Roomankoolu 8:24 - Mandinka Bible

²⁴ Ñiŋ jikoo kaŋ, ǹ kiisata. Bari ka jikoo soto kuwo to, ŋà meŋ je, wo maŋ ke jikoo ti muumeeke. Jumaa le jikita kuwo la, a ye meŋ je fokabaŋ?

Roomankoolu 8:24 Referans Kwoze

Hiburunkoolu 11:1

Lannoo mu muŋ ne ti? Wo mu ka laa bambandinke kuwo la, i jikita meŋ na, aniŋ ka kuwo muta tooñaa ti, i buka meŋ je.

2 Korintinkoolu 5:7

baawo ǹ ka baluu ka bo niŋ lannoo le la, a buka bo kuwolu la, mennu ka je.

2 Korintinkoolu 4:18

Kaatu m̀ buka kuwolu juubee, mennu ka je, bari mennu buka je, ǹ ka wolu le juubee. Kuwolu mennu ka je, wolu be baŋ na le, bari mennu buka je, wolu le ka tu fo abadaa.

1 Pita 1:21

Ka bo niŋ ate le la, ali dankeneyaata Alla la, meŋ ye a wulindi ka bo saayaa kono, aduŋ a ye kallankeeyaa dii a la. Wo kamma la, ali la lannoo niŋ jikoo si tu Alla kaŋ.

1 Tesalonikankoolu 5:8

Bari ntolu mennu mu tiloo taa ti, ali ŋà soobeeyaa. Ali ŋà lannoo niŋ kanoo duŋ ko sisi tankandiraŋo, aduŋ ka jikoo soto kiisoo la kuwo to, ali ŋà wo ke ǹ na tankandirilaŋ naafoo ti.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.

Roomankoolu 12:12

Ali seewoo ali la jikoo kono, ali si muña tooroo kono, aduŋ ali si saayi duwaa la.

Roomankoolu 5:2

Ka bo niŋ ate le la, ŋà siloo soto ka naa Alla la hiinoo to, m̀ be meŋ kono saayiŋ. M̀ be seewooriŋ ne, kaatu ŋà jikoo soto le ko, ntolu fanaa be Alla la kallankeeyaa* soto la le.

Roomankoolu 15:13

Allamaa Alla meŋ mu jikiraŋo ti, a si ali fandi seewoo niŋ kayiroo la, lannoo kono, fo ali la jikoo si kafu doroŋ ka bo niŋ Noora Kuliŋo la semboo la.

Kolosankoolu 1:27

Alla ye wolu le tomboŋ fo ì si wo kulloo la kallankeeyaa* niŋ fankoo loŋ, aniŋ ka a futandi moolu ma, mennu maŋ ke Yahuudoolu ti. Aduŋ a kulloo fele: Kiristu be baluuriŋ alitolu kono le, ate meŋ mu ǹ na jikoo ti ka duŋ kallankeeyaa kono.

Roomankoolu 15:4

Feŋ-wo-feŋ meŋ safeeta koomanto, wo safeeta le ka ke ǹ ye yaamaroo ti, fo ǹ si jikoo soto ka bo niŋ muñoo niŋ wakiilindiroo la, Kitaabu Senuŋolu ye mennu dii ǹ na.

Kalatiyankoolu 5:5

Bari tiliŋo m̀ be korontoriŋ meŋ koto, m̀ be a batu kaŋ ne lannoo kono, ka bo niŋ Noora Kuliŋo la.

Jabuuroolu 146:5

Seewoo be moo le ye meŋ ye Yaakuba la Alla muta a la maakoyirilaa ti, meŋ ye a jikoo loo Yaawe kaŋ, a la Alla.

1 Yohana 3:3

Aduŋ moo-wo-moo meŋ ye ñiŋ jikoo soto a kono, wo ye a faŋ seneyandi le ko ate seneyaata ñaameŋ.

2 Tesalonikankoolu 2:16

M̀ Faamaa Alla ye ntolu kanu le, aduŋ a hiinanteeyaata le ka badaa-badaa sabarindiroo niŋ jiki betoo dii ǹ na. Ǹ ka ate le niŋ m̀ Maarii Yeesu Kiristu daani,

Kolosankoolu 1:23

Wo be ke la le, niŋ ali foroyaata lannoo kono, aduŋ ali ye bambaŋ wakiiloo kono fo ali kana ali la jikoo bula kibaari betoo la kuwo to, ali ye meŋ moyi nuŋ. Ñiŋ kibaari betoo kawandita duniyaa bee le ye, aduŋ nte Pawulu naata ke wo le dookuulaa ti.

Kolosankoolu 1:5

Ñinnu bee be looriŋ ali la jikoo la kuwo le kaŋ, meŋ be pareeriŋ ali ye Arijana kono. Ali naata kibaaroo moyi ñiŋ jikoo le la kuwo to nuŋ, kibaaroo meŋ mu tooñaa kumoo ti, aniŋ kibaari betoo.

1 Korintinkoolu 13:13

Saayiŋ, ñiŋ feŋ saboo le tuta jee: Lannoo, jikoo aniŋ kanoo. Bari meŋ warata ñinnu bee ti, wo le mu kanoo ti.

Jakariya 9:12

Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Yeremiya 17:7

“Bari barakoo be moo le ye meŋ ye a jikoo loo nte Yaawe kaŋ, meŋ jikiraŋo mu nte Yaawe ti.

Jabuuroolu 33:18

Yaawe ka moolu kanta le, mennu ye a kuliyaa, mennu ye ì jikoo loo a la kanu bambaloo kaŋ.

Jabuuroolu 33:22

Yaawe, Allamaa i la kanu bambaloo ye tara m̀ fee, bayiri ŋà ǹ jikoo sembe ite le la.

Kuma Kotoomaalu 14:32

Moo jawoo la kuu kuruŋ kewo le ka a kasaara, bari moo tilindiŋo la beteyaa, wo le ka a tankandi.

Roomankoolu 4:18

Iburayima tarata jikiriŋ Alla le la hani waatoo meŋ na, a ye jikilateyi kuwolu doroŋ je. A laata ko, a be ke la nasiyoŋ jamaa le faamaa ti ko Alla la kumoo ye a fo ñaameŋ ko, “I koomoo be siyaa la wo le ñaama.”

Roomankoolu 8:20

kaatu daaroo dunta nafantaŋyaa le kono. Wo maŋ ke a faŋo la lafoo ti, bari Alla le la lafoo mu, meŋ ye a dundi jee. Bari daaroo la jikoo mu ñiŋ ne ti ko,

Titus 3:7

A ye wo ke le, fo ǹ si tiliŋo soto ka bo niŋ a la hiinoo la, aduŋ ǹ si ke noo keetaalaalu ti badaa-badaa baluwo to, m̀ be jikiriŋ meŋ na.