Nehemiya 6:8 - Mandinka Bible

⁸ Ŋa ñiŋ jaabiroo murundi a kaŋ ko, “I ka feŋ-wo-feŋ fo a maŋ tara keriŋ. I be a miira kaŋ i faŋ ye le.”

Nehemiya 6:8 Referans Kwoze

Jabuuroolu 52:2

Ite neeneerilaa, i ka tara kasaara kuwo le siti kaŋ. I neŋo be saŋarariŋ ne ko muru diimaa.

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Kiilaalu 25:10

Wo to le Pawulu ko a ye ko, “M be looriŋ Rooma mansakewo le la kiitiyo ñaatiliŋo la, n ñanta kotobo la daameŋ. M maŋ kuu tilimbali ke Yahuudoolu la ko a be seneyaariŋ ali ma ñaameŋ.

Kiilaalu 25:7

Kabiriŋ Pawulu naata, Yahuudoolu mennu bota Yerusalaamu, ì loota ka a tuumi kuu jawu jamaa la, bari ì maŋ ì la kumoolu tooñaayandi noo.

Yohana 8:44

Ali bota Ibiliisa le bala, ali faamaa, aduŋ ali lafita ka ali faamaa la lafoo le ke. A mu moofaalaa le ti biriŋ foloodulaa to. A maŋ tara tooñaa kaŋ, kaatu tooñaa te a bulu. Niŋ a ye faniyaa fo, a daajikoo le mu, kaatu a mu faniyaa folaa le ti, aniŋ faniyaa folaalu faamaa.

Matiyu 12:34

Alitolu daŋari koorewo! Alitolu moo jawoolu si kuma betoo fo noo ñaadii le? Sondomoo be faariŋ meŋ na, daa ka wo le fo.

Daniyeli 11:27

Kuu jawu kewo le be tara la mansakee fuloo ñinnu sondomoo kono. Ì be domoroo ke la ñoo kaŋ dulaa kiliŋ ne, aduŋ ì be faniyaa fo la ñoo ye le. Bari ì lafita meŋ na a te ke la, kaatu a waatoo maŋ sii.

Yesaya 59:4

Moo buka kiitiyo kuntu a ñaama, waraŋ ka a la kuwo samba luwaa ñaatiliŋo la niŋ siloo la. Ì ka laa diyaamu kenseŋo le la, aniŋ faniyaa foo. Fitina kuwo le ka tara ì kono, a ye naa kuu kuruŋo wuluu.

Jabuuroolu 38:12

Moolu mennu ka n niyo ñini, ye ì la kutindiŋolu laa n kamma le, mennu ka n na mantooroo ñini, ka kasaaroo le fo m ma. Ì ka tu feeroolu le siti la n kamma.

Jabuuroolu 36:3

A daakumoolu mu kuruŋyaa niŋ neeneeroo le ti. A ye a koo dii ñiŋ na le ka ñaameŋ kuwo ke, aniŋ kuu kendoo.

Nehemiya 6:7

Aduŋ ì ye annabiyomoolu le tomboŋ ka kankulaaroo ke i la kuwo to Yerusalaamu ko, “Mansa sotota Yahuuda kono le!” Bari ñiŋ kibaaroo be sindi la mansa ma le. Wo to naa, ŋà beŋ ñoo kaŋ.