Suukuwo 6:2 - Mandinka Bible

² N jusukuŋo taata a la naakoo le to, seerandi feŋ bambewolu be daameŋ. A be a faŋ seewondi kaŋ a feŋ betoolu la, a be firi ñiimaalu kafu kaŋ ñoo ma.

Suukuwo 6:2 Referans Kwoze

Suukuwo 5:13

A kaaraa be le ko bambewo, seerandi feŋolu ka faliŋ daameŋ. A daaturoo be ko firi ñiimaa, a bee be sinandiŋ miiri tuloo la.

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Yohana 14:3

Aduŋ niŋ n taata, ŋa dulaa parendi ali ye, m be naa la le kotenke. Bituŋ m be ali taa la fo ali si tara m fee, m be daameŋ.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Matiyu 18:20

Kaatu niŋ moo fula waraŋ saba benta nte too la daa-wo-daa, n ka tara ì fee jee le.”

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Esekiyeli 34:23

M be kantarilaa kiliŋ ne ke la ì kunna, meŋ mu n na dookuulaa Dawuda koomalanka kiliŋ ti. A be ì daañini la le, ka ke ì la kantarilaa ti.

Yesaya 61:11

Saayiŋ m Maarii Yaawe be a ke la le, tiliŋo niŋ jayiroo ye naa bankoolu bee kaŋ, ko fiifeŋ kesoolu ka faliŋ naakoo kono ñaameŋ, aniŋ ko bankoo ka fiifeŋ mereŋo so semboo la ñaameŋ.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Suukuwo 6:11

N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.

Suukuwo 4:12

N na maañoo, n kanumusoo, i be le ko naakoo, meŋ daa be sorondiŋ, ko ñaapuuloo meŋ be sukiriŋ.

Suukuwo 2:16

N jusukuŋo mu n taa le ti, nte fanaa mu a taa ti. A ka a faŋ seewondi firi ñiimaalu le kono.

Suukuwo 4:5

I sunjoolu be looriŋ ne pet, ì be ñiiñaariŋ ko minandiŋ fula be daañinoo la firi ñiimaalu kono.

Suukuwo 4:16

Foño, wuli naŋ maraa karoo la, foño, wuli naŋ bulubaa karoo la, ali fee naŋ n na naakoo kono, seerandi feŋolu seeroo ye janjaŋ. N kanuntewo ye naa a la naakoo kono, a ye a yiridiŋ betoolu domo.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko: