Sefaniya 3:7 - Mandinka Bible

⁷ N laata ñiŋ na le ko, ite Yerusalaamu be n kuliyaa la le, i ye soŋ ka i tilindi siloo la. Niŋ wo keta, n te i la moolu la sabatidulaa kasaara la, aduŋ ŋa jaraboo meŋ landi i kamma, a te boyi la i kaŋ. Bari hani saayiŋ i la moolu be hameriŋ ne doroŋ, ka taama niŋ jenkoo la ì la baara kuwolu bee to.”

Sefaniya 3:7 Referans Kwoze

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Yeremiya 36:3

A si ke, niŋ Yahuuda moolu ye kasaara kuwolu bee moyi, m pareeta ka mennu ke ì la, wo si a tinna le moo-wo-moo ye yelema ka bo a la sila kuruŋo kaŋ. Niŋ wo keta, n si yamfa ì la kuruŋyaa niŋ ì la junuboo la.”

Sefaniya 3:2

Saatewo meŋ, a buka yaamari muta, dandalaaroo, a buka wo moyi, a maŋ a jikoo loo Yaawe* kaŋ, a maŋ soŋ ka a ñaa tiliŋ Alla la.

Yeremiya 25:5

Ì ye a fo ali ye le ko, “Ali yelema saayiŋ, ali kiliŋ-wo-kiliŋ, ka bo ali la sila kuruŋolu niŋ ali la baara kuruŋolu kaŋ, fo ali si tu sabatiriŋ bankoo kaŋ, Yaawe ye meŋ dii ali niŋ ali mumuñolu la fo fawu.

Yeremiya 7:7

Niŋ ali ye wo yaamaroolu muta, m be ali bula la le ka sabati ñiŋ bankoo kaŋ jaŋ, ŋa meŋ dii ali la alifaa foloolu la biriŋ koomanto, ka ke ì taa ti fo abadaa.

2 Pita 3:9

A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.

Yeremiya 38:17

Bituŋ n naata a fo a ye ko, “Yaawe Alihawaa Maariyo*, Banisirayila la Alla ye ñiŋ ne fo ko: Niŋ i ye i faŋ seyi Babiloni mansakewo la maralilaalu ma, i niyo be kana la le. Wo le to ì te ñiŋ saatewo jani la, aduŋ i la dimbaayaalu si baluu.

Yeremiya 8:6

Ŋa n lamoyi ì la le famfaŋ, bari ì buka kuma fo meŋ tilinta. Hani moo kiliŋ ne buka tuubiseyi a la kuruŋyaa la, ka a fo ko, ‘Nte ye muŋ ne ke teŋ?’ Moo-wo-moo ka taa a fansuŋ siloo le la, ko suwoo ka i seyiŋ keloo kono ñaameŋ.

Yesaya 63:8

A ko: “Tooñaa-tooñaa, n na moolu le mu, m faŋo diŋolu, mennu te n neenee la.” Bituŋ a keta ì la kiisandirilaa ti.

Yesaya 5:4

N si muŋ ne ke noo n na kankaŋo ye kotenke, ka tambi ŋa ñiŋ meŋ ke a ye teŋ? M be n yillaariŋ yiridiŋ betoo le la, muŋ ne ye a tinna, a ye kuniyaariŋo wuluu?

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

5 Musa 4:16

ali kana junuboo ke ka jalaŋo dadaa hadamadiŋ muluŋo la, kee to waraŋ musu to,

1 Musa 6:12

Alla ye a je le, duniyaa moolu be jenkeriŋ ñaameŋ. Moo bee le tarata taama kaŋ a fansuŋ sila jenkeriŋo kaŋ.

1 Timoti 1:5

Ǹ na yaamaroo la daliiloo mu kanoo le ti, meŋ ka bo sondome senuŋo kono, sondometantaŋ betoo, aniŋ lanna tooñaa.

Yuuba 36:10

A si ì tuloolu yele, a la yaamaroolu ye duŋ ì kono, a ye naa ì kili ka tuubiseyi ì la kuu kuruŋolu la.

Jabuuroolu 32:8

Yaawe la kumakaŋo le mu ñiŋ ti ko, “M be i yaamari la le, ka a fo i ye i ñanta taa la siloo meŋ na. M be a yitandi la i la le i ñanta meŋ ke la, n ñaa ye tara i kaŋ.

Kuma Kotoomaalu 19:20

Ka i lamoyi dandalaaroo la, i ye soŋ yaamarimutoo la, labaŋo la i be ke la moo ñaamendiŋo le ti.

Yeremiya 6:8

Muna Yerusalaamu, dandalaaroo muta, niŋ wo nte, m be n koo dii la i la le, ŋa i la bankoo kenseŋyandi, moo te tara la siiriŋ jee.”

Yeremiya 17:23

Bari wolu maŋ i lamoyi wo la, waraŋ ka ì tuloo loo a la. Ì keta kanjaaroolu le ti, ì maŋ soŋ ka i lamoyi, waraŋ ka soŋ kuluuroo la.