Mika 1:14 - Mandinka Bible

¹⁴ Alitolu Yahuuda moolu, ali ñanta Moreseti-Kati moolu so la feŋ na le, ka ke ali niŋ ì teema sarañooloo ti. Akisibu saatewo be Banisirayila mansoolu neenee la le.

Mika 1:14 Referans Kwoze

Yosuwa 15:44

Keyila, Akisibu aniŋ Maresa. Ì taata kaañaŋ saatee baa kononto le fee, ì niŋ ì dandanna saateeriŋolu.

2 Mansoolu 16:8

Ahasi ye kodiforoo niŋ sanoo taa meŋ tarata Yaawe Batudulaa Buŋo* kono, aniŋ mansasuwo naafulu maabodulaa kono, a ye a kii Asiriya mansa ye, ka a so a la.

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yesaya 30:6

Ñiŋ kiilaariyaa kumoo le fota Nekefu* tundoo daafeŋolu la kuwo to: Ñiŋ kiilaalu ka taa niŋ banku le la, ì be bataa niŋ niitooroo taki la daameŋ. Jata kewolu niŋ jata musoolu le be siloo kaŋ, daŋaroolu niŋ capatoolu. Ì ye faloolu niŋ ñonkomoolu dunindi ì la naafuloo la, ka ì samba wo banku nafantaŋo to.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

2 Samuweli 8:2

Dawuda ye Mowabinkoolu fanaa noo keloo la le. A ka a ke le, ì ye i laa bankoo to. Moo saba-wo-saba, a ka fula le bo jee, a ye wolu faa. Moo sabanjaŋo, a ye wo tu jee. Wo to le Mowabinkoolu ye ì faŋ seyi a ma, ì ka naamoo joo a yaa.