Ruti 2:23 - Mandinka Bible

²³ Wo to le Ruti niŋ Bowasi la dookuulaa musoolu tarata karaŋ feefewo ke kaŋ fo sanjaanoo banta. Bituŋ a tuta sabatiriŋ a bitammusoo fee.

Ruti 2:23 Referans Kwoze

Kuma Kotoomaalu 13:20

Moo meŋ niŋ moo ñaamendiŋo ka taa, fanaa be ñaameŋo soto la le, bari toolewo taañooyaa mu bataa le ti.

Kuma Kotoomaalu 13:1

Diŋ kendoo ka bula a faamaa la yaamaroo nooma le, bari ñaawalilaa buka soŋ yitandiroo la.

5 Musa 16:9

Ali lookuŋ woorowula yaatee, ka bo waati meŋ na ali ye siimaŋ katoo dati.

1 Korintinkoolu 15:33

Ali ali hakiloo tu, moo kana ali neenee! Kafuñoo kuruŋo ka daajika betoolu le tiñaa.

Maaka 14:66

Kabiriŋ Pita be duuma luwo to, piriisi kuntii baa la jommusu doo naata.

2 Musa 9:31

Fulakisi* fitoolu niŋ baali* siimaŋo kasaarata le, kabiriŋ baali siimaŋo be wuluu kaŋ, aniŋ fulakisi fitoolu be firoo la.

Ruti 2:22

Nawomi ko a bitammusu Ruti ye ko, “N diŋo, a be beteyaa la le, i niŋ a la dookuulaa musoolu kali taa, kaatu moo doolu si i batandi noo ì la kunkoo to le.”

Ruti 3:1

Luŋ kiliŋ Ruti bitammusu Nawomi ko a ye ko, “N dimmusoo, fo m maŋ ñaŋ na a kata la baŋ ka dulaa ñiniŋ i ye, daameŋ to i be dahaa soto la jee?

Ruti 1:22

Nawomi la Mowabi bankoo buloo keta wo le ñaama, a niŋ Ruti Mowabinkoo, a bitammusu. Ì la futoo Betilehemu, wo waatoo le mu baali* siimaŋ katoo datita.