Mika 3:12 - Mandinka Bible

¹² Ali la kuwo kamma la, Yerusalaamu be ke la tumbuŋo le ti, Siyoni ye ke senebankoo ti, aduŋ Alla Batudulaa Buŋo* be looriŋ konkoo kaŋ daameŋ, jee be ke la sutoo le ti.

Mika 3:12 Referans Kwoze

Yeremiya 26:18

“Mika Moresetinkoo ye kiilaariyaa kumoolu fo le, Yahuuda mansakewo Hesekiya la mansayaa waatoo la. A ye ñiŋ ne fo Yahuuda moolu bee ye ko, ‘Yaawe Alihawaa Maariyo* ye ñiŋ ne fo ko: Siyoni* be ke la senebankoo le ti, Yerusalaamu ye ke tumbuŋ tuŋo ti, aduŋ Alla Batudulaa Buŋo be looriŋ konkoo kaŋ daameŋ, jee be ke la sutoo le ti.’

Jabuuroolu 79:1

Hee Alla, sii koteŋolu le dunta i la bankoo kaŋ i ye meŋ dii ǹ na. Ì ye i Batudulaa Senuŋo kosondi le, ì ye Yerusalaamu ke tumbuŋo ti.

Matiyu 24:2

Bituŋ a ko ì ye ko, “Fo ali ye ñiŋ buŋolu bee je le baŋ? Tooñaa, m be a fo la ali ye, ali ye ñiŋ buŋolu meŋ je teŋ, hani bere kiliŋ te tu la laariŋ ñoo kaŋ jaŋ, meŋ te boyi la duuma.”

Mika 1:6

Wo to Yaawe ko, “M be Samariya ke la tumbuŋo le ti, kene kenseŋo. Jee ye ke wayini* yiri tutudulaa ti. M be a beroolu fayi la wulumbaŋolu le kono, ŋa a kenseŋyandi fo a fondamaŋolu to.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Yeremiya 9:11

Yaawe ko: “M be Yerusalaamu ke la tumbuŋo le ti, a ye ke kunkuwuloolu la daakaa ti. M be Yahuuda saatewolu kenseŋyandi la le, moo te sabati la jee.”

Yeremiya 17:3

aniŋ konko baalu kaŋ, kene fanuŋolu to. M be ali la naafuloo niŋ ali la sotofeŋolu bee dii la ali jawoolu la ñapinkaŋ feŋo le ti, ka ke ali la junuboo joo ti, ali ye mennu ke ali la bankoo fannaalu bee la.

Yeremiya 22:6

Yaawe ye ñiŋ ne fo Yahuuda mansasuwo la kuwo to ko: “I ñiiñaata n ñaa koto ñaa-wo-ñaa ko Kileyadi tundoo, aniŋ Libanooni konkokaŋ yiroolu, a be koyiriŋ ne ko, m be i ke la le ko keñewuloo*, komeŋ moo te siiriŋ saatewolu mennu to.

Yeremiya 35:17

Wo kamma la nte Yaawe Alihawaa Maariyo, Banisirayila la Alla ye ñiŋ ne fo ko: M be kasaara kuwolu bee naati la Yahuuda moolu niŋ Yerusalaamu moolu kaŋ ne, ŋa mennu fo ì ma. Bayiri n diyaamuta ì ye le, ì maŋ i lamoyi n na, n kumata ì ye, ì maŋ n danku.”

Yeremiya 44:2

A ko: “Nte Yaawe Alihawaa Maariyo*, Banisirayila la Alla ye ñiŋ ne fo ko: Ali ye a je le ŋa kasaaroo meŋ naati Yerusalaamu kaŋ, aniŋ Yahuuda saatee koteŋolu bee. A juubee, bii ì keta tumbuŋo le ti, moo maŋ tara siiriŋ ì kono.

Yeremiya 52:13

A ye dimbaa duŋ Yaawe Batudulaa Buŋo* la, mansasuwo, buŋ kummaalu bee, aniŋ buŋ toomaalu bee, Yerusalaamu saatewo kono.

Niikuyaa Suukuwolu 5:18

A juubee, Siyoni Konkoo kenseŋo le tuta looriŋ, kunkuwuloolu be yaayi la a kaŋ.

Yesaya 32:14

Mansabuŋo kenseŋo le be tu la jee, saatee duuriŋo ye tara kiideeriŋ. Tatoo niŋ kantari buŋo be ke la daafeŋolu la dinkiraa le ti fo abadaa. Faloolu si i bidibidi jee, a ye ke beeyaŋolu ye daañini dulaa ti,

Yeremiya 9:10

M be kumboo la le ka lemba konkoolu ye, ŋa beeyaŋ daañini dulaalu la kuwo saŋawoosii, kaatu ì jaata le ka kenseŋyaa, hani moo buka tambi niŋ jee la, ninsi kumakaŋ buka moyi jee. Kunoolu borita jee la le, aniŋ wulakono daafeŋolu.

Yeremiya 22:5

Bari niŋ ali maŋ soŋ ñiŋ kumoolu muta la, wo to ŋa n kali m faŋo la ko, ñiŋ mansasuwo be ke la tumbuŋo le ti.” Yaawe le ye a fo.