Nahumu 3:19 - Mandinka Bible

¹⁹ Dimoo meŋ ye i maa, jaarañaa te a la, i la baramoo te jaara noo la. Niŋ moo-wo-moo ye i la kasaaroo moyi, a be a buloo le kosi la, kaatu moo bee le toorata i la tilimbaliyaa bambaloo waatoo la.

Nahumu 3:19 Referans Kwoze

Mika 1:9

Baramoo meŋ ye Samariya maa, a te kendeyaa noo la. Wo kuu kiliŋo le be sumaŋ kaŋ Yahuuda bankoo fanaa la. A futata n na moolu la saatee dundaŋ daa ma le, Yerusalaamu faŋo to.

Niikuyaa Suukuwolu 2:15

Ŋa a je, mennu ka tambi siloo kaŋ ka buloo kosi i ma le, ì ka ciipuroo ke ka ì kuŋo jiijaa, ka Dimmusuriŋ Yerusalaamu ñaawali ko, “Fo ñiŋ ne maŋ ke saatewo ti ì ka a fo meŋ na, a la ñiiñaa timmata, a ka bankoolu bee seewoo le?”

Yuuba 27:23

Foñoo si sonka a ma, a ye foofooroo kumandi a ma.

Yeremiya 46:11

“Wo to taa Kileyadi ko! I ye moosibooroo ñini, ite Misira meŋ be ko dimmusuriŋ kataariŋo. I ye boori jamaa le maa kensenke, ì maŋ i jaara noo.

Yesaya 37:18

M Maarii Yaawe, tooñaa le mu ko, Asiriya mansoolu ye banku koteŋolu niŋ ì la kenoolu kasaara le.

Lankenemoo 18:20

“Ite Arijana, seewoo a la kuwo la. Moo senuŋolu, kiilaalu* aniŋ annabiyomoolu, ali bee ye seewoo, kaatu meŋ ye kuu jawoo ke ali la nuŋ, Alla ye kiitiyo laa a kaŋ ne.”

Lankenemoo 17:2

Ate le niŋ duniyaa mansoolu ye laañooyaa tuluŋo ke, aduŋ mennu be sabatiriŋ duniyaa kono, naata siira niŋ a la laañooyaa tuluŋo doloo la.”

Lankenemoo 13:7

Siloo diita a la le ka keloo boyi Alla la moo senuŋolu kaŋ, aniŋ ka ì noo. Aduŋ kantiiyaa diita a la sii-wo-sii kaŋ ne, bankoolu, kaŋolu aniŋ nasiyoŋolu bee, ka ì mara.

Esekiyeli 25:6

Yaawe, m̀ Maariyo ye ñiŋ ne fo ko: “Alitolu seewooriŋo le ye ali buloolu kosi ka i doŋ, ka teelindiri denkiloolu laa aniŋ ka haasidiyaa tiliŋ Banisirayilankoolu niŋ ì la bankoo ma.

Yeremiya 10:22

I lamoyi baŋ, kibaaroo le ka naa! A fele, a naata le, maakaŋ baa ka bo naŋ maraa kara maafaŋ bankoo kaŋ. Wo bankoo be Yahuuda saatewolu tumbuŋ na le, ka a ke kunkuwuloolu la daakaa ti.

Yeremiya 30:12

Yaawe ye ñiŋ ne fo ko: “Ali la dimiŋo te jaara noo la, ali la baramoo te kendeyaa la noo.

Yesaya 37:11

A ko, “Hesekiya, ite faŋo ye a moyi le Asiriya mansoolu ye meŋ ke banku koteŋolu la. Ì ye ì bee kasaara le. Fo ite jikita le ko i be tanka la le baŋ?

Yunusa 1:2

A ko a ye ko, “Wuli, i ye taa wo saatee baa to, meŋ too mu Ninewe ti. Ì fatandi ì la kuu kuruŋ kewo la, i ye a fo ì ye ko, ŋa ì la kuruŋyaa kalamuta le.”