Mika 7:2 - Mandinka Bible

² Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Mika 7:2 Referans Kwoze

Jabuuroolu 12:1

Hee Yaawe*, ǹ tankandi. Alla ñaasilannaa te keriŋ kotenke. Moo dankeneyaariŋolu bee le yeemanta hadamadiŋolu kono.

Yesaya 57:1

Moo tilindiŋolu ka kasaara le, bari moo buka a hakilitu ì to, ì ka lannamoolu samba le, moo buka a fahaamu. Bari niŋ ì faata, ì be tanka la maasiiboo ma le,

Yeremiya 5:26

“Kuruŋolu sotota n na moolu kono le, ì ka biti le ko kunu mutalaa, ka jaloo laa ka moolu muta.

Yesaya 59:7

Ì tariyaata junube kuu kewo la le, ì ka hawuji ka moo faa meŋ maŋ kuu ke. Miira jawoo le ka tara ì sondomoo kono, tiñaaroo niŋ kasaaroo mu ì taaraŋ buloo ti.

Kuma Kotoomaalu 1:11

Ì si a fo noo ko, “Ŋà taa dende dulaa to ka moo faa, waraŋ ka taa moo sooneeyaariŋo boyinkaŋ,

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

1 Samuweli 24:11

M faamaa, a juubee, ŋa i la dendika kunturiŋo meŋ muta! N si i faa noo le, bari ŋa ñiŋ dammaa le kuntu. Ñiŋ ñanta a yitandi la le ko, m maŋ ke moo kuruŋo ti, aduŋ m maŋ lafi ka balaŋ i ma. I ka m bayindi le, fo i si m faa, aduŋ m maŋ feŋ-wo-feŋ ke i la.

Mika 3:10

Ali ye Siyoni* loo yeleboŋo le kono, ali ye Yerusalaamu loo tilimbaliyaa kono.

Niikuyaa Suukuwolu 4:18

Ruk-ruk, a duuta! Ǹ jawoolu ka ǹ wulu deema le, ì ka m̀ bali finti la ǹ na mbeedoolu kaŋ. Ǹ labaŋo siita le, m̀ baluu tiloolu banta fereŋ-fereŋ.

Yeremiya 5:16

Ì la kalabeñe kufoolu mu kaburu dinkoo le ti, ì bee mu kelejawaroolu le ti.

Kuma Kotoomaalu 12:6

Moo kuruŋolu la diyaamoo ka moofaa le saabu, bari moo tilindiŋolu la kumoolu le ka ì tanka.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

1 Samuweli 26:20

Kana a ke, ŋa faa a maŋ ke Yaawe ñaa la. Muŋ ne ye a tinna Banisirayilankoolu la mansa be jaatakoloo ñini la, meŋ be ko nte. Muŋ ne ye a tinna a be nte ñini la ko bereto woloo konkoolu kaŋ?”

Jabuuroolu 10:9

A jatamaa le ka tara bitiriŋ a la maabodulaa, a ka tara bitiriŋ ne ka boyi moo bataariŋolu kaŋ. A ka ì muta a la jaloolu le la, a ye ì kuruntu ka ì samba.

Yesaya 9:19

Yaawe Alihawaa Maariyo la kamfaa kaŋ, bankoo bee be jani la le, moolu ye ke dimbaa malaraŋo ti. Moo te yamfa la a baadiŋo ye,

Yeremiya 8:6

Ŋa n lamoyi ì la le famfaŋ, bari ì buka kuma fo meŋ tilinta. Hani moo kiliŋ ne buka tuubiseyi a la kuruŋyaa la, ka a fo ko, ‘Nte ye muŋ ne ke teŋ?’ Moo-wo-moo ka taa a fansuŋ siloo le la, ko suwoo ka i seyiŋ keloo kono ñaameŋ.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

Esekiyeli 24:6

Maarii Yaawe ye ñiŋ ne fo ko: “Kooroo be wo yeleboŋ saatewo ye, meŋ na kaleeroo be komondiŋ, ì maŋ a la komoŋo bondi a bala. I si subu kunturoolu kiliŋ-kiliŋ kiisa a kono, i kana kesendiri ke ì la.

Hoseya 5:1

Yaawe* ko: “Alitolu piriisoolu*, ali ali tuloo loo ñiŋ na! Banisirayilankoolu, ali ali hakiloo tu ñiŋ to! Mansabuŋo moolu, ali i lamoyi! Kiitiyo be alitolu le kaŋ, kaatu ali keta kutindiŋo le ti Misipa, ali keta jaloo ti ka wanka Tabori Konkoo kunto.

Mika 2:8

Yaawe ko: “Alitolu le keta moolu ti, mennu loota n na moolu ye jawuyaa daa to. Ali ye tambilaalu la dendika baalu wura ì la, mennu maŋ i yillaa kuu jawu-wo-kuu jawu ma, aniŋ ko keloo be ke la.

Mika 3:2

Alitolu mennu ka kuu kendoo koŋ, ali ye kuu kuruŋo kanu. Ali ye n na moolu baloo bee namaŋ-namaŋ, ko niŋ i be beeyaŋo busu la, ka ì kuloolu niŋ ì bala suboo talaa.

Jakariya 11:6

Yaawe ko, “N te balafaa soto la ñiŋ bankoo moolu ye kotenke. M be jee moolu dammaalu dundi la ñoo la le, ŋa ì duŋ ì maralilaalu bulu. Ñiŋ maralilaalu be bankoo kasaara la le, aduŋ hani moo kiliŋ, n te a bo la ì bulu.”

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Yesaya 3:5

Moolu be ñoo mantoora la le, moo si boyi a ñoŋ moo kaŋ, siiñoo, a siiñoo kaŋ. Fondinkewolu si i loo alifaalu fee, moo kenseŋolu si jutunnayaa tiliŋ buuñaa moolu la.

Hoseya 6:9

Ko suŋolu ka biti moolu kamma ñaameŋ, piriisoolu* ka kumbeŋ ñoo kaŋ wo le ñaama. Ì ka faaroo ke le hani Sekemu siloo kaŋ, ì la ñiŋ kuu kuruŋolu mu malu kuu baa le ti.

Kiilaalu 24:9

Aduŋ Yahuudoolu fanaa ye ñiŋ tuumiroo tooñaayandi le.