Roomankoolu 12:11 - Mandinka Bible

¹¹ Ali kana dasa ali la hame baa la, bari ali fatiyaa Nooroo kono ka Maariyo batu.

Roomankoolu 12:11 Referans Kwoze

Kiilaalu 18:25

A ye Maariyo la siloo karaŋ kendeke le, aduŋ a fatiyaata Alla la Nooroo kono. A ka diyaamu Yeesu le la kuwo la, aduŋ a ka karandiroo ke kuuke le, bari a ye Yaayaa la batisoo doroŋ ne loŋ.

1 Pita 4:8

Aduŋ meŋ kummaayaata kuwolu bee ti, ali ñoo kanu, ali ye tu looriŋ wo kaŋ, baawo kanoo le ka a tinna, yamfoo ka ke junube jamaa la.

Kuma Kotoomaalu 13:4

Katakolentewo si hame ñaa-wo-ñaa, a buka feŋ soto noo, bari moo soobewo ka feŋ-wo-feŋ ñini, a ka sooneeyaa a ye le.

Hiburunkoolu 12:28

Wo kamma la, ali ŋà tenturoo dii Alla la, kaatu ŋà mansayaa le soto, meŋ te jiijandi noo la. Ali ŋà Alla batu a ñaama, horomoo niŋ ñaasilaŋo kono,

Efesusinkoolu 4:28

Moo meŋ mu suuñaarilaa ti, a kana suuñaaroo ke kotenke. Wo noo to a si dookuwo ke a buloolu la, fo a si diiroo ke noo moolu la, mennu be suuloo kono.

1 Pita 1:22

Baawo ali ye tooñaa yaamaroo muta baadiŋ kanoo la kuwo to le, aduŋ wo ye ali sondomoolu seneyandi le, wo to ali ñoo kanu ali sondomoo bee la.

Kiilaalu 20:19

N ka Maariyo batu niŋ fammajii baa la, aniŋ ñaajiyo. N ka a batu bataa kuwolu le bee kono, mennu boyita n kaŋ ka bo niŋ Yahuudoolu la feeroolu la.

Matiyu 24:12

Baawo tilimbaliyaa be kafu la le, moo jamaa la kanoo be dooyaa la.

Kuma Kotoomaalu 10:26

Ko bineekaroo* ka kumu ñiŋo bala ñaameŋ, aniŋ siisiyo ka ñaa mantoora ñaameŋ, katakolentewo ka ke a kiilaalu ye wo le ñaama.

Kuma Kotoomaalu 22:29

Fo i maŋ moo je meŋ buloo koyita a la dookuwo to? A be dookuwo ke la mansoolu le ye, bari a te ke la moo koteŋ kenseŋolu ti.

Kuma Kotoomaalu 18:9

Moo meŋ katoo koleyaata a fee a la dookuwo to, a niŋ tiñaarilaa bee be konti kiliŋ ne.

2 Musa 5:17

Firawoona ko, “Naafariŋolu, ali mu wo le moo ti, naafariŋolu. Ñiŋ ne ye a tinna, ali ka tu la a fo la ko, ‘Ali ŋà taa sadaa bo Yaawe ye.’

1 Timoti 5:13

Aduŋ fanaa, ì be dali la le ka naafa, niŋ ì be yaayi la taariŋ ka bo buŋ ka taa buŋ. A maŋ ke wo dammaa ti, bari ì be ke la koomakumarilaalu ti le, aniŋ moolu mennu ka ì daa bula wandi kuwolu to, ì ka kuwolu fo le, ì maŋ ñaŋ na mennu fo la.

Yesaya 56:10

Banisirayila la ñaatonkoolu finkita le, ì bee maŋ londi soto, ì keta wulu mumunewolu ti, ì buka hawuroo ke noo. Ì ka tu laariŋ ne doroŋ aniŋ ka siiboo, siinoo diyaata ì ye le.

Lankenemoo 2:4

Bari ŋa ñiŋ tuumiroo soto i la kuwo to le ko, i ye kanoo bula le, ì ye meŋ soto folooto nuŋ.

Kolosankoolu 4:1

Kuntiyolu, ali ali la joŋolu muta tiliŋo kono, ali ye ì la ñantoolu dii ì la a ñaama. Ali kana ñina ko, alitolu fanaa ye Kuntiyo soto Arijana kono le.

1 Korintinkoolu 7:22

Moo meŋ mu joŋo ti, biriŋ Alla ye a kumandi, wo mu Maariyo la moo foroyandiriŋo le ti. Wo ñaa kiliŋo la, meŋ mu foroo ti, biriŋ Alla ye a kumandi, wo maarii mu Kiristu* la joŋo le ti.

Matiyu 25:26

Bari a maariyo ye a jaabi ko, ‘Ite dookuulaa jawoo, ite dookuulaa nafantaŋo! Baawo i ye a loŋ ne ko, n ka katiroo ke dulaa le to, m maŋ fiiroo ke daameŋ, aniŋ n ka kafuñoomoo ke dulaa le to, m maŋ turoolu sari daameŋ.

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.

Kuma Kotoomaalu 31:15

A ka wuli juuna le, a ye a tara banta maŋ fanu, a ye domoroo tabi a la dimbaayaa ye, aniŋ ka a fo a la dookuulaa sunkutoolu ye, ì ñanta meŋ ke la.