondomoo kono.

Suukuwo 8:1

A ka munta m fee, i ye ke n kotookewo ti, meŋ suusuuta m baamaa sunjoo to. I si a je, niŋ n niŋ i benta mbeedoo kaŋ, n si i sumbu, moo te n jalayi la.