Ruti 4:1 - Mandinka Bible

¹ Bowasi taata sii saatewo dundaŋ daa* to, ì ka beŋ daameŋ. Kabiriŋ niimoosaatalaa*, a be meŋ na kumoo fo kaŋ nuŋ naata, Bowasi ko a ye ko, “Naa sii jaŋ, m baadiŋ!” Wo to le a taata, a siita.

Ruti 4:1 Referans Kwoze

Ruti 3:12

Tooñaa le mu, m fanaa sutiyaata niimoosaatoo la le, bari moo le be jee, meŋ sutiyaata a la nte ti.

5 Musa 25:7

Bari niŋ taalaa yele kiliŋñoo maŋ lafi ka wo musoo niimoosaata*, musoo ñiŋ ñanta taa la saatewo alifaalu kaŋ ne saatee dundaŋ daa to, a ye ñiŋ fo ì ye ko, “N keemaa baadiŋo maŋ paree ka kuwo ke meŋ ñanta a ma. A balanta le ka n niimoosaata, ka a yele kiliŋñoo too tu Banisirayila kono.”

5 Musa 16:18

Ali si kiitindirilaalu niŋ kuntiyolu tomboŋ lasiloolu bee kono, saatewolu bee to, Yaawe be daameŋ dii la ali la. Ì ñanta kiitiyo kuntu la moolu teema tiliŋo le kono.

Amosi 5:15

Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

Yuuba 31:21

Niŋ n nene ka aliyatiimoo toorandi, kaatu ŋa a loŋ ko boloo be dii la nte le la,

Yuuba 29:7

waatoo meŋ, n niŋ saatee alifaalu ka beŋ, n ka sii ì teema,

5 Musa 21:19

a wuluulaalu ñanta a muta la le, ì ye a samba ì la saatee dundaŋ daa to, ì la alifaalu ka beŋ daameŋ ka kiitiyo ke.

Jakariya 2:6

Yaawe ko, “Ali wuli, ali wuli! Ali bori naŋ ka bo Babiloni bankoo kaŋ, kaatu ŋa ali janjandi karoo bee le la.

Yesaya 55:1

Yaawe* ko: “Ali naa, jiyo fele, mindoo be alitolu mennu bee la. Kodoo te mennu bulu, ali naa feŋ taa ali ye a domo. Ali naa, wayinoo* niŋ keekewo miŋ, ali te kodi bondi la, aduŋ a maŋ daa soto.

5 Musa 17:5

ali si wo maarii fintindi saatewo banta la fo kee le mu waraŋ musu, ali ye a kurulabuŋ fo a ye faa.

1 Musa 23:10

Efuroni faŋo be beŋo ñiŋ to jee le, a niŋ a mooñoo Hitinkoolu, saatewo dundaŋ daa* to. Bituŋ a naata Iburayima jaabi moo bee ñaa la jee ko,

1 Musa 34:20

Wo le to a niŋ a faamaa Hamori naata saatewo dundaŋ daa* to, ka diyaamu ì la saatewo kewolu ye. Ì ko ì ye ko,

Yosuwa 20:4

Niŋ a maarii borita ka taa ñiŋ tankañini dulaa saatewolu to, a ñanta loo la saatewo dundaŋ daa* le to, a ye a la kuwo saata saatewo alifaalu ye. Wolu le ñanta a bula la, a ye duŋ ì la saatewo kono ka dulaa dii a la, a be sabati la daameŋ.

Ruti 3:18

Nawomi ko, “I lamoyi, n dimmusoo, i ye a juubee kuwolu be labaŋ na ñaameŋ. Kaatu a te i foño la, fo niŋ a ye ñiŋ kuwo baŋ bii.”

2 Samuweli 15:2

Abusalomu ka wuli juuna le, a ye taa loo sila karoo la, meŋ ka taa saatewo dundaŋ daa* to. Bituŋ niŋ moo-wo-moo naata samaneroo la mansa yaa, a si wo maarii kumandi, ka a fo a ye ko, “I bota saatee jumaa le to?” Niŋ wo ko a ye ko, “I la joŋo, nte bota ñiŋ lasili teŋ niŋ teŋ ne kono Banisirayila,”

2 Taarika 18:9

Bituŋ mansa fuloo ñinnu ye ì la mansa duŋ feŋolu duŋ, ì siita ì la mansasiiraŋolu kaŋ, siimaŋ toñonkadulaa to, Samariya saatewo dundaŋ daa* to. Annabiyomoolu bee tarata ì ñaatiliŋo la, ì be bankeeroo ke kaŋ.

Jabuuroolu 69:12

Ì ye n ke kacaaraŋo le ti saatewo dundaŋ daa* to, aduŋ dolominnaalu ka denkiloolu laa le ka n teeliŋ.

Kuma Kotoomaalu 31:23

Moolu ye a keemaa suutee saatee moolu bendulaa to le, a ka sii bankoo alifaalu kono jee le to.

Yeremiya 32:10

Ŋa a safee seedeyaaraŋ kayitoo kono, ŋa a noto, ŋa seedoolu ke a la. N naata kodiforoo peesa peesarilaŋo kaŋ ka a joo.

1 Musa 19:1

Wulaaroo la, wo malaayika fuloo ñinnu naata futa Sodomu. Luuti be siiriŋ saatewo dundaŋ daa* to, kabiriŋ a ye ì je, a wulita, a taata ì benduŋ. Bituŋ a ñoyita ì ye duuma,