Ruti 2:12 - Mandinka Bible

¹² I ye meŋ ke, Allamaa Yaawe ye i joo a la. Allamaa Yaawe ye i joo jooñaa senuŋ na, Banisirayilankoolu la Alla, i naata i faŋ karafa meŋ ma.”

Ruti 2:12 Referans Kwoze

Jabuuroolu 36:7

I la kanu bambaloo tinewo warata le. Hadamadiŋolu ka tankoo ñini ite le dampaŋo koto, moo baa, moondiŋ.

Jabuuroolu 91:4

A be a la tankoo dampammaa le wanka la i kunto, aduŋ i be tankoo soto la wo dampaŋo koto le. A la tiliŋo kaŋ, a be i tanka la le ka i sansaŋ.

Jabuuroolu 63:7

Bayiri ite le keta m maakoyilaa ti, n ka tara i dampaŋo le koto, wo to m be suukuwo laa la le seewoo kamma la.

Jabuuroolu 17:8

N kanta ko moo ka a ñaakesoo kanta ñaameŋ. M maabo i la tankoo dampammaa koto,

Jabuuroolu 61:4

M be ñaaniriŋ i Batudulaa la le, n na baluwo bee kono, ka tara tankariŋ i la suturoo dampammaa koto. S

Hiburunkoolu 6:10

Kaatu Alla tilinta le, aduŋ a te ñina la ali la dookuwo la, aniŋ kanoo, ali ye meŋ yitandi a too kamma la, ka moo senuŋolu maakoyi, aduŋ ali be looriŋ wo kaŋ ne hani saayiŋ.

Hiburunkoolu 11:26

A laata le ko, malundiroo Alimasiihu* la kuwo kamma la, wo le nafaa warata ka tambi Misira bankoo la naafuloolu la, kaatu a ñaa be joo le kaŋ, meŋ ka naa.

1 Samuweli 24:19

Niŋ moo ye a jawoo muta, fo a ka a bula le a ye taa, a maŋ kuu jawoo ke a la baŋ? Allamaa Yaawe ye neema ke i ye i la baaroo la, i ye meŋ ke n ye bii.

Ruti 1:16

Bari Ruti ko a ye le ko, “Kana nte marisa ka bo i bala, waraŋ ka n koo dii i la. I taata daa-wo-daa, nte be taa la jee le, aduŋ i be sabati la daa-wo-daa, m fanaa be sabati la wo le to. I la moolu be ke la n na moolu le ti, aniŋ i la Alla fanaa be ke la n na Alla le ti.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

Hiburunkoolu 11:6

Alla te kontaanindi noo la lannoo kooma, kaatu moo-wo-moo meŋ lafita ka sutiyaa Alla la, wo maarii ñanta laa la le ko, Alla be sotoriŋ ne, aduŋ a ka moolu joo le, mennu ka a ñini baturoo kono.

Luka 6:35

“Bari ali si ali jawoolu kanu, ali ye kuu betoo ke ì ye. Ali moolu fuu, ali kana i yillaa feŋ na ì bulu. Wo to le ali la joo be wara la, aniŋ ali be ke la Alla Mansa Tallaa la dindiŋolu ti, kaatu ate beteyaata wasabaloolu fee le fanaa, aniŋ kuruŋolu.

Matiyu 23:37

“Ite Yerusalaamu, hee, ite Yerusalaamu! I la moolu ye annabiyomoolu faa le, aniŋ ì ye kiilaalu buŋ beroolu la ka ì faa. Siiñaa jelu le n lafita i la dindiŋolu kafu la ñoo ma m bala, ko siisee dimbaa ka a diŋolu kafu ñoo ma a dampaŋo koto ñaameŋ, bari ali buka soŋ!

Matiyu 5:12

Ali seewoo aniŋ ali ye jusulaa, kaatu ali la joo be wara la Arijana kono le. Ì ye annabiyomoolu toorandi wo ñaa kiliŋo le ñaama, mennu naata ali ñaa.

2 Timoti 4:8

Saayiŋ, kañeerinaafoo meŋ mu moo tilindiŋolu taa ti, a be pareeriŋ nte ye le Maariyo fee, meŋ mu kiitindirilaa tilindiŋo ti. Wo maŋ ke n dammaa ye, bari moolu bee mennu ye Kiristu la fintinaŋo kanu.

2 Timoti 1:18

Allamaa a ye balafaa soto Maariyo bulu Kiristu naa luŋo la. A koyita ite faŋo la le, a ye m maakoyi nuŋ ñaameŋ Efesus saatewo kono.

Matiyu 6:1

“Ali ali hakiloolu tu, ali kana ali la diina kuwolu ke moolu ñaa la, fo ì si ali je. Niŋ ali ye wo ke, ali te joori soto la ali Faamaa bulu, meŋ be Arijana.

Kuma Kotoomaalu 23:18

Tooñaa-tooñaa saama nafaa be tara la i ye le, aduŋ i la jikoo te bo la i koto.

Kuma Kotoomaalu 11:18

Moo kuruŋo buka a halaaloo soto, bari meŋ ka kuu betoo baara, a la joo ka ke kuu kendoo le ti.

Jabuuroolu 58:11

Moolu si a fo ko, “Jooroo be moo tilindiŋolu ye le. Tooñaa, Alla be jee le, meŋ ka duniyaa kiitindi.”

Jabuuroolu 19:11

Wo koolaa, ì ka nte i la dookuulaa kalamutandi le, aniŋ fanaa joori baa le be ì mutoo to.

Kolosankoolu 2:18

Ali kana soŋ, moo-wo-moo ye ali daa bondi kañeerifeŋo ñoosaboo to. Wo moo siifaalu ka fantoorandoo le kummaayandi, a niŋ malaayika batoo, aduŋ ì ka kibiri ì la jeroolu la le. Ì la faŋ waroo tambita le, bari a maŋ daliila soto, kaatu a bee be dendiŋ ì la hadamadiŋyaa miiroolu le la.

Ruti 2:11

Bowasi ye a jaabi ko, “Ì ye a bee fo n ye le, i ye meŋ ke i bitammusu ye, kabiriŋ i keemaa la baŋo niŋ saayiŋ teema. I ye i baamaa niŋ i faamaa bula ñaameŋ, aniŋ i wuluubankoo ka naa sabati moolu kono, i maŋ mennu loŋ nuŋ.

Ruti 2:13

A ko Bowasi ye ko, “M maarii, Allamaa i ye tenteŋ ka balafaa n ye. I ye n sabarindi, i diyaamuta n ye ñaameŋ, wo ye nte i la dookuulaa musoo niyo seewondi le, m maŋ tara i la dookuulaa musoolu la palaasoo to ñaa-wo-ñaa.”

Ruti 4:15

A be i la baluwo ke la le, ko a be nuŋ ñaameŋ, aduŋ a be ke la i topatoolaa le ti i la keebaayaa waatoo kono. I bitammusu meŋ keta i kanulaa ti, aniŋ meŋ tambita i ye dinkee woorowula la, le ye a wuluu.”

Yeremiya 31:16

Yaawe ye ñiŋ ne fo ko: “Ali ali kaŋo foñondi kumboo la, ali ye ali ñaajiyo daŋ, kaatu ali ye meŋ dookuu a be joo la le.” Yaawe le ye a fo. “Ì be muru la naŋ ne ka bo ali jawoolu la bankoo kaŋ.

1 Samuweli 24:20

Ŋa a loŋ ne ko, tooñaa-tooñaa i be ke la mansa le ti, aduŋ Banisirayila mansamarali bankoo be tara la marariŋ ite le buloo kono.