Nahumu 1:11 - Mandinka Bible

¹¹ Ite Ninewe, moo fintita naŋ ite le kono, meŋ ye kuruŋyaa jamfaa siti ka Yaawe sooki. A ye moolu yaamari kuu kuruŋ kewo la.

Nahumu 1:11 Referans Kwoze

Nahumu 1:9

Muŋ ne ye a tinna feere jawoo be siti la Yaawe kamma? A be a jawoolu la kuwo daŋ na le, ì te wuli la kotenke.

2 Taarika 13:7

Wo koolaa, moo kuruŋo doolu naata kafu a ma ka balaŋ Rehobowamu ma, Sulemani dinkewo. A ye a tara wo be dindiŋyaariŋ ne. A maŋ naa balaŋ noo ì bulu, waraŋ ka i loo ì fee.

2 Mansoolu 18:30

Ali kana soŋ Hesekiya ye ali dundi ñiŋ to ka jiki Yaawe la, ka a fo ali ye, a koyita a ma le ko, Yaawe be ali tankandi la le, aduŋ a te ñiŋ saatewo duŋ na Asiriya mansa bulu.

2 Samuweli 20:1

Saayiŋ, seetaani moo doo le tarata nuŋ jee, ì ka a fo meŋ ye Seba. Benjamini lasili moo le mu, aduŋ a keta Bikiri dinkewo le ti. A ye saakotoŋ binoo* fee, a wuurita ko, “M̀ maŋ talaari soto Dawuda la karoo la, hani feŋ, m̀ maŋ wo le soto Yese dinkewo la karoo la. Banisirayilankoolu, ali bee ye seyi ali la suwolu kono.”

1 Samuweli 2:12

Eli dinkewolu jawuyaata nuŋ baake le. Ì maŋ sila Yaawe la,

Esekiyeli 11:2

Bituŋ Yaawe ko n ye ko, “Hadamadiŋo, i ye ñiŋ kewolu mennu je teŋ, wolu le ka feere jawoolu siti, aniŋ ka moolu yaamari kuu kuruŋ kewo la Yerusalaamu kono.

Mika 2:1

Kooroo be boyi la moolu kaŋ ne, mennu ka tilimbaliyaa feeroo siti, aniŋ kuu kuruŋo, niŋ ì be laariŋ ì la laaraŋolu kaŋ. Niŋ fanoo keta, ì ye a taamandi ì la sembe sotoo kaŋ.