Suukuwo 4:12 - Mandinka Bible

¹² N na maañoo, n kanumusoo, i be le ko naakoo, meŋ daa be sorondiŋ, ko ñaapuuloo meŋ be sukiriŋ.

Suukuwo 4:12 Referans Kwoze

Lankenemoo 21:27

Bari feŋ ne te duŋ na a kono, meŋ maŋ seneyaa, sako moo si duŋ a kono, meŋ ye kuu jawoolu ke, Alla ye mennu koŋ, waraŋ meŋ ka baara faniyaa kuwolu la. Moolu doroŋ ne be duŋ na wo saatewo kono, mennu toolu safeeta Saajiiriŋo la baluwo kitaaboo kono.

1 Korintinkoolu 6:13

“Domoroo be konoo le ye, aduŋ konoo be domoroo le ye,” bari Alla be daŋ ke la ì bee le la. Baloo maŋ dadaa laañooyaa tuluŋo ye, bari a dadaata Maariyo le ye, aduŋ Maariyo be baloo ye le.

Lankenemoo 7:3

A ko ì ye ko, “Ali kana bankoo, fankaasoo waraŋ yiroolu tiñaa, fo niŋ ŋà tampoo ke Alla la moolu foŋolu to foloo.”

1 Korintinkoolu 7:34

a hakiloo ka janjaŋ ne. Musu futuubaloo waraŋ sunkutoo, wo ka tara tuukuriŋ Maariyo la kuwolu le kaŋ, a be seneyaa la balajaatoo niŋ nooroo kono ñaameŋ. Bari musu futuuriŋo, wo ka tara ñaaniriŋ duniyaa kuwolu le la, a si a keemaa kontaanindi noo ñaameŋ.

Efesusinkoolu 4:30

Ali kana Alla la Noora Kuliŋo sunundi, ali tamputa ka bo niŋ meŋ na ka a ke ali la suuteerilaŋo ti kiisoo luŋo ye.

Efesusinkoolu 1:13

Ka bo niŋ ate Kiristu le la, tampu senuŋo keta alitolu fanaa bala, kabiriŋ ali ye tooñaa kumoo moyi, meŋ mu kibaari betoo ti kiisoo la kuwo to, ali laata. Wo tampoo mu Noora Kuliŋo le ti, meŋ laahidita nuŋ,

2 Korintinkoolu 1:22

a ye a la tampoo ke m̀ bala le, aduŋ a ye a la Nooroo ke ǹ sondomoolu kono le ka a ke sankayaaraŋo ti.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Yeremiya 31:12

Ì be naa le ì seewootoo niŋ suukuwo ye wuuri Siyoni Konkoo kaŋ, aduŋ nte Yaawe ye beteyaa meŋ yitandi ì la, wo be ì faramansandi la le, i la fiifeŋolu la karoo la, siimaŋo, wayini* yiridiŋ jiyo, aniŋ olifu* tuloo, ka taa saajiyolu niŋ ninsoolu la jiidoo. Ì la baluwo be ke la le ko naakoo meŋ jiibonta kendeke, aduŋ ì niyo te toora la kotenke.

Yesaya 58:11

Waati-wo-waati nte Yaawe le be ali ñaatonkayaa la. M be ali suula kuwolu ke la ali ye banku jaaroo kaŋ ne, fo ali ye wasa. M be ali kuloolu bambandi la le. Ali be muluŋ na le ko naakoo meŋ ye jiyo soto kendeke, waraŋ woyoo meŋ nene buka jaa.

Suukuwo 6:11

N taata naakoo to, alimondi* yiroolu be daameŋ, ka a juubee fo yiroolu be firi kaŋ wulumbaŋo to le, fo wayini* yiroolu be soroŋ kaŋ ne, aniŋ fo roomaani yiroolu ye firoo dati le.

Suukuwo 6:2

N jusukuŋo taata a la naakoo le to, seerandi feŋ bambewolu be daameŋ. A be a faŋ seewondi kaŋ a feŋ betoolu la, a be firi ñiimaalu kafu kaŋ ñoo ma.

1 Musa 29:3

Niŋ beeyaŋ koorewolu bee benta jee le, kantarilaalu ka beroo ñiŋ birimintiŋ ka a bondi koloŋo daa kaŋ, ka ì la beeyaŋolu mindi. Bituŋ ì ye naa beroo ñiŋ murundi koloŋo daa kaŋ.

Suukuwo 4:9

M baarimmusu, i la kuwo futata n jusukuŋo to le. N na maañoo, i ñaa la ŋolosiri kiliŋ, i la kanto konoŋ julu kiliŋ, wo le ye n jusoo futufaa kanoo la.