Nahumu 3:15 - Mandinka Bible

¹⁵ Dimbaa be i domo la jee le to, hawusaroo ye i faa. I be kasaara la le ko kuntiŋolu ye feŋ meŋ domo. I faŋ siyandi ko kuntiŋolu, i ye i faŋ lafaa ko jatatoŋolu.

Nahumu 3:15 Referans Kwoze

Yoweli 1:4

Kuntiŋolu mennu ka kunturoo ke, wolu ye too meŋ tu, kuntiŋ koorewolu ye wo domo. Kuntiŋ koorewolu ye too meŋ tu, kuntiŋ podilaalu ye wo domo. Kuntiŋ podilaalu ye too meŋ tu, kuntiŋ tiñaarilaalu ye wo domo.

Nahumu 3:13

I la kelediŋolu juubee, ì bee keta musoo ti. Dimbaa ye i la bankoo naanewo sorondaŋolu bee jani, dulaa bee yeleta i jawoolu ye hakañi.

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.

Yoweli 2:25

“Ŋa kelediŋ kafu baa meŋ kii ali kaŋ, kuntiŋ koorewolu, kuntiŋ podilaalu, kuntiŋ tiñaarilaalu, kuntiŋ kunturilaalu, ì ye fiifeŋolu mennu bee domo saŋolu la, m be ì bee le jooseyi la.

Yesaya 66:15

A juubee, Yaawe niŋ dimbaa le be naa kaŋ, aduŋ a la keleraŋ sareetoolu* ka munta le ko saafoñotoo, a be a la kamfaa jindi la niŋ semboo le la, a la jalayiroo ye naa naŋ ko dimbaa neŋo.

Yesaya 66:16

Ka bo dimbaa niŋ hawusaroo* la, Yaawe be kiitindiroo taamandi la hadamadiŋolu bee le kaŋ, aduŋ a be mennu faa la, wo le be siyaa la.

Yeremiya 51:14

Nte Yaawe Alihawaa Maariyo kalita m faŋo la le ko: M be kelediŋolu juruma la i kono le, mennu be siyaariŋ ko kuntiŋolu, ì be wuuri la i kunna ka ì la nooroo yitandi.”

Amosi 7:1

M Maarii Yaawe* ye n jerindi ñiŋ ne la: Ŋa a je le, a ye kuntiŋolu jamaa parendi. Aduŋ a keta waati le la, kabiriŋ siimaŋo katita fokabaŋ, meŋ mu mansa niyo ti, siimaŋ labaŋolu ye a dati ka faliŋ.