Mika 7:4 - Mandinka Bible

⁴ Ì kono kendoolu be le ko ŋaniŋ biroo, ì kono tilindiŋolu be ko ŋaniŋ sutoo. Luŋo naata le, ì la annabiyomoolu ka luŋo meŋ fo ì ye. Alla la jaraboo le be naa ì kaŋ, ì la dewuŋ waatoo, wo le siita.

Mika 7:4 Referans Kwoze

Yesaya 22:5

Yaawe* Alihawaa Maariyo* ye luŋo le soto, maakaŋo be ke la waatoo meŋ na, ka i tuu moolu kaŋ aniŋ ka tara silaŋo kono, wulumbaŋo kono, ŋa meŋ je jeroo kono. A luŋo la, ì be tata sansaŋolu junku la le ka ì teyi, moolu si tara kumboo la maakoyiroo la, fo a maakaŋo ye futa konkoolu kaŋ.

Esekiyeli 2:6

“Ite hadamadiŋo, kana sila ì la, aduŋ kana sila ì fokumoolu fanaa la. Hani niŋ a keta i fee le ko i be ŋaniŋolu le kono, aniŋ ko i be sabatiriŋ buntaloolu le kono, kana sila ì la fereŋ, i kijoo kana fara ka sila ì la kumoolu la. Kaatu ì mu moo kaŋ jaaroolu le ti.

Yesaya 10:3

Ali be muŋ ne ke la mantooroo luŋo, niŋ kooroo bota naŋ dulaa jaŋ? Ali be taa jumaa le yaa ka maakoyiroo ñini? Ali be ali la naafuloo tu la mintoo le?

Hiburunkoolu 6:8

Bari bankoo meŋ ka ŋaniŋolu niŋ ñaamoolu falindi, a maŋ jari feŋ na, bari a sutiyaata dankoo le la, aduŋ a labaŋo mu janiroo le ti.

Luka 21:25

“Aduŋ taamanseeroolu be tara la tiloo, karoo aniŋ looloolu bala. Baa niŋ jiibaliŋolu la maakaŋ baa be niitooroo niŋ jikilateyoo laa la nasiyoŋolu kaŋ.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Amosi 8:2

Bituŋ Yaawe ye n ñininkaa ko, “Amosi, i ye muŋ ne je?” Ŋa a jaabi ko, “Sinsiŋo, yiridiŋ mooriŋolu be a kono.” Bituŋ a ko n ye ko, “N na moolu Banisirayilankoolu la kuwo kiitiyo moota le. N te yamfa la ì ye muk.

Yeremiya 10:15

Feŋ fuuriŋolu le mu, jelefeŋyaa feŋolu. Niŋ ì jarabi waatoo siita, ì be kasaara la wo le fee.

Yeremiya 8:12

Ì ye kuu ñewundiŋolu mennu ke, wolu ñanta ì malu la le, bari hanii, ì maŋ malu fereŋ, ka malu fo i ye tara, itolu maŋ wo loŋ. Wo to ì niŋ moolu le be busandi la ñoo la mennu ñanta ka busandi, ì ye kasaara. N na ì jarabi waatoo la, ì be baŋ na wo le fee.” Yaawe le ye a fo.

Yesaya 55:13

Niŋ ŋaniŋ suŋolu le ñanta faliŋ na, junipa yiroo aniŋ miritali yiroo si faliŋ. Ñiŋ kuwo be ke la taamanseeroo le ti nte Yaawe la horomoo kamma, aduŋ a be tu la le fo fawu, a te tiñaa la.”

Yeremiya 11:23

Hani kiliŋ te tu la wo Anatotinkoolu kono, kaatu m be kasaaroo le naati la ì kaŋ, niŋ ì jarabi waatoo siita.”

Yeremiya 46:21

A la luwaasi kelediŋolu ka munta le ninsiriŋ nunkuriŋolu. A fele, ì bee borita ñoo la, ì maŋ loo ka keloo ke, kaatu ì jarabi luŋo le naata ì kaŋ, ì kuluu waatoo.

Esekiyeli 28:24

Bari Banisirayila bankoo de, ì dandanna bankoolu te ke la ì ye ŋaniŋo ti kotenke, meŋ si ì soo waraŋ ka ì barama aniŋ ka jutunnayaa tiliŋ ì la. Niŋ wo keta le, ì be a loŋ na ko, nte le mu Yaawe ti, ì Maariyo.”