Nahumu 1:10 - Mandinka Bible

¹⁰ Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Nahumu 1:10 Referans Kwoze

Mika 7:4

Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Nahumu 3:11

Ite Ninewe, i fanaa be ke la le ko siiratoo, i ye bori ka taa maabo, ka tankoo ñini i jawoolu ma.

Yesaya 9:18

Moolu la jawuyaa ka mala le ko taakaa dimbaa ka ŋaniŋ kuroolu jani, ka yiri sutoolu dulaa dibiriŋolu mala, fo jee bee ye ke siisii kenseŋo ti.

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Yesaya 27:4

M maŋ kamfaa a la kuwo la. Niŋ a ye a tara ŋaniŋolu niŋ fitoolu le be jee, m be wolu kele la le, ŋa dimbaa duŋ ì la.

Jabuuroolu 68:2

Ko foñoo ka siisiyo tindi taariŋ ñaameŋ, Allamaa a ye ì bayi wo ñaama. Ko dimbaa maloo ka kaañoo yeluŋ ñaameŋ, Allamaa moo kuruŋolu ye kasaara Alla ñaatiliŋo la wo ñaama.

2 Samuweli 13:28

Abusalomu ye a la kewolu yaamari ko, “Ali i lamoyi! Niŋ Amunoni ye doloo miŋ, fo a siirata, aduŋ n ko ali ye ko, ali a faa, ali si a faa. Ali kana sila. Fo nte le maŋ ali yaamari, ka a ke baŋ? Ali si fatiyaa, ali ye bambaŋ!”

1 Samuweli 25:36

Kabiriŋ Abikali taata Nabali yaa, a ye a tara buŋo le kono, a be feetoo ke kaŋ komeŋ mansa. A jusoo be laariŋ ne, aduŋ a be siirariŋ baake le. Bituŋ Abikali maŋ feŋ fo a ye fo fanoo keta.

Jabuuroolu 118:12

Ì kuruta n na le komeŋ kumoolu, bari ì dimbaa tariyaata dubeŋ na le komeŋ ñansaraŋo. Ŋa ì noo le ka bo niŋ Yaawe semboo la.

Yesaya 47:14

Tooñaa-tooñaa, wolu ñaama jaaramaa le mu! Ì te ì faŋo tankandi noo la dimbaa la sembe waroo la. A maŋ ke dimbaa keñemboo ti ka i jaa, waraŋ dimbaa, i si sii meŋ daala.

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

2 Musa 5:12

Bituŋ moolu janjanta Misira bee kono, ka taa siimaŋ kala ñinoo la.

2 Musa 15:7

I la mansayaa la waroo kaŋ, i ye i jawoolu bee faa. I ye i la kamfaa jawuyandi, a ye ì jani komeŋ siimaŋ kaloolu.