Nehemiya 8:12 - Mandinka Bible

¹² Bituŋ moolu bee janjanta ka taa domoroo la aniŋ ka miŋ feŋolu miŋ, aduŋ ì ye moo doolu niibo le, ka juuraloo ke niŋ seewoo baa la. Ì ye ñiŋ ke le kaatu ì ye kumoolu fahaamu le mennu bankeeta ì ye.

Nehemiya 8:12 Referans Kwoze

Jabuuroolu 119:174

Hee Yaawe, m be ñaaniriŋ ne i ye n kiisa, i la kumakaŋo le ka n jusulandi.

Luka 24:32

Bituŋ ì ko ñoo ye ko, “Fo a maŋ ke ǹ ye kaawakuwo ti baŋ, biriŋ a be diyaamoo la ǹ ye siloo kaŋ, aduŋ a ye Kitaabu Senuŋo kotoo fo ǹ ye?”

Jabuuroolu 119:171

Jayiroo le be tu la bo la n daa ite ye, kaatu i ye n karandi i la luwaalu la le.

Jabuuroolu 119:130

I la kumoolu kotoo firiŋo ka maloo le dii, a ka moo kunimbaloo ñaamendi le.

Jabuuroolu 119:127

Nte de, ŋa i la yaamaroolu kanu le ka tambi sanoo la, hani saniforoo.

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Jabuuroolu 119:97

Nte ŋa i la karandiroo kanu le famfaŋ, aduŋ n ka m miira a la le luŋ-wo-luŋ.

Jabuuroolu 119:72

Ite ye yaamaroo meŋ dii, wo le fisiyaata nte ye duniyaa sanoo niŋ kodiforoo ti. Yod

Jabuuroolu 119:16

N ka seewoo i la kumakaŋolu la le, n te ñina la i la kumoolu la. Kimel

Jabuuroolu 119:14

N ka seewoo i la yaamaroolu mutoo la le, ka tambi naafulu baa sotoo la.

Yuuba 23:12

N nene maŋ a la yaamaroolu soosoo dooto. A fokumoolu, wolu le be m bulu.

Roomankoolu 7:18

Kaatu nte ye a loŋ ne ko, feŋ bete te n kono. Ŋa ñiŋ fo n na hadamadiŋyaa hame kuwolu le to, kaatu m faŋo ka lafi le ka kuu betoo ke, bari m buka a ke noo.

Yeremiya 15:16

Ŋa i la kumoo kiliŋ-kiliŋ tomboŋ ne, ŋa a ke ko n na domoroo, aduŋ i la kumakaŋolu keta n ye seewoo le ti, aniŋ jusulaa. Hee Yaawe Alihawaa Maariyo*, i tooyaa le be n kunna.

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

Nehemiya 8:10

Bituŋ Nehemiya ko moolu ye ko, “Ali ali la domori kendoolu domo, ali ye ali la miŋ feŋ diimaalu miŋ. Ali si moolu fanaa so doo la jee, mennu maŋ feŋ parendi ka a samba naŋ. Kaatu bii mu luŋ baa le ti m̀ Maarii ye. Ali kana sunu, kaatu Yaawe la kuwo seewoo le be ali bambandi la.”

Nehemiya 8:11

Lewi lasiloo ye moolu deyindi le ka a fo ì ye ko, “Ali i deyi! Bii mu luŋ baa le ti. Ali kana sunu.”

Nehemiya 8:13

Wo saamoo lasiloolu la alifaalu, aniŋ piriisoolu niŋ Lewi lasiloo taata ñoo la karammoo Esira kaŋ ka Luwaa Kitaaboo kumoolu lamoyi.

Esita 9:22

Ñiŋ waatoo le Yahuudoolu tankata ì jawoolu ma. Aduŋ ñiŋ karoo le ì la sunoo yelemata ì ye kontaanoo ti, aduŋ ì la jikilateyoo yelemata ì ye feeti luŋo ti. A ye ì safee le, fo ì si ñiŋ luŋo kalamuta ka a ke feetoo niŋ kontaanoo luŋo ti. Aduŋ ì si tabiri kendoolu ke ka ñoo niibo, aniŋ ka soorifeŋolu dii fuwaaroolu la.

1 Taarika 29:22

Ì niŋ seewoo baa ye domoroo niŋ miŋo ke Yaawe ñaatiliŋo la. Ì ye Sulemani Dawuda diŋo yitandi kotenke ko ate le mu mansa ti, bituŋ ì ye tulu senuŋo* boŋ a kuŋo kaŋ ka a toloo Yaawe too la. Ì ye Sadoki fanaa toloo piriisoo* ti.