Nahumu 1:4 - Mandinka Bible

⁴ A si baa yaamari a ye jaa, a ye boloŋolu bee fanaa jandi, Basani la beeyaŋ daañini dulaa kendoolu ye noro, aniŋ Karimeli yiroolu, Libanooni fiifeŋ firoolu ye jiraŋ.

Nahumu 1:4 Referans Kwoze

Yesaya 33:9

Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.

Jabuuroolu 106:9

A la yaamaroo kaŋ, Kulunjumbe Baa jaata, bituŋ a ye ì tambindi baa teema la banku jaaroo kaŋ.

Yesaya 51:10

Ite le ye fankaasoo jandi, baa diinoŋo bee jaata, i ye taamadulaa ke baa kono duuma, fo moolu mennu kumakaata si tambi noo.

Yesaya 44:27

Ŋa a fo le fankaasoo ye jaa, aduŋ m be a baalu jandi la le.

Jabuuroolu 114:5

Kulunjumbe, muŋ ne keta i la, fo i borita, aniŋ ite Yoridani, fo i ñorita i koo la?

Jabuuroolu 114:3

Kulunjumbe Baa ye a je le, a borita, Yoridani Boloŋo ñorita a koo la.

Jabuuroolu 104:7

I naata kuma jiyo ye, a borita. Biriŋ i bumbunta a kaŋ, a kidita ka taa.

Jabuuroolu 74:15

Ite le ye woyoolu niŋ boloŋolu ñaapuuloolu fetendi, i ye boloŋ jaabaloolu jandi le.

Matiyu 8:26

Wo to le a ko ì ye ko, “Ali ka muŋ ne sila? Alitolu moo lanna dooyaariŋolu!” Bituŋ a wulita, a ye foñoo niŋ baa baliŋolu jalayi. Wo to le ì tenkunta tek.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

Esekiyeli 30:12

Aduŋ m be Nayili Boloŋo jandi la le, ŋa ì la bankoo waafi moo kuruŋolu ma. Ka bo niŋ tumarankewolu la le m be kasaaroo naati la naŋ ì la bankoo niŋ a konokono feŋolu bee kaŋ. Nte Yaawe Alla faŋo le ye a fo.”

Yuuba 38:11

Ŋa a yaamari ka loodulaa soto, a kana tambi jee la, aniŋ ŋa dandulaa ke a baliŋ sembemaalu la.

1 Musa 8:1

Alla ye kalamutari ke Nuha la kuwo la le, wulakono daafeŋolu aniŋ beeyaŋolu, mennu bee be a fee kuluŋo kono. Alla ye foñoo bula naŋ duniyaa kono, bituŋ jiyo talaata.

Yosuwa 3:16

jiyo la boroo loota. A samasimmaa be looriŋ dulaa jaŋ saatewo doo daala, ì ka a fo daameŋ ye Adama, Saretani saatewo daala. Bituŋ jiyo meŋ ka bori naŋ ka taa Koojii Baa kono, Araba* tundoo la, bee loota kat. Bituŋ moolu naata teyi ka taa Yeriko wo kankuŋ doo la.

2 Samuweli 22:16

Fankaasoo duuma, wulumbaŋolu fintita jee, kabiriŋ Yaawe ye a jawoolu tindi niŋ a la niijii foñoo la. Duniyaa fondamaŋolu kenseŋyaata, a la dandalaaroo waatoo la.

Yesaya 42:15

M be konko baalu niŋ konkoriŋolu bee kenseŋyandi la le, ŋa ì la fiifeŋolu bee norondi. M be baalu yelemandi la dulaa jaaroolu le ti, ŋa daloolu jandi.

Esekiyeli 38:20

Ñewolu mennu be baa kono, kunoolu mennu ka tii santo, daafeŋolu mennu bee be wuloo kono, kuruntu feŋolu mennu bee ka kuruntu bankoo kaŋ, aniŋ moolu mennu bee be duniyaa kono, ì bee be jarajara la n ñaatiliŋo la le. Konkoolu be boyi la duuma, tintiŋolu bee be fotiŋ na ka jurumi naŋ duuma, aduŋ tata sansaŋolu bee be boyi la bankoo to le.

Jabuuroolu 18:16

A ye a buloo saba ka bo naŋ santo, ka m muta, a ye n saba naŋ jii diinondiŋo kono.