Obadiya 1:21 - Mandinka Bible

²¹ Tankandirilaalu be sele la Siyoni Konkoo kaŋ ne, aduŋ ì be Edomu konkotundoo mara la le. A mansayaa be tara la nte Yaawe faŋo le bulu.”

Obadiya 1:21 Referans Kwoze

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Yankuba 5:20

wo maarii si a loŋ ko, meŋ ye junubelaa bondi filoo kono, a ye a niyo tankandi badaa-badaa saayaa ma le, aduŋ a be junube jamaa le kafaroo saabu la a ye.

Jakariya 14:9

Bituŋ Yaawe si ke duniyaa bee Mansa ti. Wo luŋo la, Yaawe la kilimbaayaa le be loo la, aduŋ baturoo be ke la a too dammaa le la.

Daniyeli 7:27

Bituŋ ì si naa duniyaa mansamarali bankoolu bee la semboo niŋ waroo dii Alla Mansa Tallaa la moolu la. Ì la mansayaa be tu la le fo abadaa. Maralilaalu bee be soŋ na ì ma le, aduŋ ì be dookuwo ke la ì ye le.”

1 Timoti 4:16

I faŋo koroosi, aniŋ i la karandiroo. Ñiŋ kuwolu muta bulu fula la, kaatu niŋ ì ye wolu ke, i be i faŋo tankandi la le, aniŋ moolu mennu ye i la kumoolu moyi.

Jabuuroolu 22:28

Maraloo mu Yaawe le taa ti, aduŋ ate le marata bankoolu ma.

Luka 22:30

fo ali si miŋo niŋ domoroo ke n na taabuloo to n na mansabaayaa kono, aduŋ fo ali si sii mansasiiraŋolu kaŋ ka Banisirayila lasili taŋ niŋ fuloo kiitindi.”

Daniyeli 2:44

Wo mansoolu la waatoo la, Arijana Maarii be mansamarali bankoo le londi la, meŋ nene te baŋ na, aduŋ moo koteŋolu te ì semboo laa noo la a kaŋ. A be wo mansamarali banku koteŋolu bee le teyi la, ka ì janjaŋ, ì ye baŋ, aduŋ a be tu la looriŋ ne fo abadaa.

Yesaya 19:20

Ì be ke la taamanseeroo niŋ seedoo le ti Yaawe Alihawaa Maariyo ye, Misira bankoo kaŋ. Niŋ ì kumboota Yaawe ye, ì mantooralaalu la kuwo kamma la, a be kiisandirilaa niŋ tankandirilaa kii la ì ye le, aduŋ a be ì kiisa la le.

Kiitindirilaalu 2:16

Bituŋ Yaawe ye kiitindirilaalu wulindi, mennu naata ì tanka ñiŋ boyinkannaalu ma.

Lankenemoo 20:4

Bituŋ ŋa mansasiiraŋolu je, aduŋ mennu be siiriŋ ì kaŋ, kaŋo diita wolu le la ka kiitiyo ke. Ŋa wo moolu niyolu je le, ì ye mennu kuŋolu kuntu nuŋ, ì la seedeyaa kamma Yeesu la kuwo to, aniŋ ì la Alla la kumoo kawandoo. Itolu le maŋ wo daafeŋ saŋarariŋo batu, sako a muluŋo. Ì maŋ a la taamanseeroo soto ì foŋolu to, waraŋ ì buloolu bala. Ì naata baluu kotenke ka maraloo ke, ì niŋ Kiristu*, fo sanji wuli kiliŋ.

Lankenemoo 19:6

N naata kumakaŋo moyi, meŋ ka munta ko kafu baa, a maakaŋo be ko jiibaliŋ baalu niŋ saŋ feteŋolu. Ì be sari kaŋ santo ko: “Haleluyaa! Maariyo be maraloo kaŋ ne, ǹ na Alla Mansa Tallaa.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Matiyu 6:10

I la mansabaayaa si naa, i la lafoo si ke duniyaa kono ko a be Arijana kono ñaameŋ.

Yoweli 2:32

Bari moo-wo-moo, meŋ ye Yaawe too kumandi, wo be kiisa la le. Siyoni Konkoo niŋ Yerusalaamu, moolu be soto la jee le, mennu be kana la, aniŋ moo toomaalu fanaa, Yaawe ye mennu tomboŋ, ko Yaawe ye a laahidi ñaameŋ.”

Daniyeli 12:3

Moolu mennu ñaamenta, wolu be mala la le ko malafeŋolu mennu be saŋo bala. Wo moolu mennu ye moo jamaa naati tiliŋo kaŋ, wolu be mala la le ko looloolu fo abadaa.

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.

Daniyeli 2:35

Bituŋ newo, potoo, jaawaloo, kodiforoo, aniŋ sanoo bee teyita ka janjaŋ ñoo la, ì keta ko ŋañaa meŋ ka tu siimaŋ toñonkadulaa to, katiri koolaa. Foñoo ye a bee le samba, hani a noo maŋ tu jee. Bari beroo meŋ boyita a kaŋ, a naata ke konko baa le ti, aduŋ a ye duniyaa bee le beŋ.

Jabuuroolu 102:15

Bantala banku* moolu be Yaawe too kuliyaa la le, aduŋ duniyaa mansoolu bee be a kuliyaa la a la kallankeeyaa* kaŋ ne.

2 Mansoolu 13:5

Wo le to Yaawe ye tankandirilaa dii Banisirayilankoolu la, aduŋ ì bota Aramu bankoo la maraloo bataa kono. Ì naata sabati noo ì la suwolu kono kotenke komeŋ folooto.

Kiitindirilaalu 3:9

Bari kabiriŋ ì woosiita Yaawe ye, a naata tankandirilaa dii ì la, meŋ mu Otiniyeli ti, Kenasi dinkewo, Kenasi meŋ mu Kalebu dookewo ti. Wo le ye ì tankandi.

Nehemiya 9:27

Wo kamma la i ye ì duŋ ì jawoolu bulu, wolu ye ì toorandi. Bituŋ ì la tooroo waatoo kono, ì kumboota i ye, aduŋ i ye ì moyi le, ka bo Arijana kono. Ka bo niŋ i la balafaa baa la, i ye deemaarilaalu dii ì la, mennu ye ì bondi ì jawoolu bulu.

Jabuuroolu 47:7

Alla le mu duniyaa bee Mansoo ti. Ali Jabuura suukuwolu laa a ye kendeke.

Jabuuroolu 67:4

Duniyaa moolu bee si seewoo ka suukuwo laa, kaatu i ka kiitiyo kuntu moolu teema tiliŋo le la, aduŋ i ka siloo yitandi duniyaa bankoolu bee le la. S

1 Musa 25:23

Yaawe ko a ye ko, “Lasili fula le be i wuluuñaŋo kono. Ñiŋ lasili fuloo be ke la balannaa le ti ñoo ma. Doo le semboo be wara la doo ti. Keebaamaa le be ke la dindimmaa ye dookuulaa ti.”

Jabuuroolu 22:29

Duniyaa fankamaalu bee be juuraloo ke la le, ka baturoo ke. Moo-wo-moo be labaŋ na bankoo kono be sujudi la a ye le, wolu mennu te ì faŋ tundi noo la baluwo to.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Mika 4:7

Ñiŋ lanjuurutoolu le be ke la moo baluuriŋ toomaalu ti. Ì ye mennu bayi ì fansuŋ bankoo kaŋ, ì ye ke banku sembemaa baa ti. Nte Yaawe faŋo le be ke la ì la Mansa ti Siyoni Konkoo kaŋ, ka bo saayiŋ fo abadaa.